ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-09-14785288944 %56 %
2019-09-151110375335 %65 %
2019-09-1616752240 %60 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: التاي ايماعى اقپاراتتارى

جولدانعان ۋاقىتى: 15:40 - 2019/08/19

بۇعىنىڭ جۇرەك قانى(شالقىما)

لياڭ شياۋشىڭ (اۋدارعان جەڭىس جالەلبەك ۇلى)

  1972 ـ جىلى قىستا روتاداعى 6 زيالى جاس ۋسسۋري وزەنى جاعاسىنداعى ءبىر قاراۋىل ورنىندا قاراۋىلدا بولدىق. روتا جارىم ايدا ءبىر رەت ۇن جانە كوكونىس جەتكىزىپ بەرىپ تۇراتىن. سولتۇستىكتىڭ ۇزاق قىسىندا شىتىرشىق، شومىر، بۇرشاق قاتارلى ءنارسىز تاماقتاردى عانا جەيتىنبىز. ەت جەۋ مۇمكىندىگى جوق ەدى. سونىمەن قويان اۋلايتىن بولدىق. قاقپانعا تۇسكەن قويانىمىزدى ءبىر ءيت اكەتىپ ءجۇردى. قار ۇستىنە انىق تۇسكەن ءىز بىزگە ءيتتىڭ وزەننەن ءوتىپ، جاعاعا شىققان سوڭ، جوق بولىپ كەتەتىنىن ءبىلدىرىپ تۇرۋشى ەدى. «ۇرىنىڭ» ورىستىڭ ءيتى ەكەنىندە كۇمان جوق.

  ءبىر كۇنى كەشتە، ءيتتىڭ ۇرگەنىن ەستىپ، قالىڭ بۇرگەندى ارالاپ بارساق، ءيت ءبىز قۇرعان قاقپانعا ءتۇسىپ قالىپتى. بۇل دەنەسى ءتۇپ ـ ءتۇزۋ، اياعى ۇزىن، قۇلاعى ءتىپ ـ تىك، ءجۇنى قوڭىرقاي، ەكى كوزىنەن وت شاشقان، اجارلى، سۇيكىمدى ورىستىڭ سۇلىكتەي اسىل تۇقىمدى اڭشى ءيتى ەكەن. جامباسىنا بولات تەمىر بايلانىپتى. جانتالاسقاندىقتان، قاقپان تەرىسىن ءتىلىپ كەتىپتى. ءبىر ساپتاسىم ءيتتى ءبىر تەپتى دە: «قايتايىق، ول وسى جەردە جازاسىن تارتسىن، نە ءۇسىپ ءولسىن، نە تۇندە قاسقىر جەسىن» ـ دەدى زىلدەنە. تاعى ءبىر ساپتاسىم وعان قارسى تۇرىپ: «قاسقىر جەسىن دەيسىڭ بە؟ وندا وبال عوي، قاراۋىل ورنىنا اپارىپ سويىپ الساق، بىرنەشە كۇندىك ازىعىمىز بولماي ما؟» ـ دەدى. تاعى ءبىر ساپتاسىم ونى قولداپ: «ءيا، تەرىسىن مەن الايىن! شاڭحايعا جىبەرىپ، اكەمە ورىستىڭ اسىل تۇقىمدى اڭشى ءيتىنىڭ جۇمساق تەرىسىنەن كۇرمە تىككىزدىرەمىن» ـ دەدى.

  قاس قارايدى. الگى ءيت قاراۋىل ءۇيىنىڭ سىرتىندا تۇردى. ونىڭ بايلاۋدا ولگىسى نەمەسە ءۇسىپ ولگىسى كەلگەن بولۋى مۇمكىن، ٴوزىنىڭ قاشىپ قۇتىلا الماسىن بىلگەن بولار، ءبىزدىڭ وزىنە ۇكىم شىعارۋىمىزدى كۇتىپ تۇرعانداي مىڭق ەتپەدى. سۋ قاينادى. قايراقشى جىگىت ءماز بولا پىشاقتىڭ ءجۇزىن ساۋساعىمەن سيپاپ كوردى. ءبىز كەنەت وزەننىڭ ارعى تۇسىنان ايعايلاعان ادام داۋىسىن ەستىدىك. الدىمەن ءبىر اتايدىڭ قارلىققان داۋىسى، سوڭىنان ءبىر اجەيدىڭ ەنتىگە شىققان داۋىسى ەستىلدى. «ناجيا...» قۇلاققا ۇرعان تاناداي جىم ـ جىرت كەشتە وزەن جاعاسىنان شىققان ءۇن اپ ـ انىق ەستىلدى. بانجاڭ تۋانداعى كەزىندە ورىس ءتىلى كۋرسىنا قاتىناسقان ەدى. مەن ودان: «ولار نە دەپ ايعايلاپ ءجۇر؟» ـ دەپ سۇرادىم. «‹ناجيا› دەپ ايعايلاپ جاتىر، بۇل ورىس قىزدىڭ اتى. ولار بالاسىن شاقىرىپ ءجۇر» ـ دەدى. «ولار بالاسىن شاقىرۋىنا بىزبەن تىتتەي دە قاتىسى جوق قوي» ـ دەدى پىشاق ۇستاپ وتىرعان ساپتاسىم باسىن شايقاپ. مەن سىرتقا شىعىپ، ءولىم مەن ءومىر ورتاسىندا تۇرعان ءيتتى ۇيگە سۇيرەپ اكەلدىم. ول كەنەت ۇرە جونەلدى. عاجاپ، ءيتتىڭ مۇنداي ايانىشتى داۋىسىن ەستىپ كورمەگەن ەكەنمىن.

  ورىس كاريا مەن اجەيدىڭ داۋىسى جاقىنداي ءتۇستى. ولاردىڭ ءيتتىڭ داۋىسى شىققان جاققا قاراي وزەندى جاعالاي داۋىستاپ كەلە جاتقانى انىق ەدى. ولار مەن ءبىزدى سەڭ سىرەسكەن ۋسسۋري وزەنى ءبولىپ تۇر. ادام مەن ءيتتىڭ داۋىسى توعىسقاندا سەڭ سىرەسكەن ۋسسۋري وزەنى ونان ارى جاڭعىرا تۇسكەندەي بولدى. ءبىز اڭىرعان قالپى داۋىستى تىڭداپ ورنىمىزدا تۇرا بەردىك.

  _ مەن ءيتتىڭ تەرىسىن المايمىن! ـ دەدى الگى شاڭحايدان كەلگەن جىگىت كۇبىرلەي سويلەپ.

  روتا كومانديرى قولىنا پىشاقتى الىپ يتكە قارادى. ءيت ۇيگە كىرگەسىن ۇرگەن جوق. ول دا روتا كومانديرىنە قارادى. كوزىنە جاس الدى، راسىندا، ءۇنسىز جىلادى. مەن ومىرىمدە تۇڭعىش رەت ءيتتىڭ ءۇنسىز جىلايتىنىن ءوز كوزىممەن كوردىم. روتا كومانديرى ءيتتىڭ قاسىنا باردى دا تەمىر ارقاندى ءۇزىپ جىبەرىپ ەدى، ءيت ورنىنان اقىرىن تۇردى دا بىزگە كۇدىكتەنە قارادى، ٴوزى اۋىر جارالانىپتى. جامباسىنىڭ تەرىسى سىپىرىلىپ، ەتى قىپ ـ قىزىل بولىپ كورىنىپ تۇر. روتا كومانديرى «ءدارى ساندىعى» دەدى اقىرىن عانا داۋىستاپ. دەرەۋ ءدارى ساندىعىن الىپ كەلدىم. مەن امالسىزدان ءيتتىڭ جارالانعان جەرىنە قىزىل سىناپتان ازداپ قۇيىپ، ىسىك قايتاراتىن ءدارى سەپتىم دە بىرنەشە ورام داكىمەن ادەمىلەپ وراپ بەردىم. روتا كومانديرى ءبىر ءتىلىم قاعازعا بىرەر جول ورىسشا ءسوز جازدى دا بىزگە وقىپ بەردى:

  «ٴبىزدىڭ ءيتتى جارالاۋ ويىمىز مۇلدە جوق ەدى. سىزدەردىڭ ونى بۇل جاققا جىبەرمەۋلەرىڭىزدى ءۇمىت ەتەمىز». مەن قاتتى قاعازدان كونۆەرت جاسادىم. روتا كومانديرى بۇل «حالىقارالىق كونۆەرتتى» وعان تىستەتتى. قاراۋىل ءۇيدىڭ ەسىگىن اشىپ ەدىم، ءيت اقىرىن عانا شىعىپ، قاراڭعىعا سۇڭگىپ جوق بولدى... وسىدان كەيىن ءبىز اۋلاعان قويان جوعالمايتىن بولدى.

  جاڭا جىلعا بىرنەشە كۇن قالعان كەش بولاتىن. پانار شامدى ءوشىرىپ، جاتىپ قالعانبىز، كەنەت ەسىك تىقىرلادى. بارلىعىمىز ورنىمىزدان ساسقالاقتاي تۇرىپ، توسەگىمىزدىڭ باسىنداعى مىلتىعىمىزدى الىپ، اقىرىن قۇلاق تۇردىك. ءيتتىڭ قىڭسىلاعان داۋىسى ەسىتلدى. «ناجيا!» روتا كومانديرى تاعات قىلماي ەسىك اشتى. راسىندا، ناجيا ەكەن. ول شانا سۇيرەتىپ اكەلىپتى، شانانىڭ ۇستىنە ءبىر شۇپەرەك دوربا تاڭىلىپتى. روتا كوماندىرى دوربانىڭ اۋزىن اشقاندا ٴبىز اڭىردىق تا قالدىق. دوربادا ءبىر قىرعاۋىل، ءبىر قۇمىرا اراق، ءبىر پارشا حات جانە تاعى ءبىر ورىسشا گازەتكە ورالعان نارسە بار ەكەن. بانجاڭ گازەتتىڭ ورامىن اشقاندا ىشىنەن مايعا پىسىرعان پراندىك شىعا كەلدى، جىلى ەكەن.

  روتا كومانديرى حاتتىڭ اۋزىن اشتى. حاتتا: «ناجياعا جاساعان قامقورلىقتارىڭىزعا ايرىقشا العىس ايتامىز. ءبىزدىڭ ۇل ـ قىزىمىز جوق. ناجيا ءبىزدىڭ بالامىز ەسەپتى، ول ءبىر جاقسى ءيت، جاقسى تاربيە العان بالا سەكىلدى. ءبىز قارتايدىق. ونى ەشكىم اڭ اۋلاۋعا ەرتىپ شىقپايتىندىقتان زەرىگىپ، پالە شىعارىپ جۇرەدى. ول توتەنشە زەرەك بولعانىمەن، شەكارا سىزىعى دەگەننىڭ نە ەكەنىن بىلمەيدى. ول الىپ كەلگەن نارسەلەردى سكلاتقا مۇزداتىپ قويدىق، جەمەيمىز. ناجياعا قويان مەن قىرعاۋىلدى سەندەرگە __ يەسىنە اپارىپ بەرۋدى تاپسىردىق. سەندەردىڭ جاڭا جىل وتكىزۋلەرىڭ كەرەك قوي. ال، اراق ءبىزدىڭ بولماشى تارتۋىمىز، پراندىكتى كەمپىرىم ءوز قولىمەن پىسىردى. ءتاڭىر سەندەرگە باقىت باعىشتاعاي...» دەپ جازىلىپتى.

  وسىدان كەيىن ناجيا وزەننەن ءوتىپ ءبىزدىڭ قاراۋىل ورنىمىزعا ۇنەمى كەلىپ تۇراتىن بولدى. ءبىز وزەن جاعاسىندا شارلاۋجۇرگەنىمىزدە، ول ءبىزدىڭ سوڭىمىزدان ەرىپ الاتىن. ٴبىز دە وعان قويان مەن قىرعاۋىل اۋلاتاتىنبىز. ول ەرەكشە ۇشقىر ءارى سەرگەك ەدى. ءبىز اۋەلى «ءبىزدىڭ ناجيا...» دەپ ۇيالماستان ول تۋرالى اڭگىمەلەسىپ كەتەتىن بولدىق. ول بىزگە دە، قاراۋىل ورنىمىزعا دا ايرىقشا سۇيىسپەنشىلىكپەن قاراۋشى ەدى .

  ۋسسۋري وزەنىنىڭ مۇزى ەرىپ، سۋى كۇن سايىن تاسىپ قارسى جاعا كورىنبەي قالدى. ءبىر كۇنى كەشتە روتا كومانديرى ەكەۋىمىز شارلاۋ اياقتاعان سوڭ قاراۋىل ورنىنا قاراي كەلە جاتقانبىز. روتا كوماندىرى كەنەت الدە نەنى بايقاپ قالىپ، الدىڭعى جاقتى نۇسقاپ: «انانى قارا» دەدى. وزەن جاعاسىندا بىرەۋ ەڭكەڭدەپ كەلەدى، قاسىنا بارعاندا ءبىر ـ اق بىلدىك، ادام ەمەس، ناجيا جاعاداعى مۇزدىڭ اراسىندا تۇر ەكەن.

  ونىڭ ءۇستى ـ باسى كوك سۇڭگى. روتا كومانديرى ەكەۋىمىز مىلتىعىمىزدىڭ دۇمىمەن ونىڭ ۇستىندەگى سۇڭگىنى ءتۇسىرىپ، جاعاعا شىعاردىق. مەن قالتىراپ تۇرعان ونى ىشىگىممەن وراپ كوتەردىم دە، قاراۋىل ورنىنا قاراي ۇشىرتا جونەلدىم. قاراۋىل ورنىنا بارعان سوڭ، ناجيانىڭ استىنا ىشىگىمدى توسەنىش قىلىپ، مەشتىڭ قاسىنا جاتقىزىپ قويدىم. ول قالش ـ قالش ەتەدى. ءتۇرى جىرتىلىپ قايتا تىگىلگەن قۋىرشاق ءيتتىڭ ءتۇرى سەكىلدى تىم كورىكسىز كورىنەدى. ءبىر قۇلاعى جوق، دەنەسىنىڭ بىرنەشە جەرىنە جارا تۇسكەن. روتا كومانديرى جاستىقتىڭ ورامالىمەن ونىڭ شىلىق ـ شىلىق ەتكەن دەنەسىن سۇرتكەندە ونىڭ ۇستىنە ءبىر كىشكەنە دوربا بايلانعانىن كوردى. تەرى دورباعا كۇمىس بىلەزىك، كۇمىس رومكا، كۇمىس تەمەكى كۇلدىك، كۇمىس شامدال قاتارلى 10 نەشە نارسە جانە ءبىر پارشا حات سالىنىپتى.

  روتا كومانديرى حاتتى دەرەۋ بىزگە اۋدارىپ بەردى: «ناجيانى ەكى ايدىڭ الدىندا قاسقىر ءيت تالاپ تاستادى، ايتەۋىر، امان قالدى. كەمپىرىم توسەك تارتىپ جاتىر. سەندەردىڭ وسى بولىمسىز نارسەلەردى ءبولىپ الىپ، ناجيادان ازىر ـ اق بۇعىنىڭ جۇرەك قانىن بەرىپ جىبەرۋلەرىڭدى تىلەيمىن. سەندەر جاقتا بۇعى باعاتىن الاڭ بارىن بىلەمىن.بۇعىنىڭ جۇرەك قانى كەمپىرىمنىڭ جۇرەك اۋرۋىن جازادى ەكەن. اتالارىڭنىڭ تىلەگىن جەردە قالدىرماڭدار...».

  بارلىعىمىز قاتتى قامىقتىق. بۇعى باعۋ الاڭى بىزدەن تىم جىراقتا، ءارى بۇعىنىڭ جۇرەك قانى وتە قىمبات ەدى. كىم ـ كىمنىڭ دە قانداي سەبەپ بولسا دا بۇعىنى ساتۋىنا مۇلدە بولمايتىن. روتا كوماندىرى: «بۇعى باعۋ الاڭىندا كىمنىڭ تانيتىن ادامى بار؟» ـ دەدى.ساپتاستارىمنان ەشكىم ءتىل قاتقان جوق. مەن: «مەنىڭ ءبىر تانىسىم بار، ءبىراق ...» ـ دەدىم ەكى ۇداي بولىپ. روتا كومانديرى مەنىڭ ءسوزىمدى ءبولىپ: «ايالداۋىمىزعا بولمايدى، ىشىگىمدى بەرە سال. دەرەۋ بۇعى باعۋ الاڭىنا بارىپ، بۇعىنىڭ جۇرەك قانىن الامىز دا قايتامىز» ـ دەدى.

  مەن ءتىل قاتقام جوق. ىشىگىمدى كيە دالاعا شىقتىم. بۇعى باعۋ الاڭىنداعى الگى تانىس ادامىم مەنىڭ ءبىر كلاستا وقىعان ساباقتاسىم ەدى، ءبىراق، ءبىزدىڭ قارىم ـ قاتىناسىمىز تىم از بولاتىن.

  بۇعى باعۋ الاڭىنا بارعانىمىزدا ساباقتاسىم مەنىمەن كەزىككىسى كەلمەدى. مەن امالسىزدان سىرتتا تۇرىپ ونىڭ اتىن اتاپ ايعاي سالدىم. ول مەنى ءبىرتالاي ايعايلاتىپ بارىپ ارەڭ شىقتى. مەن ونىڭ بىلەگىنەن قىسا ۇستاپ: «ساباقتاسىم ـ اۋ، ساداعاڭ كەتەيىن. قايتسەڭ دە بۇعىنىڭ جۇرەك قانىن بەرشى» ـ دەدىم ءۇنىم ىشىمە ءتۇسىپ. ول: «بۇعىنىڭ جۇرەك قانى دەيسىڭ بە، قان بۇعىنىڭ تەزەگى ەمەس، الاڭنىڭ بارلىق جەرىنەن تابىلاتىن. بۇل نارسەنى بەرە المايمىن» ـ دەدى. قاتتى ساسقالاقتاعان مەن قوس قولىممەن ونىڭ بىلەگىنەن ۇستاپ جىبەرمەي قويدىم: «كومەگىڭ بولسىن، قارىمجىڭدى قايتارامىن. شەشەم جۇرەك اۋرۋىنان قىسىلىپ جاتىر» ـ دەپ جالبارىندىم.

  «جارايدى، باعىڭ بار ەكەن. بىرنەشە كۇننىڭ الدىندا بىرەۋگە ساتپاقشى بولىپ، ءبىراز قان الىپ قالىپ ەدىم» ـ دەدى دە ماعان ءبىر كونۆەرت ۇستاتتى، ىشىندە بۇعىنىڭ كەپتىرىلگەن جۇرەك قانى بار ەكەن. مەن ونى ماقتالى شاپانىمنىڭ قالتاسىنا سۇڭگىتىپ جىبەردىم دە ءجۇرىپ كەتتىم. تەرلەپ ـ تەپشىنىپ قاراۋىل ورنىنا كەلگەنىمدە ساپتاستارىم مەنى قورشاپ الدى.

  تاڭ سارىدە بۇعىنىڭ جۇرەك قانىن كۇمىس تەمەكى قالبىرىنىڭ ىشىنە سالىپ، باسقادا كۇمىس اسپاپتارمەن بىرگە كىشكەنە تەرى دورباعا سالىپ، ناجيانىڭ ۇستىنە تاڭدىق. ناجيا سۋىق ءتيىپ اۋىرىپ قالعان ەدى. ءبىز ونى تاعى امالسىزدان سۇپ ـ سۋىق وزەن سۋىندا جۇزدىرمەكپىز. ناجيانى كەزەكپەن كوتەرىپ وزەن جاعاسىنا الىپ كەلدىك. روتا كومانديرى ونىڭ باسىنان سيپاپ: «ناجيا، ءبارىن ساعان تاپسىردىق» ـ دەدى. ول بانجاڭنىڭ ءسوزىن ۇققانداي سۋىق سۋعا باتىلدانا سەكىرىپ ءتۇستى دە، ارعى جاعاعا قاراي مالتاي جونەلدى. ءبىر تۇندە وزەن سۋى تاعى تاسي قالىپتى، اعىسى كەشەگىدەن دە كۇشتى ەكەن. ناجيا قاتتى اعىپ جاتقان وزەندە بىرەسە باتىپ، بىرەسە شىعىپ قالىقتاپ بارا جاتتى. ٴبىز ودان كوز الماي قاراپ تۇردىق. روتا كومانديرى وزەندى جاعالاي جۇگىرىپ: «ناجيا، العا، ناجيا العا ...» ـ دەدى ايعاي سالىپ.

  ناجيا وزەننىڭ ورتاسىنا تاياعاندا مالتاي الماي قالدى. ءبىر كەسەك ۇلكەن مۇزدىڭ قاسىنا بارعاندا، ول الدىڭعى ەكى اياعىن مۇز ۇستىنە شىعارعانىمەن، جارىم دەنەسىن سۋ ىشىندەگى مۇز سوققىلاپ كەسەك مۇزدىڭ ۇستىنە شىعا المادى. تاعى ءبىر ۇلكەن سەڭ كەلدى دە، ناجيا ەكى سەڭنىڭ ورتاسىندا قىسىلىپ قالدى. مۇز ۇستىندە تۇرعان الدىڭعى ەكى اياعىنىڭ دا دارمەنى قالمادى. ونىڭ جارىم دەنەسى كۇمىستەي جارقىراعان مۇز ۇستىندە قالدى. ءبىز «ناجيا!» دەپ ايعاي سالدىق. جانارىمىز الگى سەڭمەن بىرگە جىلجىپ، جاعاعا جان ۇشىرتا قارايدى. وزەن اۋماعى بارعان سايىن ۇلكەيىپ، سۋى بارعان سايىن وركەشتەي ءتۇستى. سەڭگە قىستىرىلىپ قالعان ناجيا جاعاعا، ۋسسۋري وزەنىنىڭ كوز جەتپەس ارعى جاعاسىنا قاراي جىلجىدى. ول ەكى الىپ قاس تاسى ورتاسىنداعى كىشكەنتاي نۇقاتقا ۇقساپ قالقىپ بارادى. «ناجيا ءولدى» دەدى روتا كومانديرى اقىرىن عانا.

  ءبىز ءۇنسىز جىلادىق. مەن كورگەن يتتەردىڭ ىشىندە ول ءجون بىلەتىن ءيت ەدى. ونىڭ اتى ناجيا. قۇلاققا جاعىمدى ەستىلەتىن ورىس قىزدىڭ اتى، حانزۋ تىلىندەگى ماعىناسى __ ءۇمىت.

جاۋاپتى رەداكتور: ءاننا اكىمقان قىزى

كەلۋ قاينارى: http://www.elarna.net/koru.php?tur=64&id=1036161

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


باس ءمۇفتي جىبەك جولى ە 3 مينوت
ورالدا پوليتسيا قىزمەتك 1 ساعات
قر پرەزيدەنتى جولداۋىنى 1 ساعات
جاستار جىلى: تارازدا «ب 2 ساعات
مەشىت ادەبى – Sun 2 ساعات
ەگيپەتتە پەرعاۋىندار دا 2 ساعات
وسى ارانى باسىپ كورىڭىز 2 ساعات
وسى ارانى باسىپ كورىڭىز 2 ساعات
التىن بۇيىرمادى: نۇر-سۇ 2 ساعات
«جولدا قابىلداۋ»: سقو-د 3 ساعات
ورتالىق ازيانىڭ عالىمدا 3 ساعات
سامبودان ازيا چەمپيونات 3 ساعات
باس ءمۇفتي فرانتسيا ەلش 4 ساعات
قوقاندتاعى قولونەر فەست 4 ساعات
ورالدا قوس اۆتوكولىك سو 4 ساعات
كۋبادا بەنزين تاپشىلىعى 4 ساعات
پويىز بەن اۆتوبۋس سوقتى 4 ساعات
مەنىڭ جازعى دەمالىسىم ( 4 ساعات
ورالدا قوس اۆتوكولىك ءت 4 ساعات
شامالعانداعى اپات بويىن 4 ساعات
وسى ارانى باسىپ كورىڭىز 4 ساعات
اپاتتان زارداپ شەككەندە 5 ساعات
حابارلاندىرۋ! – S 5 ساعات
پويىز بەن اۆتوبۋس سوقتى 5 ساعات
تۋريزم سالاسىنداعى ۇلتت 5 ساعات
فۋتبولدان كەزەكتى قايىر 5 ساعات
شامالعانداعى اپات بولعا 5 ساعات
قتج شامالعانداعى اپاتتى 5 ساعات
باس كولىك پروكۋراتۋراسى 5 ساعات
وسى ارانى باسىپ كورىڭىز 5 ساعات