ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-08-22656264749 %51 %
2019-08-23535344954 %46 %
2019-08-24000 %100 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: جۇڭگو قازاق راديو تورابى

جولدانعان ۋاقىتى: 20:30 - 2019/08/14


اۋەلگى كەلۋ قاينارى: http://www.kazakcnr.com/wy/201908/t20190814_1354331.html

20-عاسىردىڭ 60-جىلدارىنىڭ سوڭىندا دۇڭبەيدىڭ ٴيت ارقاسى قيانداعى ٴبىر قىستاعىندا دۇنيەگە كەلىپپىن. ول كەزدە، اۋىل شارۋاشىلىعى دامىماعان، اتىزدا ٴبيداي، كولشىكتە بالىق جوق، اۋىلداستاردىڭ كوبى بۇگىن تاپقانىن ەرتەڭگە جەتكىزە الماي، ٴۇپى-ٴتاپى تۇرمىس كەشىرىپ، تۇلكى قۇرساق كۇيدە جۇرەتىن.

ول كەزدە، ٴاركۇنى تاڭەرتەڭ، ەلدىڭ ٴبارى «قىزىل تۋ راديو جالعاپ تاراتۋ پونكتى قازىر قىستاق مۇشەلەرىنە ارنالعان بەرىلىمدى باستايدى...» دەگەن قۇلاق تۇندىراتىن ۇنمەن شىرت ۇيقىدان وياناتىن.

ول كەزدە، تەك شاعاندا عانا بولماسا، جىل بويى تىسكە سىزدىق بولارلىق ٴتۇيىر ەت كورمەيتىنبىز. اندا-ساندا ۇيگە قوناق كەلە قالسا، شەشەم ادەتتە بىزگە بەرۋگە قيماي، تىققىشتاپ جۇرگەن اق ۇننان كوجە-كولمەك جاساپ، قوناقتىڭ الدىنا قوياتىن.

ول كەزدە، قوناق كەلسە داستارقاننان جۇمىرتقا ۇزىلمەيتىن. نە قۋىرىپ، نە ٴتورت-بەس تال جۇمىرتقانى اسىپ، قابىعىن ارشىپ، تاسپالاپ ٴتىلىپ، جۇمىرتقا سارىسىن ۇستىنە قاراتىپ تاقساعا قاتارلاي ٴتىزىپ، ۇستىنە ازىراق تۇز سەۋىپ، داستارقانعا قويىلاتىن. بۇل ەڭ ۇلكەن سي ەدى.

ول كەزدە، شەشەم قازان-وشاق جاقتا كۇيبەڭدەپ جۇرەتىن دە، اتام مەن اكەم قوناققا سەرىك بولىپ تاماق جەپ، اڭگىمە دۇكەنىن قۇراتىن. ال ٴبىز سياقتى ۇساق بالالارعا داستارقانعا جاقىنداۋ مۇمكىندىگى مۇلدە جوق-تى. قاقاعان قىس كەلگەندە، بارار جەرىمىز، وينايتىن ويىنىمىز جٶق ٴبىز مەشكە جاقىنىراق جەردە ىشەگىمىز شۇرىلداپ وتىرسا دا، تاماق جەپ وتىرعاندارعا قاراماۋعا تىرىساتىنبىز، قىلقاقتاپ قاراي بەرۋ ۇلكەن ادەپسىزدىك سانالاتىن. قوناق كەتكەن سوڭ، اسقان ازىناۋلاق بىردەمەنى ٴاۋجال ەتۋشى ەدىك.

جەتى-سەگىز جاسقا كەلگەندە، ماعان اياق استىنان وتكىر تۇماۋ ٴتيىپ، قاتتى قىزىپ، اۋىردىم. قىستاق شيپاحاناسى ەكى قۇمىرا اسپا ۋكل سالعان، تاماعىم سوندا دا جۇتىندىرماي، تۇماۋدىڭ بەتى قايتپادى. ۇيگە كەلگەن سوڭ شەشەم:

-ۇلىم، جۇمىرتقا جەگىڭ كەلەمە؟-دەپ سۇرادى. مۇنى ەستىگەن سوڭ، كوزىم جايناپ، دەرەۋ جاندانىپ، شۇلعىپ-شۇلعىپ جىبەردىم.

-قۋىرايىن با، جوق الدە، سۋعا پىسىرىپ بەرەيىن بە؟

-ٴبارى ۇقساس،-دەدىم ويلانباي-اق.

شەشەم دەرەۋ قوزعالىپ، سۋعا پىسىرعانى، بۋعا بىقتىرعانى، قۋىرعانى ٴبارى بار استا-توك «جۇمىرتقا داستارقانىن» ازىرلەدى.

سول جٶلعى قاتتى اۋرعانىم جانە جۇمىرتقاعا ٴبۇيىرىم شىعا تويعانىم ٴالى ەسىمنەن كەتپەيدى.

ول كەزدە، وتباسى سايىن تاۋىق باقسا دا، ٴبىزدىڭ اۋىزىمىزعا تۇسەتىن جۇمىرتقا جوقتىڭ قاسى ەدى. قوناق كەلسە جۇمىرتقا؛ ۇيدە كارى-قۇرتاڭ، جاس بالا، اۋرۋ-سىرقاۋ بولسا جۇمىرتقا؛ دوس-جاران سىرقاتتانىپ قالسا جۇمىرتقا؛ بىرەۋ-مىرەۋ بوسانىپ قالسا جۇمىرتقا...ال قالعان جۇمىرتقانى جيىپ، ساتاتىن.
ول كەزدە، جۇمىرتقا ٴبىر وتباسى كىرىسىنىڭ نەگىزگى قاينارى. بالالاردىڭ وقۋ قاراجاتى، كىتاپ-داپتەر ساتىپ الۋ دەگەن سياقتىلاردىڭ بارلىعى جۇمىرتقاعا يەك سۇيەيتىن. جۇمىرتقا جەۋ ٷشىن قاتتى تۇماۋراتۋىڭ نەمەسە باسقا تاماققا تابەتىڭ تارتپاي، ىستىعىڭ اسىپ اۋرۋىڭ كەرەك. شەشەم كەسپە كوجەنى كەرەمەت جاساۋشى ەدى. قامىردى وقتاۋمەن جۇقالاپ جازىپ، تاسپالاپ كەسكەن سوڭ، قايناپ تۇرعان سۋعا شاشا تاستاپ، ۇستىنە ٴبىر جۇمىرتقا جانە ۇساقتاپ تۋرالعان سارىمساق پەن دامدەندىرگىشتەردى قوسقان سوڭ، حوش ٴيىسى ٷي ٴىشىن كەرنەپ، سىلەكەيدى شۇبىرتاتىن-اي كەلىپ.

«ەلپەك ايەل ٴبىر ەلدى باعا الادى» دەگەن ٴتامسىل تۇپ-تۋرا ٴبىزدىڭ ۇيگە قاراتىلعانداي سەزىلەتىن. بايقۇس جانسەبىل شەشەم، سول ٴبىر ىشەر استان تارىققان زاماندا، ٴبىردى-بىرگە جالعاپ، جوقتى جونىپ تاۋىپ دەگەندەي، ٴبىر ٷيلى جاندى اش قالتىرماعان ەدى. قىل اياعى تاۋداعى كەرمەك كەندىر ٴشوپتى دە كەرتىپ تۋراپ، كەرەمەت قۋىرماشقا اينالدىرىپ جىبەرەتىن. دەنساۋلىعى ناشار اعام، كوپ سىرقاتتانىپ قالاتىن، شەشەم وعان جۇمىرتقا پىسىرىپ بەرگەندە، مەنىڭ سىلەكەيىم شۇبىرىپ، «ماعان ٴبىر پالە ساپ ەتە ٴتۇسىپ، دوڭبەكشىپ اۋىرسام ەكەن، شىركىن» دەپ تىلەۋشى ەدىم. 20-عاسىردىڭ 80-جىلدارىنىڭ ورتا شەنىندە، وتانىمىزدىڭ شىعىس تەرىستىگىنەن باتىس تەرىستىگىنە كەلىپ، داڭقپەن اسكەرگە كىرىپ، جۇڭگو حالىق ازاتتىق ارمياسى جاۋىنگەرى بولدىم. قارىن توق، كيىم ٴبۇتىن، ٴار كۇنگى تاڭعى استا ٴبىر جۇمىرتقا بەرىلەدى، سودان باستاپ جۇمىرتقا جەۋ ارمانىم ورىندالدى. الايدا، ٴار رەت ۇيگە قايتقانىمدا، شەشەم اياعى-اياعىنا تيمەي زىر جۇگىرىپ، ۇستەلدى الۋان ادىسپەن دايىندالعان جۇمىرتقالارمەن تولتىرىپ تاستايتىن.

بۇل كۇندە، جۇمىرتقا بارىمىزگە تاڭسىق اس بولۋدان قالدى. اۋىلعا قايتىپ، اياۋلى اناما بارعاندا، شەشەم جانە دە جۇمىرتقامەن قارسى الاتىن. ٴوزى قارتايسا دا، جاڭالىققا بەتتەپ، جاساۋ ٴتاسىلى عانا بۇرىنعى كونە داعدىدان وزگەرگەن. سازان بالىق ارالاستىرىلا قۋىرىلعان جۇمىرتقا، قارا ساڭىراۋقۇلاق قوسىلعان جۇمىرتقا، قىشقىل قيار قوسىلعان جۇمىرتقا، جيۋساي، جۇمىرتقالى تۇشپارا....دەيسىڭ بە، ٴبار-ٴبارى تابىلادى.

-جۇمىرتقانى كوبىرەك جەڭدەر، دەنەگە قۋات بولادى،-دەيدى ول كىسى.

نەمەرەلەرىنىڭ جۇمىرتقاعا تابەتى تارتپاعانىن كورگەن شەشەم، «قازىرگى بالالار ٴسوز ۇعۋدان قالدى» دەپ قينالا باس شايقايدى دا قويادى.

ارشىعان جۇمىرتقاداي كىرشىكسىز بالالىعىمدى جۇمىرتقادان ىزدەگەن مەن مەيىربان انامنىڭ قولى تيگەن، مەيىرى سىڭگەن استى تالىقپاي تاۋساپ، قۇشىرلانا جەپ وتىرمىن...

اۋدارعان: قاۋسىلقان قاسىمقان ۇلى


كەلۋ قاينارى: http://www.elarna.net/koru.php?tur=37&id=1034468

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


حوككەي: كوكاينعا بايلان 2 مينوت
الەمدەگى ەڭ باي ادامدار 9 مينوت
الماتى قالاسى «شۇعىلا» 9 مينوت
وسى ارانى باسىپ كورىڭىز 9 مينوت
يزرايل كولىك تۇراعى تاپ 19 مينوت
الماتىداعى اكتسيا: 100 26 مينوت
تانىمال تەولوگ اقسايلىق 29 مينوت
امەريكانىڭ جولاۋشىلار ۇ 29 مينوت
دەپۋتاتتار كىمگە 1 ميلل 29 مينوت
اكىمدىك قالانىڭ شەتكى ا 29 مينوت
وسى ارانى باسىپ كورىڭىز 1 ساعات
شەت جاق شەت قالمايدى &# 1 ساعات
الياسكا تۇرعىنى تەڭىز ج 1 ساعات
24 تامىز، سەنبى كۇنگە ا 1 ساعات
سوتتى سارساڭعا سالمايىق 1 ساعات
زاپاستاعى وفيتسەرلەر ەل 1 ساعات
پاۆلودار وبلىسىندا ءىرى 1 ساعات
تيمۋر حايداروۆ پەن مەرە 1 ساعات
23.08.2019 - اقپارات - 1 ساعات
وسى ارانى باسىپ كورىڭىز 1 ساعات
بۋرابايدىڭ بۇلتى دا جول 1 ساعات
وسى ارانى باسىپ كورىڭىز 1 ساعات
نۇر-سۇلتاندا جەرلەۋ قىز 1 ساعات
قازاقستاندىق ترياتلونشى 1 ساعات
ەلىمىزدەگى ەڭ ۇلكەن جىل 2 ساعات
ەرەكشە ءۇي تاپسىرمالارى 2 ساعات
براكونەرلەردىڭ مۇلكى تا 2 ساعات
«ەلوردا جاستارى سىيلىعى 2 ساعات
شقو-دا مەملەكەتتىك-جەكە 2 ساعات
ۇلىتاۋ اۋدانىندا حالىقا 2 ساعات