اقتوبە. قازاقپارات - ەكىنشى رەت «Baqytty bala» بايقاۋى وتەدى. الەمنىڭ سەگىز ەلىنەن ونەرپاز قاتىسىپ، گالا كونتسەرتتە ديماش قۇدايبەرگەن ءان شىرقاۋى مۇمكىن، دەپ حابارلايدى قازاقپارات ءتىلشىسى.
«Baqytty bala» بايقاۋىنا ۋكراينا، رەسەي، بەلورۋس، پولشا، وزبەكستان، قىرعىزستان، گرەتسيا، مولدوۆا ەلىنەن ونەرپازدار كەلدى. كانادا ەلىنىڭ قاتىسۋشىسى قۇجات راسىمدەۋگە كەشىگىپ، 2020 جىلى بولاتىن بايقاۋعا ءبىرىنشى بولىپ جولداما الىپ وتىر.
«بيىل بالالاردىڭ ۆوكالدىق كونكۋرسى ەكىنشى رەت ۇيىمداستىرىلىپ جاتىر. بارلىعى 500-دەن استام ءوتىنىش تۇسسە، ونىڭ جيىرماسا ىرىكتەلدى. گالا كونتسەرت 14-شىلدە كۇنى وتەدى. بالالار وتە تالانتتى، دايىندىقپەن كەلگەن. ءبىر ايتا كەتەرلىگى، بايقاۋدىڭ گالا كونتسەرتىنە ديماش كەلەدى دەپ كۇتىپ وتىرمىز. الەم جۇلدىزىنىڭ ۋاقىتى از، كەستەسى تىعىز بولعانىمەن ءۇمىت ۇزبەيمىز. كەلسە قۋانامىز، اماندىق بولسا قاۋىشامىز»، - دەدى قالا اكىمىنىڭ ورىنباسارى ايگۇل ارىنعازيەۆا.
بايقاۋدى قالالىق اكىمدىكتىڭ قولداۋىمەن «ديماش ءالي» پروديۋسسەرلىك ورتالىعى بىرگە ۇيىمداستىرىپ جاتىر. ءادىلقازىلار اراسىندا ۋكراينانىڭ تانىمال ءانشىسى ايدا نيكولايچۋك، رەسەي كومپوزيتورى ەۆگەني ەۆزەروۆ، ساۋند-پروديۋسەر ەرلان بەكچۋرين، كومپوزيتور ءارى ورىنداۋشى ۇلىقپان جولداسوۆ، ديماشتىڭ ۇستازى مارات ءايتىموۆ بار.
«بالالار اقتوبەدە ءبىر اپتا بولادى. ولار وسى ارقىلى دوستارىپ، كاسىبي دامۋعا مۇمكىندىك الادى. بىلىكتى ۇستازدار شەبەرلىك ساباعىن وتكىزدى. بالالار الدىمەن انا تىلىندە، كەيىن الەمدىك حيت ءاندى ورىندايدى. بالالار قايىرىمدىلىق شاراعا دا قاتىسىپ، زامانداستارىنا كومەكتەسەدى، ولاردى ءوز كونكۋرسىنا شاقىردى. مۇمكىندىگى شەكتەۋلى بالالارمەن كەزدەسۋ دە ەرەكشە وتەدى دەپ جوسپارلاپ وتىرمىز»، - دەدى فەستيۆال رەجيسسەرى اننا وبويانسكايا.
ايتا كەتەيىك، ۆوكالدىق بايقاۋدىڭ جۇلدە قورى 2 ميلليون تەڭگە. باس جۇلدە يەگەرىنە 1 ميلليون تەڭگە بەرىلەدى. سونىمەن قاتار جەرگىلىكتى اكىمدىك قاتسۋشىلاردى كۇتۋ جۇمىستارىن ءوز مىندەتىنە الدى.
«ديماشتىڭ ارنايى سىيى تۋرالى كونكۋرس كەزىندە بەلگىلى بولادى. باس جۇلدە وتكەن جىلى ەكى قاتىسۋشىعا بەرىلدى. بيىل دا بايقاۋ بارىسىندا ءبارى وزگەرۋى مۇمكىن»، - دەدى قانات ايتباەۆ.
اقتوبە وبلىسىنان اڭسار ءجۇسىپ، لاۋرا سەركەباەۆا، ءادىل ورىنباساروۆ قاتىسادى. سونىمەن قاتار بايقاۋعا قاتىساتىن ديماشتى كورۋ ءۇشىن تۇركيا، فينليانديا، فرانتسيا، ۇلىبريتانيا، بولگاريادان 12 فاناتى كەلدى.
ءتۇرى: قازاقپارات جاڭالىقتارى
جولدانعان ۋاقىتى: 22:21 - 2019/07/12
