ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-10-171587416432 %68 %
2019-10-181098330835 %65 %
2019-10-19502157639 %61 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: جۇڭگو قازاق راديو تورابى

جولدانعان ۋاقىتى: 19:30 - 2019/09/19


اۋەلگى كەلۋ قاينارى: http://www.kazakcnr.com/jdt2019/201909/t20190918_1362813.html

تىلشىلىك دەگەن وسى كاسىپ ءبىزدى تۇرتكۇل دۇنيەنى ارالاتباسادا شينجياڭنىڭ جەر-جەرىمەن تانىستىردى، اسقار التاي تاۋىنىڭ باۋرايىندا، الىپ تيانشاننىڭ كەڭ جايلاۋىندا ىزىمىز قالماعان جەر از بولار. كوپتەگەن اداممەن، سان سالالى كاسىپپەن تانىستىق، سول ادامنىڭ جان دۇنيەسىن تۇسىنىپ، جەتكەن جەتىستىگىن تىلگە يەك ەتىپ، ونەر الەمىنە سۇڭگىگەن سىماق بولدىق. سونداي-اق، ءار كاسىپتىڭ مازمۇنىن، قىزمەت ريتىمىن تۇسىندىك. دەمەك ولاردى ەكران بەتىنە شىعارۋعا، گازەت بەتىنە جاريالاۋعا قۇلشىنىس جاسادىق. سونداي ءبىر تىلشىلىك بابىمەن اۋەنى مەن ادەبى ساي بۇگىنگى كەيىپكەرىمىزگە جولىقتىم.

---اتىڭىز كىم؟

---كۇلاش قينايات قىزى

---ماماندىعىڭىز نە؟

---مەندە تۇراقتى ماماندىق جوق، جاستار ۇيلەنىپ جاتسا توي جۇرگىزەمىن، ساپارلاس بولساق جول باستاۋشى بولامىن. ال بازاردان باعىڭىزدى سىناساڭىز وندا كاسىپكەر رەتىندە كومەك كورسەتەمىن دەگەن قىسقادا، نۇسقا اڭگىمەسى ماعان تەرەڭ اسەر ەتتى. بۇرىن اتىن ەستىپ عانا جۇرەتىن كۇلاشتىڭ مىنە بۇگىن وزىمەن جۇزدەستىن. ديدار عانيبەت، سونىمەن ۋيچاتىمىزدى قوسىپ الىپ جاي-جايىمىزعا كەتتىك. قولىم بوساعاندا دوۋ-يىڭدى اقتارىپ وتىرسام كۇلاشتىڭ كەلتە جولداماسى ءجۇر ەكەن. 10 سيكۋنتتىق كەسكىندە: «مەملەكەتتىك ۇزدىك جول باستاۋشى»، ورتالىق تەلەۆيزياسى «شيڭ-گۋاڭ داداۋ» ايدارىنىڭ ۇزدىك شابانتوزى، شينجياڭ بويىنشا وتكەن توي جۇرگىزۋشىلەرىنىڭ جارىسىنىڭ «التىن مەدال يەگەرى» دەگەن ماراپاتتاردىڭ مازمۇنىن كورىپ ءتىپتى دە نازارىم اۋدى. الگىندەگى ءازىل اڭگىمەنى ەندى تولىق تۇسىنگەندەي بولىپ، وزىنە تىكە تەلەفون جالعاپ، ونەر جولى تۋرالى ارقا-جارقا اڭگىمەگە ۇسىنىس ەتتىم.

«قىز وسسە---ەلدىڭ كوركى» دەيتىن اتا-انانىڭ ۇل بالادان گورى قىز بالاعا قويار تالابى، ايتار اقىلى، تەكتەيتىن تەجەمى مول. ءيا، ونىڭ ءبارى ۇرپاققا دەگەن جاۋاپكەرشىلىك پەن كەلەشەك زامانعا دەگەن ءۇمىتى. كۇلاش سانجى قالاسىنداعى زيالى وتباسىندا دۇنيەگە كەلگەن ەكەن. جاستايىنان ءان-كۇيگە اۋەس، كوركەمونەرگە كوڭىل ءبولىپ جۇرەتىن ول داشۋە بىتىرگەن سوڭ ءار كاسىپپەن شۇعىلدانىپ، تالەيىن سىناپ كورگەن ەكەن.

ءومىر دەگەن كوك مۇحيتتىڭ تولقىنى،

ءبىر-بىرىمەن جاتقان شۋلاپ جالعاسىپ،

ءبىر-بىرىمەن جاتقان تۋلاپ الداسىپ،

و، تولقىندار جاعالاسىپ العا شىق!— دەگەن ايگىلى اقىن تولەگەن ايبەرگەنوۆ. كۇلاشتىڭ تالماس قاناتى، تالعار ويى، تالانتى ونەرى وسى ولەڭمەن ورنەكتەلىپ جاتقانداي سەزىلدى.

قىز ءومىردىڭ قىزعالداعى. توتىعىستاي تارانعان ارۋدىڭ ارمانىن اڭعارىپ، ءومىرىن سەزىنۋ قيىن بولماسا كەرەك. ءوزىنىڭ جاساپ جاتقان ورتاسى مەن قوعامنىڭ قۇپيالىعىن اقتارىپ، قۇلىبىن اشىپ، جالپىعا جايىپ سالار شابىت شاعالاسى تىرلىك تەڭىزىن تىنباي شارلاپ، ونەردىڭ ءورىسىن، سالتانات ساحىناسىنىڭ ارىسى مەن بەرىسىن توقتاۋسىز ىزدەۋدە ما؟! ارمانى الدامايتىن ادامداردىڭ تالەيى وڭىنا تۋادى عوي، ەرتەڭ-اق ەلىنە ەرەن ەڭبەگىمەن كورىنەتىنىنە سەنىممەن عانا سەرت بەرەدى.



سول داۋىرلەردە ساياحات سالاسى جاقسى دامىپ، تاسى ورگە دومالاپ تۇرعان كاسىپ. ىشكى ولكەدەن ءتىپتى شەتەلگەن كەلگەن قوناققا يە كوپ، باستاپ دىزگىنىنە جابىسىپ، شىلبىرىنا جەتەلەي كەتەتىن ادامدار دا از ەمەس ەدى. كۇلاش سونداي قايناعان بازارعا ءوز دايىندىعىمەن، ءوز تالابىمەن كىرىپتى. ونەر ورتاق قازىنا عوي. ونىڭ قاسيەتىمەن قاناتتانام، قايماعىنان ءنار تاتام دەسەڭ ماڭدايىڭنان تەر توگىپ، تالاپتانا ءبىلۋ كەرەك. باس كەيىپكەرىمىز سول تالاپتان شىعىپتى.

توي جۇرگىزۋ بۇگىنگى قوعامىمىزدا كەم بولسا بولمايتىن كاسىپ تۇرى. بۇل كاسىپتى باسىم ادامدار توي يەسىمەن اقىلداسىپ الىپ، ساحىنادا بىرەر اۋىز سويلەپ، ورتاسىندا انشىلەردى شاقىرۋمەن اقىرلاساتىن شارۋا دەپ ويلايدى. تۇسىنگەن ادامعا ونداي وڭاي جۇمىس جوق. سوزگە جۇيرىك ادامنىڭ ءبارى توي ساحىناسىنا شىعىپ، تويعا كەلگەن كوپشىلىكتى ايرانداي ۇيتا بەرمەيدى. وعان ۇلكەن ۇيىمداستىرۋ قابىليەت كەرەك، شەبەرلىك پەن شەشەندىك قاجەت. ءسوزدىڭ جۇلگەسىمەن عانا جۇرمەي، جۇيەسىنە جىعىلاتىن جىلدامدىق پەن جوپەلدەمەدە جاراستىراتىن قاعىلەزدىڭ قاجەت. ول داۋىسى تۇنىق، ءسوز الىسى جاتتىق، جايى كەلسە ءان ايتىپ، كۇي شەرتەتىن سەگىز قىرلى، ءبىر سىرلى ازاماتتار عانا ىستەي الاتىن كاسىپ. كۇلاش مىنە وسىنىڭ ءبارىن ءبىر بويىنا جيعان جان.

ال كۇلاشتىڭ بۇل سالاعا ات باسىن تىرەپ، ارنايى كىرىسۋى تەگىن ەمەس. ءبىر ادامنىڭ ورەسى مەن قابىليەتىن، ءبىلىمى مەن بىلەرىن، ءبىر اۋىز سوزىمەن حالىقتى ۇيىتىپ، ساحىنا مەن تويشىل قاۋىم اراسىن جالعاۋعا دا سالاۋات كەرەك شىعار. البەتتە، كوپتىڭ قۋانىشىنا، ەلدىڭ دۋمانىنا، جاستاردىڭ وتاۋ كوتەرۋ تىلەۋىندە قانداي ءسوز ايتىلۋى ءتيىس، قانداي ءسوز ايتىلماۋى كەرەك دەگەندى جۇرگىزۋشى تولىق تۇسىنۋى كەرەك. تويدىڭ باسى مەن سوڭىن تولىق جىمداستىرىپ، جەتەمىز دەگەن مارەگە قۋانىشتىڭ قورجىنىن تولتىرىپ باراتىن كۇلاشتىڭ جۇرگىزۋشىلىك ەرەكشەلىگى دە دارا.


اباي اقىليالارىنىڭ جيىرمانىنشىسىن وقىساڭىز: از با، كوپ پە؟ ايتەۋىر، ادام بالاسىنىڭ ءبىر ءتۇرلى ماقتانىنان امان بولماعانى قيىن ءىس» دەپ باستالۋشى ەدى. كۇلاشتىڭ اسىپ تا، تاسىپ تا كەتبەيتىن مىنەزى كوپكە ۇنايدى. ءبىر ارەكەتىمەن، ءبىر ميميكاسىمەن دۇيىم جۇرتتى ايرانداي ۇيىتىپ، كولدەي تولقىتۋ جاي ادامنىڭ قولىنا كەلمەسە كەرەك.



تالانىتتى تابالدىرىق ەتىپ تالاپتىڭ تالعارىنا باستايتىندىعىنا تالاي-تالاي تارتىمدى تابىستار مەن تاۋداي ناتيجەلەر كۋا بولىپ كەلەدى. كۇلاش قينايات قىزى اۆتونوميالى رايوننان ەكى كەزەك 1-دارەجەلى بولسا، مەملەكەتتىڭ جارىستاردا دا باس جۇلدەگەر بولىپ، كەۋدەسىنە وردەن تاعىپ، ماراپات تورىنەن كورىندى. وسىنىڭ ءبارى تالاي جىلى تاباندىلىق پەن تابان ەت، ماڭداي تەردەن كەلگەن ناتيجە ەكەن. سوندىقتان دا تالاپتىلىق كەز كەلگەن تابىلماس تاماشا قاسيەت، وعان تالعار تالانت قوسىلسا ءتىپتى نۇر ۇستىنە نۇر ەمەسپە؟!

بىرەۋدىڭ باسىنا ءۇي، باۋىرىنا قازان اساتىن ۇيلەنۋ تويى بولسا، ەندى بىرەۋدىڭ بالاسىنىڭ تۋىلعان كۇنى، دوستارىنىڭ باسقوسۋى، كونە كوز ساباقتاستاردىڭ20 جىلدىق، 30جىلدىق قۋانىشى ت ب تالاي دۇبىرلى تويدى، سالتاناتتى قوناعاسىنى جۇرگىزىپ جۇرگەن كۇلاش وسى كاسىپكە ابدەن ىسىلىپ، مامانىنا اينالىپتى. ول مۇنان سىرت سەرىكتىكتەردىڭ اشىلۋ سالتى، جىلدىق قورتىندى جيىنى، مەكەمەلەردىڭ مەرەكەگە ارنالعان ساۋىق كەشى مەن ارنايى كەزدەسۋلەرىن دە تاماشا داۋىسى مەن شەبەر جۇرگىزۋشىلىق قابىليەتىمەن ءوز دەڭگەيىندە كوتەرىپ جۇرگىزىپ كەلەدى. «الۋان-الۋان جۇيرىك بار، الىنە قاراي شابادى» دەمەكشى، مىنە وسى ساحىنانى كۇلاش ءۇش تىلدە جۇرگىزىپ كوپتەگەن كاسىپتىك مامانداردىڭ جوعارى باعاسىن دا الىپ ۇلگىردى.


كۇلاشتىڭ مەملەكەت تىلىمەن جۇرگىزەتىنىن بىلايعى جۇرت بىلە بەرۋى ەكىتالاي. البەتتە، ءبىر ءبولىم ادامدار بۇل بويجەتكەننىڭ توي جۇرگىزگەنىن كورمەدىك عوي دەپ ايتۋى عاجاپ ەمەس. ارينە ول نەگىزىنەن حانزۋ اعايىنداردىڭ باسقوسۋىنا كوپ ۇسىنىس ەتىلەدى. ۇرىمجىنىڭ 5 جۇلدىزدى قوناقجايىنىڭ رەستۋران زالىندا دەرلىكتەي ونىڭ داۋىسى ەستىلەدى دەسەك ارتىق ەمەس. كەيدە وتاندىق كيىمدەرمەن جۇرگىزسە كەيدە توي يەسىنىڭ تالابى بويىنشا قازاقى قوسەتەك كويلەكپەن دە دۇرىلدەتىپ جاتاتىندىعىنا ءوزىم كۋا بولىپ قايتتىم.


جۇڭگو كونسەرت سالاسى قوعامنىڭ تولىمدىلىق كىنەشكاسىمەن تولىق سالاۋاتىمەن العان قينايات قىزى كۇلاش ولكە ارالاپ جۇرەىزۋشىلىك ەتەدى ەكەن. تەك شينجياڭ ەمەس، بىردە شاڭحايدا، بىردە نانجيڭدە، ال كەلەر ايدا گۋاڭجۋدا تۇرلى باسقوسۋلار مەن قيلى قۋانىشتاردىڭ اساباسى بولىپ جۇمىس اتقاراتىن كۇلاش كەلەر ايدا قاي قالادا بولاتىنىن دا بىلمەيدى. اسىرەسە، جازدا توي ريتىمىنىڭ كوبەيۋىنە بايلانىستى ول ءبىر كۇندە ەكى توي جۇرگىزگەن كەزدەرى بولدى. شارشاپ تۇمسىعىنا شانشىلعان كۇندەرى دە كوپ. وندا تەك جاۋاپكەرشىلىك پەن مىندەت دەگەن ەكى تانىم تەڭ تۇرادى.


ول اڭگىمە ارەدىگىندە: «2012-جىلى شينجياڭ بويىنشا وتكەن توي جۇرگىزۋشىلەردىڭ باسەكەسىندە باس جۇلدەنى جەڭىپ العاندىعى ءۇشىن، 2017-جىلى بەيجيىڭ قالاسىندا بۇكىل مەملەكەتتىك توي جۇرگىزۋشىلەرىنىڭ شەشۋشى جارىسىنا قاتىناستىم. وسى بارىستا مەن شينجياڭنان 17 ارتيستى ەرتىپ باردىم. ونىڭ سەبەبى سول ساحىنادا قازاقتىڭ قىز ۇزاتۋ تويىنداعى بەتاشاردى ساحىنالاستىرىپ جاساپ شىقتىق. وندا جۇرگىزۋشىنىڭ ءسوزىن ايتباعاندا ارتيستەر ورىندايتىن سىڭسىما، جار-جار، بەتاشار ايتىلادى، ورتاسىندا دومبىرا شەرتىلەدى، ءوزىم اكارديون شالامىن، كوپ تۇسىندىرمەم تاعى بار. سوڭىندا شاشۋ شاشىلىپ، قاراجورعا بيلەنەدى. دەمەك، وسىنىڭ ءبارىن دايىنداۋ ماعان وڭايعا سوقپادى. ونان دا قيىنى: ءبىر ۇلتتىڭ سالتىن 13 مينوتتا ورىنداۋ بولدى. ءبىرى كەم قالسا بولمايدى. سونىمەن ۋاقىتتى سەكۋنتتاپ ءبولىپ، جىڭىشكەلەپ جوبا جاسادىق. سونداي-اق، باسقا ولكەدەن كەلگەن شابانتوزدار بار. «جۇزدەن جۇيرىك، مىڭنان تۇلپار» عوي. باسىندا بىراز توسىرقادىم، سوڭىندا قايتا قايتا ماشىق بارىسىندا نومىرىمىزدى تاماشالاپ پىسىردىق تا ساحىناعا شىققاندا وتە ءساتتى ورىندادىق. ءارى 13 مينوتتىڭ ىشىندە اياقتادى. كورەرمەن مەن ماماندار، باعالاۋشىلار ورنىنا تۇرىپ قول سوققاندا كوزىمە جاس الدىم. سونىمەن سول جولعى باس جۇلدەنى الىپ، شينجياڭعا زور ماراپاتپەن، تابىسپەن ورالدىم---دەپ ءسوزىن جيعان كۇلاشتىڭ اڭگىمەسىن تىڭداپ مەن دە اسەرلەنىپ كەتتىم.


ەرەكشە اۋىزعا الارلىق ءبىر جايت: 2007-جىلى اۋىل قىزىنىڭ ارداگەرمەن كەزدەسەتىن ورايى تۋدى. ولكەدەن وزا شاپقان كۇلاش قينايات قىزى استانامىزدىڭ ەڭ ساۋلەتتى زالى حالىق قۇرىلتايىندا مەملەكەت باسشىلارىنىڭ قولىنان «باس جۇلدەگەر سيلىعىن» الىپ دۇبىرلى ورتانىڭ دۇلدۇلىنە اينالدى. وسى ساتتە سول كەزدەگى ورىنباسار زۇڭلي ۋ ي جولداسپەن جولىعىپ، ەستەلىك فوتوعا ءتۇستى. ءيا، ءار كىمنىڭ ماڭدايىنا جازا بەرمەيتىن بۇل ءساتتى ول ەرەكشە قادىرلەدى، ول كىسىلەرمەن تۇسكەن فوتونى تورىنە ءىلىپ، توبەسىنە كوتەرە ءبىلدى.

ساياحاتتىڭ ساڭلاعى، مەملەكەت تىلىندە توي جۇرگىزۋدىڭ شەبەرى، كاسىپكەر كۇلاش قينايات قىزىنىڭ شوگەلدىگى مەن شەبەرلىگى ءبىزدى تامساندىرادى، تاڭداندىرادى. ءيا، ارامىزداعى وردا بۇزار شاعىندا ورەلى ونەردىڭ بيىگىنە كورىنگەن بوعدانىڭ بۇلبۇلى سايراي بەرسىن، سامعاي بەرسىن! ساحىنانىڭ تورىنەن، ونەردىڭ ورىنە كورىنسىن دەگەن تىلەكتەمىز.


كەلۋ قاينارى: http://www.elarna.net/koru.php?tur=37&id=1050008

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


وسكەمەندە بالا اسىراپ ا 4 مينوت
وسى ارانى باسىپ كورىڭىز 8 مينوت
قازاقستاندىق ۆەلوشاباند 18 مينوت
كراسنويارسكىدە بومبا قو 28 مينوت
中国哈萨克语广播网 28 مينوت
وتكۋدا بەرەتسيا كيسلورو 1 ساعات
تەننيس: بۋبليك ۆەنا ءتۋ 1 ساعات
中国哈萨克语广播网 1 ساعات
اتىراۋلىق اسىلبەك بەكىم 1 ساعات
اقتاۋدا دزيۋدودان حالىق 1 ساعات
中国哈萨克语广播网 1 ساعات
باستاۋىش سىنىپ وقۋشىلار 2 ساعات
شاحتينسكىدە بوس تۇرعان 2 ساعات
ەرلان قارين ۇلتتىق كەڭە 2 ساعات
2 توننا: قازاقستاندا با 2 ساعات
كۇردتەر تۇرىك اسكەريلەر 2 ساعات
تاريحتا تۇڭعىش رەت ەكى 2 ساعات
اتىراۋدا كولىك قاققان 4 2 ساعات
مانساپقا قىزىعۋشىلىق 7  2 ساعات
جامبىلدا اليمەنتتەن جال 2 ساعات
اعاجاي التاي تورى 2 ساعات
رەسەيدە بوگەت جارىلىپ، 2 ساعات
قازاقستاندىق اسكەري ۇشق 2 ساعات
ەلوردا اكىمى وڭىرلەرگە 2 ساعات
رەسەيدە بوگەت بۇزىلىپ، 2 ساعات
اعاجاي التاي تورى 3 ساعات
تۇركىستان وبلىسىندا 1،3 3 ساعات
وسى ارانى باسىپ كورىڭىز 3 ساعات
نۇر-سۇلتاندا نان باعاسى 3 ساعات
بەتەربيەۆ گۆوزديكتى نوك 3 ساعات