ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-09-171646515737 %63 %
2019-09-181453485241 %59 %
2019-09-1920955644 %56 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: جۇلدىز جۋرنالى

جولدانعان ۋاقىتى: 18:30 - 2019/09/11



قازاقستاندىق جازۋشى ءارى اقىن، بەس پوەتيكالىق كىتاپتىڭ اۆتورى، «اق تورنا» جانە «Open Central Asia Book Forum» حالىقارالىق بايقاۋلارىنىڭ لاۋرەاتى، قازاق پەن-كلۋبىنىڭ جانە قازاقستان جازۋشىلار وداعىنىڭ مۇشەسى، «ليتەراتۋرنايا الما-اتا» الماناعىنىڭ شەف-رەداكتورى فارحات تامەنداروۆتان سۇحبات الۋدىڭ ءساتى تۇسكەن ەدى.

ولەڭ جازۋدى قالاي باستادىڭىز؟

— باسقالار سەكىلدى مەن دە بوزبالا كەزدەن ولەڭ جازا باستادىم. ءبىراق وعان بالەندەي شىعارماشىلىق دەپ قاراماپپىن. ءبارى سويتكەن شىعار. ءبىز ول كەزدە پوەزياعا قىزىقتىق، وقىدىق. ءسويتىپ ەر جەتتىك. وقۋ وقىدىق، جۇمىسقا تۇردىق. ءسويتىپ شىعارماشىلىقتان قول ءۇزىپ قالعان ەدىم. ءبىر قىزىق جايت، 1998 جىلدارى ءبىر جولداسىم ەكەۋمىز بيداي بيزنەسىمەن اينالىسقان ەدىك. ءسويتىپ شارۋا جايىمەن قىستىڭ كۇنى پاۆلودارعا بارعانىمىز ەسىمدە. ويتكەنى بيدايدى قىستا ساتىپ الاتىن ەدىك. قاقاعان اياز. كۇنىنە 200 شاقىرىمداي جول جۇرەمىز. نان تاپشى، ءبىراق قوينى-قونشىمىز تولى بيداي. ءسويتىپ جول بويى كوكتەي باستاعان بيدايدى تالعاجاۋ ەتەمىز. كەيىن ءبىر جەردەن كوكتەگەن ءدان سول جاق ميدى جاقسى جۇمىستاتادى دەگەندى وقىعانىم بار-دى. قىسقاسى، سول ساپاردا ءجۇرىپ 20 ولەڭ جازدىم عوي. العاشقىسى، ارينە ء«دان» دەپ اتالادى. وسىلايشا «التىن كۇننىڭ ساۋلەسى» («سولنتسە سۆەتلوگو سيانيە») دەگەن العاشقى جيناعىمدى جازدىم. دوستارىم جارىققا شىعاردى. نەگىزى ءوزىمنىڭ ەڭ ءساتتى ولەڭىم «كۇمىس عاسىر» («سەرەبريانىي ۆەك») دەپ ويلايمىن. سول ولەڭنەن كەيىن تولىمدى دۇنيەلەر بەرە باستادىم.

— شىعارماشىلىعىڭىزعا قازاق اقىندارىنىڭ قايسىسى كوبىرەك اسەر ەتتى؟

— ساكەن سەيفۋللين. اباي ەمەس. ارينە، اباي الەمى – تۇتات ءبىر فيلوسوفيا. جانە مەن ابايدىڭ 15 ولەڭىن ورىس تىلىنە اۋداردىم، ءبىراق قينالدىم. سەبەبى ابايدىڭ ءبىر تارماعىنىڭ وزىندە ءتورت ءتۇرلى ماعىنا بار ەكەن. ال س. سەيفۋللين – ليريك، وندا ماحاببات تاقىرىبىنداعى ولەڭ وتە كوپ. مەن ونىڭ اققۋ ماحابباتى تۋرالى پوەماسىن اۋداردىم. عاجاپ دۇنيە. بويلاپ وقىدىم. جانىما جاقىن. ارينە ورىسشا جازعان سوڭ، مەن رەسەي جازۋشىلارىنا دا نازار اۋدارامىن، ماعان ولاردىڭ كۇمىس عاسىر جازۋشىلارى ۇنايدى.

— 2018 جىلى جاسوسپىرىمدەرگە ارنالعان «تازى» («گونچيە پسى») حيكاياتىن جاريالادىڭىز. يدەيا قالاي كەلدى، قانشا ۋاقىتتا جازدىڭىز؟

— مەن ءوزىمدى اقىنمىن دەپ ويلايمىن. ءحىى عاسىردا ءومىر سۇرگەن تاتار اقىنى قۇل عاليدىڭ ء«جۇسىپ تۋرالى اڭىز» پوەماسىن اۋداردىم. 1110 شۋماقتان تۇرادى. ءسويتىپ ءجۇسىپتىڭ تاريحىنا قانىقتىم (ونى اعالارى ون ءبىر جاسىندا قۇلدىققا ساتادى دا، قىرىق جەتى جاسىندا مىسىردىڭ بيلەۋشىسىنە اينالادى). قىسقاسى، تاعدىردىڭ تاۋقىمەتىنە تاپ بولعان بالا ەر جاسىنا جەتكەنشە «نە بولامىن، نە بولمايمىن» دەگەن بايلام جاساعان. مەنىڭ دە ومىرلىك ماقساتىم – جەتىستىككە جەتۋ، ساپالى ءىس جاساۋ.

سويتىپ الماتىداعى اشىق ادەبي مەكتەپكە تۇسكەندە «تازى» حيكاياتى تۋدى. باسىندا اتاۋلى مەكتەپتەگى پاۆەل باننيكوۆتىڭ پوەزيا بولىمىنە قابىلدانعان ەدىم، ارتىنان ميحايل زەمسكوۆتىڭ پروزا بولىمىنە اۋىستىم. ويتكەنى مەنى پروزا قىزىقتىرا باستادى. قازاق بالاسى ءجۇسىپ تۋرالى جازعىم كەلدى.

— نەگە «تازى»؟

— ويتكەنى كىتاپ جول توسۋ ارقىلى الماتىدان ۆلاديۆوستوكقا جەتپەكشى بولعان ءتورت ءجاسوسپىرىم تۋرالى. ولار ءارتۇرلى وتباسىنان شىققان، تۇرمىس-تىرشىلىكتەرى دە ءار ءتۇرلى، ءبىراق ءدال سول كەزدەگى ماقساتتارى ورتاق ەدى – قالاي دا دىتتەگەن جەرگە جەتۋ. ءبىراق ولاردىڭ ەشكىمگە كەرەگى جوق ەدى، ولاردى جۇرت قۇددى اۋلاققا قۋىپ تاستاعانداي. ءسويتىپ تورتەۋى جول بويى نەشە ءتۇرلى وقيعانى باستان كەشەدى. كىتاپتىڭ اتاۋى سودان تۋعان.

— كىتاپتىڭ بەتاشارى تۋرالى عالامتوردا كوپ جازىلدى. ءتۇرلى پىكىرلەر ايتىلدى...

— ارينە. الماتىداعى №134 ليتسەيدىڭ كىتاپحاناشىسى روزا احمەتقىزى مۇمەنباەۆانىڭ ارقاسىندا كىتاپتىڭ بەتاشارىن جاسادىق. ول كىسىگە العىسىم شەكسىز. و كىسى مەنىڭ كىتابىم بويىنشا كونفەرەنتسيا وتكىزدى. كىتاپ 14-16 جاستاعى بالالارعا ارنالعان. جانە، مەنىڭشە، «مەنىڭ اتىم قوجادان» كەيىن جاسوسپىرىمدەر تۋرالى ەشتەڭە جازىلعان ەمەس. بەتاشار الدىندا بالالار «مەلومان» دۇكەنىنەن مەنىڭ سول كىتابىمدى تۇگەل ساتىپ العان ەكەن، ءسويتىپ قىزىعا وقىعان كورىنەدى. ويتكەنى كىتاپتى ءوزىمسىز-اق تالقىلاۋدى باستاپ كەتىپتى. قىزۋ پىكىرتالاس بولدى. جانە ەڭ قىزىقتى سۇراقتاردىڭ كوبى شىعارماداعى جاعىمسىز كەيىپكەر پەرس توڭىرەگىندە بولدى. ءيا، وسى جاستا بالالار ءبىر ەرلىك ىستەسەم دەپ تۇرادى عوي، نەمەسە قۇقىق بۇزۋعا قۇشتار كەلەدى.

— ءسىز بىلەتىن قازاقستاندىق جاستار كىمدەر – وقىمىستىلار ما، ىزدەمپازدار ما، جوق الدە ەش ماقساتسىز بوس جۇرگەندەر مە؟

— قازىرگى جاستار – كوپ وقۋمەن قاتار، كوپ جازادى. سەبەبى عالامتور پلاتفورماسى ءتۇرلى پوست جازۋعا، بلوگ اشۋعا سەپتەستى، سەنى ءبىر مەزەتتە مىڭداعان ادام وقيدى. بۇل، ارينە، جۇزبە ءجۇز سويلەسۋدىڭ ورنىن باسا المايدى، دەگەنمەن ۋاقىت تالابىنا كونۋگە تۋرا كەلەدى. ءقازىر بالالارىمىزعا گادجەت ۇستاتقىمىز كەلمەيدى، ال مەنىڭشە كەرىسىنشە، ولار الەمدى گادجەت ارقىلى تاني تۇسەر ەدى.

— جازۋعا قۇمار، ءبىراق تاجىريبەسىز ادام ونى نەدەن باستاۋ كەرەك؟

— جازۋدى ۇيرەنۋ كەرەك. دارىن بىلىممەن، ەڭبەكپەن شىڭدالۋ كەرەك. الماتىدا تاماشا ادەبي مەكتەپ بار، كوپتەگەن ادەبي سەمينارلار ءوتىپ تۇرادى، ولاردى بەلگىلى جازۋشىلار جۇرگىزەدى. سونداي جەرلەرگە ءجيى بارۋ كەرەك. كوپ وقۋ كەرەك، ال دارىن بار بولسا، ەشقايدا كەتپەيدى.

— كاسىبي ارماندارىڭىز ورىندالدى ما؟

— ءار كەزدە ارنەنى ارماندايسىڭ عوي. كەزىندە كاراتەدان چەمپيون بولعىم كەلدى، ول ارمانىم ورىندالدى. العاشقى ميلليون تۋرالى ارماندادىم، بيزنەستىڭ ارقاسىندا وعان دا قول جەتكىزدىم. ودان كەيىن بىرنەشە پوەزيالىق جيناق شىعاردىم، ءقازىر الەمدىك بەستسەللەر جازۋدى ارماندايمىن.

— جازۋعا شابىتتى قايدان الاسىز؟

— ماحابباتتان شابىت الام، ءبىراق ول سيرەك قۇبىلىس. مەنىڭشە، ەينشتەيننىڭ سوڭعى فورمۋلاسى F=MC2 ەمەس، ءبىراق F=Mا2 ەدى. ونداعى ا ۇدەۋ ەمەس، ماحاباتتى بىلدىرەدى. ەگەر ماحاببات كۇشىن ەكى ەسەلەسە، وندا ول زور قۋاتقا اينالار ەدى.

— «ليتەراتۋرنايا الما-اتا» الماناعىنىڭ الداعى جوسپارى قانداي؟

— اللا جازسا، 2020 جىلدىڭ باسىندا شىعادى. ابايدىڭ مەرەيتويىنا ارنالماق. الماناحتىڭ ەكىنشى اتاۋى – «ليتەرا نوۆا»، ياعني جاڭا ادەبيەت، سونداي ءبىر رەبرەندينگ بولدى. بۇرىن جيىرما-وتىز اۆتورىمىز بار ەدى، ءقازىر – جۇزگە جەتتى، كەيدە ودان دا اسادى. ەڭ جاقسى ەڭبەكتەر تاڭدالادى، ليليا كالاۋس رەداكتسيا جاسايدى. ءسويتىپ جىلىنا ءبىر رەت 400 بەت بولىپ شىعادى. ءبىراق بيىل شىعارا المادىق. ءوزىمنىڭ جيىرما جىلدان بەرگى جوبام.

— قازىرگى نەمەن اينالىسىپ ءجۇرسىز؟

— قۇرىلىسشىمىن. الماتىدا ءۇي سالىپ ءجۇرمىن.

— الداعى ەكى جىلعا قانداي جوسپارىڭىز بار؟

— «تازى» حيكاياتىنىڭ جالعاسىن جازىپ ءجۇرمىن. «پەرىشتە ارالى» («وستروۆ انگەلا») دەپ اتالادى. سيۋجەتى ازىرگە قۇپيا، ءبىراق قىزىقتى بولادى دەپ ۇمىتتەنەمىن.

— ءوزىڭىزدى قانداي جازۋشىمىن دەپ ويلايسىز؟

— جازۋ مەن ءۇشىن حوببي سەكىلدى. ءبىر جولدا جيىرما-وتىز بەتتى توگە سالاتىن پىسىقتاردىڭ قاتارىنان ەمەسپىن. ويتكەنى بۇل مەن ءۇشىن مال تاباتىن كاسىپ ەمەس. كوڭىل قوشىم بولعاندا عانا جازامىن، قىردان كوبەلەك قۋعان سەكىلدى.

— اڭگىمەڭىزگە راحمەت!

فارحات تامەنداروۆ سۇحبات سوڭىندا ولجاس سۇلەيمەنوۆتىڭ «اناما» دەگەن ولەڭىن وقىپ بەردى.

فوتو: ارتەم چۋرسينوۆ

ماليكا مۋرساليموۆا



ماتەريالدى كوشىرىپ جاريالاۋ ءۇشىن رەداكتسيانىڭ نەمەسە اۆتوردىڭ جازباشا، اۋىزشا رۇقساتى قاجەت جانە Adebiportal.kz پورتالىنا گيپەرسىلتەمە بەرىلۋى ءتيىس. اۆتورلىق قۇقىق ساقتالماعان جاعدايدا قر اۆتورلىق قۇقىق جانە ساباقتاس قۇقىقتار تۋرالى زاڭىمەن قورعالادى. Adebiportal@gmail.com 8(7172) 79 82 12 (ىشكى – 112)

ماقالا اۆتورىنىڭ كوزقاراسى رەداكتسيانىڭ كوزقاراسىن بىلدىرمەيدى.


تەگي: فارحات تامەنداروۆ، پروزا، پوەزيا



كەلۋ قاينارى: http://www.elarna.net/koru.php?tur=30&id=1046743

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


中国哈萨克语广播网 18 مينوت
تۇركىستان وبلىسىندا اسپ 24 مينوت
نامازدى بۇزاتىن جاعدايل 1 ساعات
نۇر-سۇلتاندا كومىر قانش 1 ساعات
中国哈萨克语广播网 1 ساعات
سولتۇستىك قازاقستاندا ج 1 ساعات
ورالدا 3،6 ملن تەڭگە ال 1 ساعات
«حابار» اگەنتتىگىنىڭ تا 1 ساعات
اۋىر اتلەتيكادان الەم چ 1 ساعات
فۋتبولدان چەمپيوندار لي 1 ساعات
中国哈萨克语广播网 1 ساعات
بوكستان الەم چەمپيوناتى 1 ساعات
اۋىر اتلەتيكادان الەم ب 1 ساعات
بەلسەندى جاستار باس قوس 2 ساعات
تۇركىستانداعى تايقازانن 2 ساعات
بالاباقشا اسحانالارىنا 2 ساعات
يزرايلدە پارلامەنتتىك س 2 ساعات
中国哈萨克语广播网 2 ساعات
بوكستان الەم چەمپيوناتى 2 ساعات
اسقار مامين جاڭا مينيست 2 ساعات
ايىپپۇل سالىنا ما؟ R 2 ساعات
رۋدنىي كاسىپورىندارى ەك 2 ساعات
پرەزيدەنت قاراعاندى وبل 2 ساعات
ەلوردادا كومىر قىمباتتا 2 ساعات
كۇرەس تۇرلەرىنەن ءاچ: ا 2 ساعات
中国哈萨克语广播网 2 ساعات
بوكستان الەم چەمپيوناتى 2 ساعات
ءومىردىڭ بارلىق سالاسىن 3 ساعات
16 وتباسى ەكىباستۇزعا ك 3 ساعات
中国哈萨克语广播网 3 ساعات