ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-09-131000392439 %61 %
2019-09-14785288944 %56 %
2019-09-15946325237 %63 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاقپارات جاڭالىقتارى

جولدانعان ۋاقىتى: 11:33 - 2019/09/12

جاستار وزگە ەلدەردەگى شەيحسىماقتاردى تىڭداپ جاتقانى وكىنىشتى - يسلامتانۋشى رۋسلان قايىرگەلدى

نۇر-سۇلتان. قازاقپارات – بۇگىنگى قوعامدا جات ءدىني اعىمدارعا بوي ۇرعان جاستار سانى كوپ. ولار بۇنداي سەنىمگە قالاي كەلەدى؟ ۇستازدارى كىمدەر؟ ولاردى رايىنان قايتارۋ مۇمكىن بە؟ مۇمكىن بولسا، ول قالاي جۇزەگە اسىرىلادى؟ وسى سۇراقتارعا جاۋاپ ىزدەپ الماتى قالاسى قوعامدىق دامۋ باسقارماسى جانىنداعى كەڭەس بەرۋ جانە وڭالتۋ ورتالىعىنىڭ ديرەكتورى، يسلامتانۋشى رۋسلان قايىرگەلدىمەن سۇحباتتاسقان ەدىك...

ۇقساس جاڭالىقتار
شەتەلدىك ميسسيونەرلەردىڭ شىرعالاڭى الماتىلىق ماماندار ءدىني ەكسترەميزمدى الدىن الۋدىڭ جاڭا فورماتىنا كوشپەك الەم كاتوليكتەرى قازاقستانداعى قانداي جەرلەرگە زيارات ەتەدى

- رۋسلان، وڭالتۋ ورتالىعىندا ءدىني كوزقاراسى ايقىندالعان ادامدارعا كەڭەس بەرىلەدى، بۇگىندە ونداي كەڭەس الۋشىلاردىڭ سانى ارتىپ كەلە مە، ازايدى ما؟

- جات ءدىني اعىمداردىڭ ماسەلەسى قازاقستاندا ۋشىعىپ بارا جاتىر. باسىندا وعان ەشكىم ءمان بەرمەدى، ۇلكەن پروبلەما بولادى دەپ تە ويلامادى. مەملەكەت تە، ارنايى ورگاندار دا، قاراپايىم حالىق تا بۇدان ءقاۋىپ كەلەتىنىن بىلمەدى. مىنە، بۇگىندە وسىنداي ءقاۋىپتى دارەجەگە جەتتى. ۋاحابي، مادحالي، سۋرۋري، تابليعيلاردىڭ سانى بارعان سايىن ارتىپ بارادى دەپ ايتا المايمىز. ويتكەنى، سوڭعى ۋاقىتتا ولاردىڭ شەيحسىماق، عالىمسىماقتارى ۇستالىپ جاتىر. ءبىراق، وكىنىشتىسى، ولاردىڭ وكشەسىن باسىپ كەلە جاتقان شاكىرتتەرى شىعىپ جاتىر. ولار ارينە، شەت ەلدە وتىرادى، ينتەرنەت ارقىلى قازاقستان جاماعاتىمەن بايلانىس ورناتقان. قاجىلىققا بارعان مۇسىلمان باۋىرلارىمىزدى كۇتىپ الىپ، ازدى-كوپتى اقپاراتتارىن ۇيرەتىپ جىبەرەدى. كوبىنە شەت ەلدەگى ۋاعىزشىلار ينتەرنەتتى پايدالانادى.

ولاردى ۇستاۋ، انىقتاۋ قيىن با، ارنايى تەرەڭ ءدىني ءبىلىم قاجەت پە؟

- ءتۇسىندىرۋ، اقپارات-ناسيحات جۇمىستارىن جۇرگىزگەن سايىن ولار دا قۋلانىپ، ايلاكەر بولىپ الدى. ءوز ۇستانىمدارىن بىلدىرمەس ءۇشىن مۇسىلمانعا وتە اۋىر بولسا دا وتىرىك ايتا سالادى. دىنتانۋشىمەن سويلەسۋ بارىسىندا پيعىلىن جاسىرۋ ءۇشىن قۋلىق-سۇمدىقتىڭ نەشە ءتۇرىن جاسايدى. بۇل ولاردىڭ ءوز ۇستانىمدارى ەمەس، ولارعا وسىلاي ىستەڭدەر دەپ شەت ەلدەگى جەتەكشىلەرى، ۇستازسىماقتارى نۇسقاۋ بەرگەن. قاي جات اعىمدى الىپ قاراساڭىز دا ءتۇبى جاقسىلىققا اپارمايدى. ۋاحابي-سالافيلەردىڭ ونىڭ ىشىندە ءمادحاليى وتە ءقاۋىپتى. نەگە دەسەڭىز، ولار سىرتتاي مەملەكەت باسشىسىن ماقتايدى، اشىق قارسى شىقپايدى. امىرگە، كونستيتۋتسياعا باعىنۋ كەرەك دەپ ايتقانىمەن، بۇل – ولاردىڭ ۋاقىتشا ۇستانىمى. جۇمىس تاجىريبەمىزدەن بىلگەنىمىز، ولاردىڭ بۇل ارەكەتى ۋاقىتشا، بەت پەردەلەرىن جاسىرۋ ءۇشىن جاسالىپ وتىرعانى بىرنەشە رەت دالەلدەندى. ولاردىڭ شەيحسىماقتارىنان ءپاتۋا كەلگەندە بۇل پىكىرلەرىن ءبىر ساتتە-اق وزگەرتە سالادى. مادحالداردىڭ نەگىزىن سالعان شەيح ءمادحاليدىڭ شاكىرتى ابدۋللا بۋحاري دەگەن كىسىلەر ءقازىر باسقا پوزيتسيادا ءجۇر. مادحاليلەر كەزىندە وسى كىسىنىڭ شاكىرتتەرىمىز دەپ ۇراندايتىن، ءقازىر وزدەرى ءبولىنىپ كەتكەن. ماسەلەن، شەيح ياحيا ءال-حادجۋري مادحاليگە قارسى. وسىلاردىڭ شاكىرتتەرى رۋسلان ابۋ يبراگيم دەگەن ءحادجۋريدى ناسيحاتتاسا، ءمادحاليدىڭ شاكىرتتەرى نازراتۋللا مەن ءدىلمۇرات ەكەۋى بولەك ۇگىت جۇرگىزەدى. بۇلار وسى ۋاقىتقا دەيىن ورتالىق ازياعا ىقپالىن جۇرگىزىپ كەلدى. بۇلار ءبىر بىرىنە وپپونەنت. ولاردىڭ ءبىر بىرىمەن تالاسىپ جاتقانىنان بىزگە كەلىپ كەتەر نەسى بار دەپ ويلايمىز عوي، ءبىر قاراساڭ بىزگە قاتىسى جوق تا سياقتى بولىپ كورىنەدى. قىرىلىسىپ جۇرە بەرسىن ءبىر بىرىمىمەن دەپ ويلايمىز. وكىنىشكە وراي، سولاردى تىڭدايتىن ادامدار ءبىر بىرىنە قارسى. مىسالى، ءقازىر الماتى مەن باتىس قازاقستاننىڭ جاماعاتى ەكى بولەك. باتىس قازاقستانداعى ۋاحابيلەر شەيح ياحيا ءحادجۋريدىڭ شاكىرتتەرى بولسا، الماتىداعى جات ءدىني اعىم جاماعاتى ءدىلمۇرات پەن نازراتۋللانىڭ شاكىرتتەرى. ولار بىر-بىرىمەن مەشىتتە امانداسپايدى دا، سالەم بەرسە، ەكىنشىسى سالەمىن المايدى. بۇل مۇسىلمان ۇمبەتى ءۇشىن وتە اۋىر، سەبەبى پايعامبارىمىز سالەمدى تاراتىڭدار، بەيبىتشىلىكتى الىپ كەلەدى دەگەن. مۇسىلماننىڭ بىر-بىرىنە سالەم بەرۋى سۇننەت، سالەم قايىرۋى ءۋاجىپ. مىنە، سۇننەت، ءۋاجىپ سياقتى امالداردىڭ ءوزى مۇسىلماندار ءۇشىن اۋىر بولىپ بارادى. قازاقستانداعى مۇسىلمان ۇمبەتى ءۇشىن بۇل اۋىر سوققى. ءبىر دارىسىندە نازرتالۋللا ابۋ ماريامعا ءمادحاليدىڭ شاكىرتى سۇراق قويادى: - حانافي ءمازحابى، ماترۋدي اقيداسىنداعى قىزعا ۇيلەنۋگە بولا ما، - دەيدى. ول: - اعۋزۋ ءبيللا، بولمايدى، - دەيدى. -نەگە؟، - دەسە، - عالىمدار اقيداسى اداسقان ادامداردان اينالىپ وتەتىن، سەبەبى سويلەسىپ قالسا، ءوز سەنىمىن السىرەتەدى دەپ ويلايتىن. تۇرمىسقا شىعاتىن بولسا، اقيقي اقيداڭنان ايىرىلىپ قالاسىڭ، - دەيدى. ويلاپ قاراساڭ، مۇسىلمان ۇممەتى تاعى دا ءبولىنىپ وتىر.

- سونداي جىك-جىككە ءبولىپ وتىرعان ادامنىڭ ارتىنان كوزسىز ەرە بەرە مە؟

- نازراتۋللا ابۋ ماريامنىڭ دا ءبىر ايىبى شىعىپ، وتىرىگى اشىلىپ قالدى. ولار تازكياعا، ياعني كىمنەن ءبىلىم العانىنا قاتتى ءمان بەرەدى. اناۋ جىلى نازراتۋللانىڭ جۇلدىزى جانىپ تۇرعان شاعىندا شەيح بۋحاريدان پالەن جىل ءبىلىم الدىم دەپ، پالەن كىتاپپەن ءبىتىردىم دەپ وزىنە ۇپاي جيناعان بولاتىن. شاكىرتتەرى ءبىزدىڭ شەيح انا شەيحتى تانيدى ەكەن دەپ داۋرىعىپ ءبىراز ءجۇردى. «مەن ودان يدجاز الدىم» دەپ ايتقان. كەيىن ونىڭ يدجاز الماعانى اشىلىپ قالىپ، باسقاشا سويلەدى. «مەن نەگىزى يدجازعا قىزىقپايتىن اداممىن، شەيحتىڭ الدىندا پالەن جىل ءبىلىم الدىم» دەپ باسقاشا سايرادى. يدجاز –ديپلوم سياقتى بەرىلەتىن رۇقسات. يدجاز الدىم دەگەن شەيح ونى تانىمايتىن بولىپ شىقتى، ءسويتىپ جاماعاتى الدىندا ۇياتقا قالدى. سوندا دا ونى ەسكەرمەي، ىزىنەن ەرۋشىلەر سوقىر سەنىممەن قۇردىمعا بارا جاتىر.

- «باس باسىنا بي بولعان وڭكەي قيقىم» دەپ اباي اتامىز ايتپاقشى، مۇندايلاردان نە ءقاۋىپ؟

- ساياسي تۇرعىدان قارايتىن بولساڭىز، وتە ءقاۋىپتى. ونىڭ ىزىنەن ەرۋشىلەر بۇگىن باسشىعا باعىنۋ كەرەك دەپ سويلەسە، ەرتەڭ سول شەيحتارى پىكىرىن وزگەرتەتىن ءپاتۋا شىعارىپ بەرسە، بىردەن قۇبىلادى. ولار پوزيتسياسىن اۋىستىرا سالادى. سەبەبى، سالافي-ۋاحابيلەردىڭ ىشىندە ەڭ كوبەيىپ جاتقانى – وسى مادحاليلەر. ولار كوبەيگەندە، كۇش العاندا، ىقپالىن جۇرگىزە الاتىنداي جاعدايعا جەتكەندە ويلارىن، پوزيتسيالارىن وزگەرتۋى مۇمكىن. سوققى، ناقتى ءقاۋىپ سول كەزدە بولۋى ىقتيمال. نەگىزگى ءقاۋىپ وسىندا! مۇنى جاسىرماي ايتۋ كەرەك. بۇل ادامدار ناماز وقيدى، ساقال قويادى، ءبىراق قاراپايىم حالىق بايقاي بەرمەيتىن مۇسىلمانشىلىقتان ادا قىلىقتار جاساپ ءجۇر. پايعامبارىمىزدان مۇرا بولعان كوركەم مىنەز قالىپ بارادى. امانداسۋ، سالەمدى تاراتۋ، اداممەن جىلى قارىم-قاتىناس جاساۋ قالىپ بارادى. شەيحسىماق، عالىمسىماقتاردىڭ سوڭىنان سوقىر سەنىممەن ەرگەندەر شىنايى مۇسىلماندىقتان الشاقتاپ بارادى. مۇنىڭ ءبارى ءدىني بىلىمسىزدىكتەن دەپ اقتاپ الۋعا دا بولار، ءبىراق قۇداي ادامعا اقىل بەرگەن عوي، «قايدا بارا جاتىرمىن؟ نەگە مەنى وسىلاي ۇيرەتىپ جاتىر؟» دەپ ويلانىپ، كىتاپتاردى اشىپ، پايعامبارىمىزدىڭ ءومىر جولىن قاراپ ويلانۋ كەرەك.

- «ماعان سەندەردىڭ ەمەس، اللانىڭ زاڭى ماڭىزدى» دەپ الماتىدا قىرعىن سالعان رۋسلان كۇلەكباەۆ مادحالي بولدى دەگەن پىكىرلەر ايتقان بولاتىن.

- مەن ساراپتاماعا قاتىسقانىم جوق. قانداي اقيدادا بولعانىن بىلمەيمىن. «جۋسان» وپەراتسياسىمەن ەلگە ورالعان ءبىر ايەل ادام ايتادى: «مۇسىلمان مەملەكەتىندە ادىلدىك بار دەپ ويلاپ باردىق. سيريادا كورشىمىز كۇيەۋىمنىڭ ۆەلوسيپەدىن ۇرلاپ كەتتى، كىم ۇرلاعانىن بىلەمىز، ءبارىن تاپتىشتەپ ايتتىق، ءبىراق ءادىل شەشىم قابىلدانبادى»، - دەيدى. ادامدار يدەالدى قوعام ىزدەپ وسىنداي جات اعىمدارعا ۇرىنادى. ءبىزدىڭ ورتالىق ماماندارى ءبىر جىلدىڭ ىشىندە 1000-عا جۋىق اداممەن سويلەسەدى. سونىڭ ىشىندە سوتتالعاندارمەن دە جۇمىس اتقارامىز. 25 ادام رايىنان قايتتى. ادامدى ۇستانعان سەنىمىنەن قايتارۋ ەڭ اۋىر جۇمىس. پالەن جىل بويى ابدەن سىڭىرگەن نارسەنى قايتارۋ وڭاي ەمەس.

ء

بىر كۇنى ورتالىققا ءبىر اعامىز بالاسىن ەرتىپ كەلدى. بالاسى مادحالي ۇستازدارىن ۇيىپ تىڭدايتىنداردان ەكەن. وقتالىپ كەلىپتى، بىردەن وزىنىكىنە كوشتى. مۇقيات تىڭدادىق، سوسىن بارىپ اشىقتاپ ايتىپ بەردىك. 30-دان اسقان جىگىت ەكەن، اكەسىمەن شارتتاسىپ كەلىپتى. كەز كەلگەن ءدىنداردى «ورنىنا قويامىن»، ەگەر مەنىكى دۇرىس بولسا، مەن سياقتى ناماز وقيسىڭ دەپ اكەسىنە شارت قويىپ كەلىپتى. 1 ساعات 45 مينۋت سويلەسكەننەن كەيىن ساباسىنا تۇسكەندەي بولدى. ء«دىلمۇرات تۇرمەگە ءتۇستى، ەندى ءبىلىمدى قايدان الاسىڭ؟» دەسەك: «ول اقيرەتكە دەيىن جەتەتىن ءبىلىم تاستاپ كەتتى»، - دەيدى. سوندا پايعامبار حاديستەرى، ءابۋ حانيفا ءمازحابى قايدا قالدى. ءدىلمۇرات دەگەن – جات ءدىني اعىم جەتەكشىسى، ۇلتى وزبەك، قازاقستان ازاماتى. نازراتۋللا ۇلتى دا، ازاماتتىعى دا تاجىك. ءبىراق، قازاقستانعا ىقپال جۇرگىزىپ كەلدى. بەلگىلى كۇشتەرگە كەرەك ادام عوي. 2000 جىلدارى ونى تاجىكستاننان دەپورتاتسيا جاسادى. جاڭاعى جىگىتپەن سويلەسكەننەن كەيىن بىرگە كەلگەن اعاسى مەن اكەسى ريزا بولىپ كەتتى. ءبىز مۇنداي ادامدارمەن سويلەسپەس بۇرىن ءبىرىنشى دياگنوزىن انىقتاپ الامىز، قاي اعىمعا جاتاتىنىن بىلەمىز.

- دياگنوزدى قالاي انىقتايسىزدار؟

- اقيدادا بەلگىلى سۇراقتار بار، سول ارقىلى انىقتايمىز. سۇحباتتار بىردەن ناتيجە بەرمەيدى، ءبىراق ويلانىپ قالادى. كەيىن تەلەفونمەن حابارلاسىپ تۇرادى. ءبىراق ادامدى رايىنان قايتارۋ وتە اۋىر. نەگىزى، سالافيتتەرگە قاتىستى قازاقستاننىڭ ساياساتى وتە گۋماندى. ءتۇسىندىرۋ، ۇگىت-ناسيحات جۇمىستارى جۇرگىزىلەدى. شەت مەملەكەتتەردە ونداي جوق. ەشكىم اقپاراتتىق ناسيحات جۇرگىزبەيدى، بىر-ەكى رەت ەسكەرتەدى، بولماسا، قىلمىستىق كودەكس بابى بويىنشا شارا قولدانادى. ءبىز ءابۋ حانيفا، ماترۋدي اقيداسىن قولدايمىز. شەيحسماقتار يمام ءماترۋديدى مويىندامايدى. ءابۋ حانيفانىڭ كىتاپتارىن بۇرمالايدى. اداسۋشىلارعا ول كىسىنىڭ ەكى كىتابىن اشىپ كورسەتەمىز، كەسكىلەپ، قيىپ، ءۇزىپ العان سوزدەردى تولىعىمەن اشىقتاپ بەرەمىز دە ۇستازىڭنان سۇرا دەپ جىبەرەمىز.

- شەت ەلدە وتىرىپ ينتەرنەت ارقىلى باسقارادى دەپ ايتامىز، سولاردى ينتەرنەت ارقىلى تانىستىرىپ بەرەتىن بىرەۋلەر بار شىعار قازاقستاندا.

- مىندەتتى تۇردە. ولاردىڭ وسىندا جەتەكشىلەرى بار. كوزگە كورىنەتىن زاڭسىز ارەكەت جاساماعاندىقتان، زاڭعا قايشى ءبىر ۇيگە توپتالىپ جاتپاعاندىقتان ولاردى ۇستاي المايدى. اقىرىن بىلدىرتپەي جۇمىسىن ىستەپ جۇرە بەرەدى. جەتەكشىلەرى تاپسىرما بەرىپ، سوڭعى تاپسىرمانى ءپاتۋانى جەتكىزىپ وتىرادى. قازاقستاننىڭ سولتۇستىك وڭىرلەرى بويىنشا جاۋاپتى مادحاليلەردىڭ ليدەرى ابدۋراحيم باشباەۆ وسىدان ءۇش جىل بۇرىن ۇستالعان بولاتىن. ونىڭ تۇتقىندالۋى مادحاليلەرگە سوققى بولدى. ءبىراق، وسىدان كەيىن ولار ءتىپتى استىرتىن ارەكەتكە كوشىپ، قۋلانىپ الدى.

- جات اعىمداردىڭ ىزىنەن كەتۋشى نەگىزى قانداي الەۋمەتتىك توپ؟

وكىنىشتىسى، مادحالي بولسىن، باسقا اعىم بولسىن اراسىندا 50-دەن اسقان ادام جوق. ىزىنەن ەرۋشىلەردىڭ 95 پايىزى 18-35 ارالىعىنداعى جاستار.

-سۇحباتتاسقانىڭىزعا راحمەت!



كەلۋ قاينارى: http://www.elarna.net/koru.php?tur=3&id=1046997

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


پويىز بەن اۆتوبۋس سوقتى 3 مينوت
بوكستان الەم چەمپيوناتى 9 مينوت
ءدىني بىرلەستىكتەرمەن ب 12 مينوت
سەنبىلىك كەيىنگە شەگەرى 17 مينوت
قپل: «استانا» مەن «قاير 18 مينوت
پويىز بەن اۆتوبۋستىڭ سو 24 مينوت
باس ءمۇفتي سەنات توراعا 27 مينوت
پويىز بەن اۆتوبۋستىڭ سو 1 ساعات
الماتى وبلىسىندا جولاۋش 1 ساعات
الماتى وبلىسىندا جولاۋش 1 ساعات
كۇرەس تۇرلەرىنەن ءاچ: ا 2 ساعات
شينجياڭ حابارلارى شينجي 2 ساعات
پرەزيدەنت الماتىلىقتارد 2 ساعات
شينجياڭ حابارلارى اۆتون 2 ساعات
اتىراۋ وبلىسىندا جول اپ 2 ساعات
بوكس: رەسەيدەگى الەم چە 3 ساعات
وسى ارانى باسىپ كورىڭىز 3 ساعات
وسى ارانى باسىپ كورىڭىز 3 ساعات
قاسىم-جومارت توقاەۆ الم 3 ساعات
اتىراۋدا ءبىر تاۋلىكتە 3 ساعات
ەلوردادا تازارتۋ قۇرىلع 3 ساعات
نۇر-سۇلتاندا كۇرەستەن ا 3 ساعات
بقو-دا تۇرعىن ۇيدە ءورت 3 ساعات
نۇر-سۇلتاندا كۇرەستەن ا 4 ساعات
قازاقستاندا اپتا ىشىندە 4 ساعات
جاس ەكۆيليبريست ءامينا 4 ساعات
ساۋد ارابياسىندا دروندا 4 ساعات
وسى ارانى باسىپ كورىڭىز 4 ساعات
قازاقستان پرەزيدەنتىنىڭ 4 ساعات
قازاقستاندىق بوكسشى جەڭ 4 ساعات