ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-09-151110375335 %65 %
2019-09-161515454335 %65 %
2019-09-171545492538 %62 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: جۇڭگو قازاق راديو تورابى

جولدانعان ۋاقىتى: 22:30 - 2019/08/13


اۋەلگى كەلۋ قاينارى: http://www.kazakcnr.com/wy/201908/t20190813_1354033.html


گۇلجان زارقىنبەك قىزى


ءساۋىر ايىنىڭ سالقىن سامالى جۇرەگىمدەگى ساعىنىشتىڭ جان سىزداتار جاراسىن ءسال دە بولسا جازعانداي ەدى. اۋىلدان ۇزاپ بارامىن. كەتىپ بارا جاتقام جوق. قايتا تۋعان جەر قوينىنا ءتىپتى دە ءسىڭىپ بارا جاتقاندايمىن. مەن اۋىلدان ۇزاپ تاعى ءبىر اۋىلعا اتتاندىم. اۋىل جايلى مەنىڭ رۋحىم دا جانىمدا ەكىگە بولىنگەن. ءبىرى قازىرگى اسفاليت جول بويىنداعى زامانۋي كوركەم سالىنعان بەيقۇت ۇيلەرمەن ايشىقتالا ايباتتانا تۇسكەن، بەيبىت باياشات تىرلىكتىڭ بەسىگىنە اينالعان اۋىلعا سۇيىنە قاراعان تەبىرەنىستى كوڭىل بايانى، ەندىءبىرى سوناۋ تاۋ ەتەگىندە تەك بۇلدىراپ كورىنىپ، ەسكى جۇرتقا اينالعان، بال داۋرەن بالالىق شاعىمنىڭ شۇعىلالى ءىزىن ىزدەپ، سوناۋ ارمان مەن ۇمىتكە تولى بالاۋسا شاقتى ساعىنعان، ەمىرەنە ەسكە العان ساعىنىش ايانى. ءار رەت اۋىلعا ورالعان سايىن، ەسكى اۋىلعا ءبىر سوقپاسام كوڭىلىم كونشىمەيدى. بۇگىن دە سول الىپ –ۇشقان كوڭىلمەن كەتىپ بارامىن.

جاڭا اۋىلدان كونە اۋىلعا دەيىن بەس كيلومەتىر جول. دالا تابيعاتى قانشاما دارقان. جول جاعاسى وزەن بويىنداعى جالبىزدىڭ ءيسى مۇرىندى جارىپ، سەزىمدى قىتىقتايدى. سىڭعىرلاعان وزەن سۋىنا قولىڭدى مالساڭ جىپ-جىلى، ساۋساعىڭدى سۋ ءسۇيىپ تۇرعانداي جۇرەگىڭدى ءدىر ەتكىزەدى. وسى وزەن ەكى اۋىلدى جالعاستىرىپ تۇرعان بىردەن-ءبىر جەلى. زامان قانشاما دامىپ، اينالاسىنىڭ ءبارىن ءسىمىرىپ، سىڭدىرىپ بارا جاتسادا وزەن ارناسىنىڭ وزگەرمەگەندىگىنە اللاعا شۇكىرلىك. ءيا، ەسكى اۋىلدانازدا بولسا ەسكى جۇرناق قالعاي.

تاۋ ەتەگىنە باسىن سۇيەي شالقالاي جاتقان ەسكى اۋىل كوزىمە وتتاي باسىلدى. جۇزگە تارتا جاتاعان ءۇيدىڭ ءبارى شاعىلىپتى. تەگى يەلەرى ءۇي توبەسىنىڭ اعاشىن بۇزىپ اكەتكەندە تامدى كەلسىن-كەلمەسىن شاققان- اۋ، - دەپ ويلادىم.

ءيا، ەكى اۋىلدى تۇتاستىرعان وزەن ورتاسىنداعى كوپىرگە كەلىپ جەتتىم. سەمونتتان قۇيىلعان كوپىردىڭ ارعى جاعى ەسكى جۇرت. بەرگى جاعى جاڭا اۋىلدىڭ باستالار جەرى. كەشەگى ساعىنىش پەن بۇگىنگى باعىنىشتى بايلانىستىرىپ تۇرعان كوپىر باياعىداي كۇيدە ەكەن. وعاندا ءتاۋبا دەيمىن ىشتەي. دەسە دە، ماعان ول مەكەنى قۇلازىپ، ەسكى جۇرتتا ساندالعان جانداي سەزىلدى. اجىم باسقان جۇزىنە زورلانا كۇلكى جيناپ امانداسقانداي ەدى. كوپىر جاعالاۋىنا وتىرىپ، جەردى اسا ءبىر تەرەڭ سۇيىسپەنشىلىك، ىستىق ماحابباتپەن سيپاپ قويامىن. قيالىم قياندارعا شارىقتاي بەردى......

ءيا، ون بەس جاس شاماسىنداعى بۇلدىرشىن قىز. قولى دىرىلدي حات اشادى:

-مونشاق، سەنى ەرتەڭ كەشتە كوپىر باسىندا كۇتەمىن.

وتە قىسقا حات. بىراق توسىن جازىلعانداي. كىمنىڭ جازعانى دا بەلگىسىز. سوڭىنا اتى جازىلماپتى. كۇتكەنى نەسى، نە جۇمىس؟ حاتتى كىمىنىڭ اكەلىپ بەرگەندىگى دە وعان بەيمالىم ەدى. ساباق ارالىعىنداعى دەمالىس كەزىندە سىرتقا شىعىپ قايتا ورالعاندا كىتاپ اراسىنا قىستىرىلعان. قىز قىلمىس وتكىزگەندەي قىسلىپ بارادى، كلاستاستارى بەينە ءبارىن ءبىلىپ مازاق قىلىپ تۇرعانداي. ساباق مىنبەسىندەگى مۇعالىم كۇماندى كوزبەن وعان وڭمەنىنەن وتكىزە قادالادى. ۇيگە قايتىپ كەلگەندە تاتەسى نە دەر. ول دا ءبىلىپ قالدى ما؟بىلسە كەلىسپ سىندالار. قىز جۇرەگىن بەيمازا سەزىم سارپالداڭعا تۇسىردى. ەرتەڭ، ەرتەڭ، ەرتەڭ كۇنگە سەنبى. ارينە اتسىز-اياقسىز جازىلعان حاتقا بولا كەزدەسۋگە بارمايدى. سوندا دا نەلىكتەن ەكەنمونشاق تۇنىمەن كىرپىك ايقاستىرمادى. تەرەزە اينەكتەرىندەگى بوز قىراۋعا قاراپ كوكىرەگىن الدە نە قارىعانداي بولدى. سان الۋان ورنەكتەن قۇرالعان قىراۋلار الەمى بىردە شۇعىنىق گۇلدەر شوعىرىنا، بىردە جەر جۇزىنە توگىلگەن جاپىراققا، بىردە اۋىل ورتاسىن جارىپ اققان اقبۇلاققا ۇقساپ ەرتەگى الەمىنەن سىر شەرتىپ، اڭىز ءان شىرقاعانداي. قىزىقتاي جاتىپ، قيالعا باتىپ ول تاڭ اتا تالىقسىپ ۇيىقتاپ كەتتى. تۇسىندە اققۋعا اينالىپ كوپىر باسىندا قوناقتادى. اقشا قار قاپالاقتاپ جاۋپ تۇر. قار ۇشقىندارى اسىر سالىپ ونىڭ قاناتىن قىتىقتاي بەردى. كوپىر جاعاسىنداعى قالامشا قار قالىڭداعان سايىن دەنەسىن بيلەي الماي بۇلعاق قاعادى. تىنىشتىققا شومعان ءاپپاق الەمدە اققۋدىڭ كوزىنە سوناۋ الىستاعى بۇلدىر ەلەس شالىندى. جاعاسىن كوتەرەقارا پالتو كيىنىپ، موينىنا اق ءشارپى تاعىنعان ءبىر سۇلبا اياڭداي باسىپ كوپىرگە قاراي بەتتەپ كەلەدى. ول سەكەم الا باستادى. مىنا ادام مەنى ۇستاپ الار ما ەكەن دەگەن قورقىنىش جۇرەگىن قىسا بەردى. ۇشىپ كەتەيىن دەپ ەدى تاعىءبىر ءتاتتى سەزىمگە ورانعان قۇدىرەتتى كۇش ونى جىبەرمەي تۇر. الگى سۇلبا جاقىنداعان سايىن ول سابىرىن جوعالتتى. اققۋعا اينالعان بەينەسىن ويلاپ اتتەڭ ادام بولىپ، اق كويلەك كيگەن اققىز بولىپ كەلسەم يگى ەدى. نەگە اققۋعا اينالىپ كەتتىم. ول مەنى ادام ەمەس قۇس دەپ تانىر. بالكىم ۇستاپ الىپ قاپاسقا قامار دەگەن كۇدىك اقىرى ونى جانتالاسقا تۇسىردى. قاناتىن قاقتى دا ەدەمدە ۇشىپ اسپان اياسىنا كوتەرىلدى. الگى ادام كوپىرگە كەلىپ الدە نەنى كۇتكەندەي دەگبىرسىزەنىپ ارى-بەرى اينالسوقتاپ ۇزاق جۇردى. اۋىلعا قاراپ قويادى. اق قاردى سىقىرلاتا باسقان اياق دىبىسى اققۋدىڭ قۇلاعىنا سونشاما انىق جەتتى. دىبىستا بال سەزىم بالبىراپ، ءتاتتى اۋەن توگىلەدى. سارعايعان ساعىنش سيىمفونياسى دا شالىنىپ جاتقانداي. قارا پالتو كيىنگەن جىگىت توبەسىندە اينالا ۇشقان اققۋدى ءتىپتى بايقار ەمەس. بار ىقىلاسى اۋىلدان كوپىرگە جالعاسقان جالعىز اياق جولعا اۋعان. ءالسىن-ءالى جولعا قاراپ جالتاقتايدى. بىرەۋدى كۇتىپ تۇرعانى بەلگىلى. ۋاقىت

ساعىمداي جىلجىپ بارادى. باسقا ەشقاندايجان كورىنبەدى. تەك اققۋ مەن ادام. مەن مۇندا نەعىپ جۇرمىن دەپ ويلادى مونشاق اققۋعا اينالعان بەينەسىنە تاڭ –تاماشا بولىپ. ايدىن-شالقار قوعالى كولى جوق، جىپ-جىلى جەرى جوق بۇل قاقاعان قىستىڭ قار الەمىنە قالايشا اققۋ بولىپ پايدا بولدى ەكەن. ول نەدە بولسا قارا پالتولىعا جاقىنداسۋدى ويلادى. قاناتىن باياۋ قاعىپ كوپىرگە جاقىنداعان تۇستا، الگى ادام جالت بۇرىلىپ اسپاننان تۇسىپ كەلە جاتقان وعان قادالا قارادى، ەكى جانار تۇيىلىسپ قالدى، اققۋ جانە ادام. ول كوگىلدىر كوزدى، سارى شاشتى بوزبالا ەكەن. جانارىنا مۇنارلى مۇڭ ۇيالاپ، سەتەر سەزىم ورناعان. اققۋدى كورىپ تاڭعالعانى سونشا ءبىر ءسات تۇرىپ قالدى دا قوس قولىن سەرمەي جۇگىردى. اققۋ سەلت ەتىپ بۇرىلا قاشتى، قاناتىن تىنباي قاعىپ كەلەدى. قاعىپ كەلەدى. . . . . .

مونشاق قارلى بوراننىڭ ۋىلىمەن سەلت ەتىپ ويانىپ كەتتى. ويانا كەلسە ەكى قولى كەۋدەسىندەگى كورپەنى سابالاپ جاتىر ەكەن. ءيا، كوڭىل كوگىندە الگى بوز بالادان ءالى قىسىلا قاشىپ بارادى. قاشىپ بارا جاتىپ تاعى دا ارتىنا قارايلاپ قويادى. كوكىرەگىندە ءۇمىت پەن ارمان، ەلجىرەۋ مەن يمەنۋ، قومسىنۋ مەن قورقۋ، ىنتىعۋ مەن ىڭعايسىزدانۋ ارالاسقان البىرىت سەزىم بار. ول قايتادان كوز ىلە المادى. . . . .

سەنبى كۇنى مونشاق كۇن بويى بەيمازا كۇي كەشتى. اناسىنا ەرىپ جوتا باسىنان قار اكەلىپ ەرتتى. كۇن نۇرىنا شاعىلىسقان قار الەمىن كورگەندە، كەشە تۇسىندە كورگەن اققۋ ەسىنەن ءبىر شىقپاي قويدى-اۋ. كەشەگى بەيمالىم حات يەسى وعان عايىپتان حات جولدادى-ما دەپ ويلادى. كەشكىسى شام تۇبىندە اققۋلار ۇيىقتاعاندا اتتى ولەڭ وقىدى. ۇيدەن شىعىپ كوپىر باسىنا بارعىسى دا كەلدى. بىراق ۇياڭدىق ۇيالاعان جاس ارۋدىڭ جان-دۇنيەسى ونى ۇيدەن اتتاپ شىعۋعا جىبەرمەدى. تەك كوزىن جۇمىپ توسەككە قۇلاي بەردى. اققۋعا اينالعان ارمان ءتۇسىنىڭ جالعاسى بولار ما ەكەن دەشى. بالكىم كەشەگى شالا ۇيقىنىڭ كەسىرى بولار. مونشاق قاتتى ۇيىقتاپ كەتتى. ءيا، سودان قايتىپ، كۇنى بۇگىنگە دەيىن الگى حات، حات يەسى، اققۋجايلى جاڭالىق مۇلدە بولعان ەمەس.

مەن ەكى اۋىلدى جالعاستىرىپ تۇرعان بىردەن-ءبىر بەلگىگە اينالعان كوپىرگە ساعىنا قارادىم. نەگە ەكەنى بەلگسىز كوپىر ماعان بالاۋسا ماحابباتتىڭ كۋاسى، بالالىق بال سەزىمنىڭ بەسىگىندەي كورىندى. اققۋعا اينالعان قيالداعى پاكتىك الەمىنىڭ تۇعىرى وسى كوپىر. بوز بالانىڭ كوڭىل كوكجيەگىنە قوناقتاعان كۇرسىنىسى مەن كۇڭكىلى كوپ مەزگىلسىز ماحابباتىنىڭ مايدا قوڭىر سامالى وسى كوپىردى ايمالاعان شىعار-اۋ دەيمىن.

كوپىردەن ۇزاپ ەسكى جۇرتتى ارالاپ كەلەمىن. انە ءازيپا اپانىڭ ءۇيى، بەس-التى اۋىزدى ۇلكەن سەميا ەدى، مۇجىق تامعا اينالىپتى. ەسىك الدىنداعى وشاق قانا ساۋ تۇر ەكەن. ءازيپا اپا ەسىك الدىنا سىرماقتى جايىپ جىبەرىپ, جان-جاعىنداعى كورشىلەرىن شايعا شاقىرۋشى ەدى. قۇلاق تۇبىمدە كورشىلەردىڭ اڭقىلداسا اڭگىمەلەسكەن ءۇنى مەن جارىسا شىققان كۇلكىسى. مىنە ورال اتايدىڭ شاڭىراعى. قوراسى دا بۇزىلعان، تەك جيرەن قاسقاسىن بايلايتىن قازىق سول قالپى ەكەن. اتتىڭ سىنى مەن سۇلۋلىعىنا ەرەكشە ءمان بەرەتىن ورال اتا قاشاندا ەڭ ادەمى ارعىماقتاردى تاڭداپ ءمىنۋشى ەدى. جيرەنىنىڭ جالىن تاراپ، ارقاسىن سيپاپ ەمىرەنە قاراۋشى ەدى جارىقتىق. سول جيرەن قاسقا بىلتىر اقساقالدىڭ جىلىنا سويىلىپتى. سويىلاردان ءبىر كۇن بۇرىن جاڭا اۋىلداعى قورادان بوساپ جوعالىپ كەتكەن ەكەن. جىل اسىنا ارنالعان مالدان ايىرىلعان ورال اتانىڭ بالالارى جيرەن قاسقانى ىزدەپ ۋ-شۋ بولعاندا، بىرەۋ ەجەلگى جۇرتتاعى وسى قازىق باسىندا ءبىر اتتىڭ اينالسوقتاپ جۇرگەندىگىنايتادى. سونىمەن ولار ازەر دەگەندە جيرەندى ۇستاپ، جەتەلەپ قايتقان ەكەن دەسەدى. ءيا جىلقى ادام مىنەزدەس دەيدى عوي. ءوزىنىڭ يەسىنىڭ رۋحىنا ارنالاتىندىعىنقايدان ءبىلسىن؟ يەسىن ەسكە الىپ كونە جۇرتقا تارتقان شىعار. اۋىلدىڭ قاق ورتاسىنداعى كىشكەنتاي ماگەزيننىڭ تامدارى بۇكىلدەي قۇلاتىلعان. ايدالاعا قويىلعان تاماق ۇستەلىندەي تەك سەمونت پوكاي عانا تۇر. پوكايعا قاراپ ەركىنبەك اعا ەسىمە كەلدى. ول ۇنەمى ماساڭداۋ جۇرەتىن. پوكايعا سۇيەنە قالىپ ماگەزيننەن بوس اراق الىپ ىشەتىن.

سودان كەلگەندەرگە :

-ءاي، سەندەر كوپ نارسەنى بىلمەيسىڭدەر عوي. بىلمەيسىڭدەر...

بىلسەڭدەر بولۋشى ەدى. جارايدى بىلمەي-اق ءوتىپ كەتىڭدەر...

بىلمەگەندەرىڭ جاقسى عوي، بىلمەگەندەرىڭ...

وسىلاي دەپ ول بىردەمەسىن قايتالاپ ايتا وزىنشە كۇرسىنىپ مۇڭايىپ قالاتىن. ونىڭ سوزىنە ەشكىم دە قۇلاق اسىپ جاتقان جوق.

ايەلى كەلىپ:

-ساندىراقتاپ نە عىپ تۇرسىڭ ؟ جۇر ۇيگە ءسىلىمتىر، سەن اراقكەشتەن كورەتىن بولدىم-اۋ، -دەپ جىلاۋعا جاقىن شارقىلمەن ونىڭ ءالسىز دەنەسىن جۇلىپ-جۇلىپ جىبەرىپ سۇيرەتە جونەلەتىن.

مۇندايدا ول باسقا ەمەس ويىن تولىق ايتا الماعانىنا وپىق جەپتاعى دا سويلەپ بوي بەرمەگەنسيتىن. قانشا تىربانسادا تانتىرەكتەي جىعىلىپ ايەلىنىڭ ادۋىن قولىندا جۇمارلانىپ كەتە باراتىن. كۇڭيجيدىڭ سورى قاينايتىن بولدى-اۋ، -دەپ قاسىنداعى قۇرداستارى مازاقتاپ كۇلىپ قالا بەرەتىن. جۇرت ماسكۇنەم دەسە دە سول اعانى كورگەندە مەنىڭ جۇرەگىمدە ءبىر اياۋشىلىق وياناتىن. ونىڭ جۇرەگىندە ءبىز بىلمەيتىن تەرەڭدىك بارداي سەزىلەتىن ماعان. ءبىر كۇنى وقۋدان كەلە جاتىپ جول بويىنداعى قىرمان باسىندا كوك تىستى ءبىر ءداۋ كىتاپتى قۇشاقتاپ وتىرعان ەركىنبەك اعانى كوردىم. ونىڭ كىتاپقا ۇڭىلگەن بەينەسى ءالى كۇنگە دەيىن كوز الدىمدا. ەرەكشە قۇمار سەزىم، ىجداعاتتى ويمەن بار دۇنيەنى ۇمىتىپ كەتكەندەي. انشەيىندە اراق ىشكەندە بىلشىق باسىپ كەتەتىن كوزدەرى نۇرلانا جايناپ تۇر. مەن قاسىنا جەتىپ بارىپ داۋىستاي امانداسقاندا عانا ول كەنەت باسىن كوتەرىپاڭقىلداي :وي قارىنداس كەل، -دەپ ورنىنان ۇشىپ تۇرەگەلدى.

-اعا، نە كىتاپ وقىپ وتىرسىز؟ كورەيىنشى.

-وي، كورە عوي، كىتاپقا بۇرىلعان كوڭىلىڭنەن اينالدىم. كور. كور. . مىنە، -دەپ قۇراق ۇشىپ كەتتى.

قاراسام كىتاپتا «جۇز جىلدىق جالعىزدىق» كولومبيا جازۋشىسى گابريەل گارسيا ماركەس دەپ جازىلىپتى. ول كەزدە بۇل كىتاپ پەن ەسىم ماعان مۇلدە بەيتانىس ەدى. كولومبيا. اۋىلدا جۇرگەن بىزگە جەر شارىنىڭ تاعى ءبىر جارتى شارىنداعى كولومبيا دەگەن ەل قايدان تانىس بولسىن. مەن كىتاپقا اڭتارىلا قارادىم.

ەركىنبەك اعا:

-كەرەمەت ۇلى شىعارما. شىركىن، -دەپ سۇيسىنىپ تۇر.

سودان اراعا ۇزاق جىلدار سالىپ، تەگى بۇل كىتاپتىڭ قانشالىق باعا مەن قۇنعا يە ەكەندىگىن كەش ءبىلدىم.

ءيا، پوكايعا قاراپ ەرىكسىز كۇرسىنىپ جىبەردىم. ويتكەنىەركىنبەك اعا ەكى جىلدىڭ الدىندا وڭەش راگىنەن قايتىس بولعان ەدى. اناممەن بىرگە كوڭىل ايتۋعا بارعاندا ونىڭ ناۋقاس توسەگىنىڭ باسىنا قاتار-قاتار جينالعان كىتاپتارعا قاراپ ەرىكسىز ويعا باتقان ەدىم. ءدال قازىر وسى پوكايدىڭ قاسىندا ەركىنبەك اعا ماعان قاراپ كۇلىمسىرەپ تۇرعانداي ەدى. كوزىمدى جۇمسام ءاپ-ادەمى كيىنىپ، ساقال-مۇرتىن تاپ-تازا الىپ سالاۋاتتى بەينەمەن مىنبەدە لەكسيا سويلەپ تۇرعان ەركىنبەك اعا. ءبىز بىلمەيتىن الدە ءبىر عاجايىپ الەمنىڭ سىرىن شەرتىپ، جۇمباعىن شەشىپ، ۇشان-تەڭىز ءبىلىم بۇلاعىن اعىتىپ جاتقانداي اينالاسىنا ماقتانىشپەن قارايدى. ماساتتانا قارايدى...

اۋىلدىڭ تاۋ جاق تۇسىنا كەلدىم. ءيا، بۇل جەردە ءبىر الىپ قاراعاش بار. ونىڭ داۋلىگى سونشالىق بۇجىر-بۇجىر بۇتاقتارى اراسىنا تورعايلار ۇيا سالۋشى ەدى. بوراننان ىقتاپ، جاڭبىردان جان ساۋعالايتىن بۇتاق اراسىنداعى جان ۇيانى الاقانىڭىزبەن ۇستاساڭىز سونشاما جىلى. مەن قۇس ەكەش قۇستىڭ دا بەينە ادامزات سياقتى تىرشىلىك ءۇشىن تىربانىپ، ءومىر ءۇشىن ارپالىسپ، ۇرپاعى ءۇشىن ۇمتىلاتىندىعىن وسى ءۇيىمىزدىڭ تۇسىنداعى الىپ قاراعاشتىڭ بۇتاعىنا بوي تاسالاعان تورعايدان سەزىندىم.

بالا كەزىمدە ءۇيىمىزدىڭ الدىندا كىشكەنتاي كوگونىس تاقتاسى بولدى. وعان اكەم قىزاناق، قيار، كوكبۇرىش، باكلاجان سياقتى ءتۇرلى كوگونىستەردى ەگۋشى ەدى. اكەم كوگونىس ەگۋگە قاتتى شەبەر بولاتىن. ول كسى ەككەن ءارقانداي جەمس-جيدەك كوگونىستەر ەرەكشە مول ءونىم بەرۋشى ەدى. ارينە، مۇنىڭ ىشىندە قويماي تالاساتىنىمىز قىزاناق عوي. جازعا اينالا قىزاناقتار ارت-ارتىنان پىسا باستايدى. قىپ-قىزىل. ءموپ-ءمولدىر قىزاناقتار كوزدىڭ جاۋىن الاتىن. ءيسىن دەمەيسىزبە، شىركىن؟ ءتاپ-ءتاتتى قىشقىل ءيسىن يىسكەپ جەگەنگە قيماي قىزىقتاپ كوپكە دەيىن وتىراتىنمىن. قازىر ونداي قىزاناق قايدان بولسىن. قۋىرماشقا سالساڭ ءدارىنىڭ ءيسى اڭقىپ، جەسەڭ جىپ-جىلىمىش سەزىلەتىن تاتىمسىز قىزاناقتى جەپ جاتقانىڭدى، بىلعانعان اۋامەن تىنىس الىپ، بىلىققان ورتادا جاساپ وتىرعانىڭدى ويلاعاندا قازىرگى تۇرمىستان ءبىر ءسات بەزىپ كەتكەن كەلەدى.

قىزاناق پىسپاي جاتىپ، ءسىڭىلىم، باۋىرىم ۇشەۋىمىز كۇنىنە اڭديمىز. كورشى ۇيدەگى قۇرداستارىمىزدا قۇر قالمايدى. ولاردا ءبىر شەتىندە. مۇندايدا جاڭبىر كوپ جاۋماي كۇن قاتتى ىسۋى كەرەك. ەكى كۇنگى ىستىقتان سوڭعى تاڭەرتەڭ قىپ-قىزىل بولىپ كوزدىڭ جاۋىن العان قىزاناقتاردى كورگەندە ءوزىمىزدى قويارعا جەر تاپپاي كەتەمىز. تولىق پىسقانىن جەسەڭىز قۇمداي ۇگىتىلىپ اۋزىڭا قۇيىلادى. وكىنەرلىگى ءبىزدىڭ بالالىق اشقاراقتىعىمىز انامنىڭ مىسىن قۇرتاتىن.

-قىزاناقتىڭ ءبىر پىسقانىن ءبىر جەپ تاۋستىڭدار-اۋ. ەندى قۋرماشقا نە سالام ؟ تۇگەلمەن پىسىپ بولعانشا سابىر ەتسەڭدەرشى، -دەپ قومپىلداپ كەتۋشى ەدى انام. مۇندايدا ءبىز ۇندەمەي قاشا جونەلەتىنبىز.

ءيا، سول ءبىز ۇرداپ جەيتىپ قىزاناقتى ۇرپاعى ءۇشىن تورعايدىڭ دا تورۋىلداعانى، بىراق قىلمىسىنان قىسىلىپ قينالعاندىعى وشپەستەي بولىپ ەسىمدە قالىپتى. ەسكى جۇرتتاعى مىناۋ الىپ قاراعاش باسىندا ۇرپاعىن اسىراپ، ۇياسىن ايالاعان، سول مەنىمەن بىرگە ۇرلىققا تۇسكەن تورعايدىڭ بەينەسى شىنىندا عاجايىپ. جاڭبىردان كەيىن كۇن اشىىلا قالعان بولاتىن. ۇيدەگىلەر تۇسكى ۇيقىدا دەمالىستا. مەن باسپالاپ دالاعا شىعىپ، كوگونىس تاقتاسىنا كەلدىم. جاڭبىر جۋعان قىزاناقتار ونان ارى قىزارا جارقىراپ نۇرلانا تۇسكەن. اۋزىمنىڭ سۋى قۇرىپ، ءبىردى ءۇزىپ الۋ ويىنا كەلە قالعان ەدىم. بىراق، جەر باتپاق ەكەن. كوگونىس تاقتاسىن ارالاۋ قولايسىز بولدى. سونىمەن امالسىز قىرماققا جايعاسىپ، جاڭبىردان سوڭعى تابيعاتتى تاماشالاپ، تازا اۋانى ءسىمىرىپ وتىرعانمىن. اندا-ساندا ماڭايداعى تاستاردى تەرىپ الىپ، جەر شيمايلاپ قويامىن. كەنەت شىرىلداعان تورعاي ءۇنى نازارىمدى اۋداردى. ءيا، تورعاي ءۇنىن ادەتتە دە كوپ ەستيمىز. بىراق مىنا داۋىس ەرەكشە ءبىر توسىن ءارى اشتى شىقتى. قاراعاش تۇبىنەن شىققان قىسىلعان قينالعان داۋىس. جۇگىرىپ جەتىپ بارسام قاراعاش تۇبىندە شىر-پىر ەتىپ تورعايدىڭ ەكى بالاپانى جاتىر. شاماسى ۇيادان قۇلاپ كەتكەن ءتارىزدى. موينى ءۇزىلىپ كەتەردەي بار كۇشىمەن شىرىلداعان سايىن ءجۇنى تولىق جەتىلمەگەن قىزىل شاقا دەنەسى ودان بەتەر قىزارىپ، ءدىر-ءدىر ەتەدى. اڭعارى قاراعاشتان قۇلاپ تۇسكەنىنە دە بىراز ۋاقىت بولعان سياقتى. العاشىندا اڭداماي جاتىپ- جاتىپ، قارنى اشقانىن سەزىپ شىرىلداپ جاتقان سياقتى. نەدە بولسا ۇياسىنا سالىپ قويايىن دەپ قامدانا بەرگەنىمدە كەنەت اۋەدەن ءبىر نارسە زۋ ەتىپ ماعان اتىلعانداي بولدى. جالت قاراسام انا تورعاي ەكەن. مەن تەزدەن ارتقا نەشە قادام شەگىنىپ كەتتىم. بەيشارا مەنىڭ بالاپاندارىن ۇستاماقشى بولعانىمىنىڭ ۇستىنەن تۇسىىپ، زيانكەستىك ىستەمەكشى، -دەپ الاڭداپ جانتالاسقا تۇسسە كەرەك. مەن ۇزاپ بارىپ انادايدا قاراپ تۇرمىن. تورعاي بالاپاندارىن اينالا ۇشادى. بىردەم بىرەۋىنە ەندى بىردەم بىرەۋىنە جاقىندايدى. تۇمسىعىمەن ءتۇرتىپ-ءتۇرتىپ قويادى. جان-جاعىنا الاقتاپ قارايدى. بالاپاندارىن ۇياسىنا قالاي شىعارارىن بىلمەي قينالىپ تۇرعاندىعى بەلگىلى. مەن نەدە بولسا كومەكتەسەيىن، -دەپ تاعى العا جۇرىپ ەدىم. تورعاي كەنەت كوگونىس تاقتاسىنا قاراي ۇشا جونەلدى. مەن دە ەرىكسىز وعان ىلەسە جۇگىردىم. تورعاي قىزاناق تاقتاسىنا توقتادى. سودان ماڭايىنا جالتاق-جالتاق قاراپ قويادى. ىشتەي تاڭعالىپ مەن تۇرمىن. قىزاناق ۇردايمىن دەپ انامنان جاسقانىپ جان-جاعىما جالتاڭداي قاراپ وكشەلەي باسىپ كوگونىس تاقتاسىنا كەلەتىن ءوز بەينەم ەسىمە تۇسىپ كەتتى. مەنىكى ناپسىگە بوي الدىرعان جەلوكپە بالالىق دالباسالىق قوي. ال مىناۋ تورعايدىكى اق ۇرپەك بالاپانىنا ارنالعان انالىق اق ەدىل ماحاببات. بال بالاسى بالاپانىنىڭ تىرلىگى مەن تىنىسى ءۇشىن امالسىز جاسالعان ارپالىس. بۇرىندارى ەشقاشان دا ولاردىڭ كوگونىس تاقتاسىنداعى قىزاناققا تيگەنىن كورمەگەن ەدىم. تورعاي اقىرىن جورعالاپ قىزاناقتىڭ تۇبىنە كەلدى. سودان ەڭ قىپ –قىزىل پىسكەن بىرەۋىن تۇمسىعىمەن شۇقي بەردى. قاراپ تۇرمىن. شاماسى قىزاناقتىڭ ءسولىن سورىپ جاتقان سياقتى. سودان ءبىر ۋاقىتتا تۇمسىعىنا قىزاناقتىڭ ىشىندەگى ەتى مەن ءسولى قوسلعان دارداي ءبىر بولەگىن الىپ جورعالاي باسىپ قاراعاشقا جاقىنداپ كەلەدى. ۇشسا ەدەمدە جەتەتىنى داۋسىز. بىراق تۇمىسعىنداعى ازىق جەرگە تۇسىپ كەتۋ حاۋپى بار. قاراعاش پەن كوگونىس تاقتاسىنىڭ اراسى ءبىز ءۇشىن جاقىن بولعانىمەن، جورعالاعان قۇس ءۇشىن ءبىر تالاي ساپار. تورعاي جورعالاي جۇرىپ اقىرى قاراعاش تۇبىندەگى بالاپاندارىنا جەتتى-اۋ. وسىلايشا ول كوگونىس تاقتاسى مەن قاراعاش اراسىندا سان بارىپ سان كەلىپ جۇرىپ، ەكى بالاپانىن كەزەك-كەزەك ازىقتاندىردى. قارنى تويعان سوڭ بالاپانداردىڭ شىرىلى دا توقتاپ قالدى. ەندى تورعاي تاعى دا داعداردى. بۇل جولى ول مەنىڭ جاقىنداعانىمنان ۇرىكپەدى. قايتا ءدوپ-دوڭگەلەك كوزدەرىن ماعان قاداپ مەيىرلەنىپ تۇر. مەن ونىڭ ەكى بالاپانىن جەردەن اقىرىن الىپ قاراعاش باسىنداعى ۇياسىنا سالىپ قويدىم. تورعاي پىر ەتىپ ۇشىپ ۇياسىنا قوندى. سودان بەينە ءبىر زور قۋانىشتى تويلاعانداي سايراي جونەلدى. قالايشا ەكەن، مەنىڭ دە كوڭىلىم مارقايىپ ماساتتانىپ قالدىم. شىركىن، سۇيگەن تاماعىڭدى جەۋدەن ارتىق باقىتتى سەزىم بالكىم وسى شىعار، - دەيمىن ىشتەي. سودان باستاپ مەن قاراعاش باسىنداعى تورعاي بالاپاندارىن سىرتتاي قورىپ جۇرەتىن بولدىم. ولاردى كورگەن سايىن جۇرەگىمە ەرەكشە ءبىر جىلىلىق ورنايتىن بولدى. سونان باستاپ باسقالارمەن بىرىگىپ قىزاناق ۇردايتىن ادەتىمدى دە قويدىم. قىزاناقتى تەك انامنىڭ رۇحساتىمەن جەيمىن. ودان ازداپ ءبولىپ الىپ تورعاي ۇياسىنىڭ قاسىنا اپارىپ قوياتىن ەدىم.

ءيا... بال داۋرەن بالالىق ءوتتى عوي بۇل اۋىلدا، قاسيەتتى جەر، قايران تۇعىردا. مىنەكي سول قىزىق پەن شىجىققا تولعان اۋىل قازىر قيراندىعا اينالعان. جاڭا قونىستان جاڭالىق ىزدەپ، كونە قونىستى كۇيرەتىپ كەتىپ بارا جاتساقتا، ول اراداعى ەسىل بەينە، ەمىرەنگەن شاقتار ەسىمىزدە. ارمان دەپ اتتاندىق، اۋىل دەپ اڭىراي ورالدىق. بىراق بايىز تاپپايمىز، تاعى دا سول بىتپەس ساپار، تۇگەمەس تىرلىككە اتتانامىز.

قاس قارايىپ كەلەدى. مەندە قايتا اتتانىپ بارامىن. تەك ەسكى جۇرتتى ەسكە الىپ امانداسقان بولدىم. ويتكەنى كوپ جاعدايدا كەرەككە جاراعانىڭ -اۋىلدان ۇزاعانىڭ، اۋىلدان الىستا ءوز ورنىڭدى تاپقانىڭ، تاپساڭ ۇتقانىڭ، تاپپاي ساندالىپ ورالساڭ جارامسىز، جاعىمسىز بولىپ ۇتىلعانىڭ. مىنەكي توپ بولىپ ەسكى جۇرتتى تاستاپ، جاڭا اۋىلعا كەتكەنبىز. ال مەن ونى دا تاستاپ جات جەر، جاتىرقاي اۋماققا اتتانىپ بارامىن. ەسىمە مۇقاعالي ماقاتايەۆتىڭ مىنا ولەڭى ءتۇستى:

سەن دە كەتتىڭ،
مەن دە كەتتىم،
ول دا كەتتى اۋىلدان. وسىنىمىز ۇيات بولدى-اۋ،
ۇيات بولدى-اۋ قاۋىمنان!
ۇيات بولدى-اۋ،
ۇيات بولدى-اۋ،
ۇيات بولدى-اۋ باۋىرلار!

مومىن ەلدىڭ،
ارقا سۇيەر،
ازاماتى ءبىز ەدىك،
جەكە-جەكە باقىت ىزدەپ،
جەكە ءومىر تۇزەدىك،
جەتەر ەندى!. . . .
تۋعان جەردىڭ توپىراعىنا تىزە بۇك!

ولەڭ ءپىرى مۇقاعالي اتامىزعا ءۇن قوسىپ مەندە بىردەمە ايتقىم كەلدى:


كەلىپ تۇر مىناۋ،
كەلىپ تۇر اناۋ اۋىلعا،
كەۋدەڭدى توسە اۋىلدا جاۋعان جاۋىنعا،
سالەم بەر, بالا، ەسكى جۇرت، بارشا قاۋىمعا،
قويناۋى قۇشاق، اسقار تاۋ قۇساپ،
دەم بەرەر ساعان ىشقىنعان نوسەر داۋىلدا.

اۆتوردىڭ قىزمەت ورنى: ورتالىق حالىق راديو ستانسياسى


كەلۋ قاينارى: http://www.elarna.net/koru.php?tur=37&id=1034076

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


پۋتين ساۋد ارابياسىنا ق 3 مينوت
بريتانيا Brexit بويىنشا 13 مينوت
قىزىلوردادا 81 جاستاعى 16 مينوت
الماتىداعى تاريحي قحل ء 23 مينوت
وسى ارانى باسىپ كورىڭىز 1 ساعات
قحل: «بارىس» الماتىدا « 1 ساعات
موتوتسيكل ايداعان وقۋشى 1 ساعات
بوكستان الەم چەمپيوناتى 1 ساعات
وليمپيادالىق دايارلاۋ و 1 ساعات
ورال قالاسىندا تۇرعىن ء 1 ساعات
الماتىدا جيھاز جاسايتىن 1 ساعات
قولدى كوكىرەككە قويۋ سۇ 1 ساعات
ايەلدەر كۇرەسىنەن الەم 1 ساعات
جاڭاتاس قالاسىنىڭ 50 جى 1 ساعات
وسى ارانى باسىپ كورىڭىز 1 ساعات
«حابار» اگەنتتىگى Insta 1 ساعات
اتىراۋلىق شارۋالار جەڭى 1 ساعات
قازاقستاندا 18 قىركۇيەك 1 ساعات
الماتىدا بالالى ايەلگە 2 ساعات
ەلوردادا ءوندىرىستى جاپ 2 ساعات
قازاقستاننىڭ قورعانىس ء 2 ساعات
ەلوردادا 422 تاكسيست زا 2 ساعات
سپورت پەن ەڭبەك ۇشتاسقا 2 ساعات
قازاقستان قۇراماسىنىڭ ء 2 ساعات
لورد ءۆۋلفتىڭ «احقو سوت 2 ساعات
اكىمشىلىك ايىپپۇلدى تول 2 ساعات
ماجىلىستە مارات وسپانوۆ 2 ساعات
الماتىعا جەر سىلكىنىسىن 2 ساعات
وليمپيادا جولداماسىن يە 2 ساعات
كۇزگى ەگىن جيناۋ ناۋقان 2 ساعات