ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-10-12711272041 %59 %
2019-10-13946291737 %63 %
2019-10-1421780840 %60 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قالا مەن دالا گازەتى جانە استانا اقشامى گازەتى

جولدانعان ۋاقىتى: 21:45 - 2019/07/12

شىعىستا اۋىل ايەلدەرىنىڭ فورۋمى ءوتتى | DalaNews

شىعىستا اۋىل ايەلدەرىنىڭ فورۋمى ءوتتى

وسكەمەندە «الەۋمەتتىك جاۋاپكەرشىلىك، تەڭدىك قۇقىق جانە مۇمكىندىكتەر قۇقىعى» اتتى اۋىل ايەلدەرى فورۋمى ءوز جۇمىسىن باستادى. ەكى كۇنگە سوزىلاتىن فورۋم كاسىپكەر، ءمۇعالىم، دارىگەر، كوپبالالى جانە ەڭبەك ارداگەرلەرى ايەلدەرىنىڭ باسىن قوستى.

فورۋم ۇيىمداستىرۋشىلارى شقو اكىمدىگى، «جاسىل» ەكونوميكا جانە G-Global-دى دامىتۋ كواليتسياسى»، «EXPO&WOMEN» حالىقارالىق ۇيىمى مەن قر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسياسىنىڭ قولداۋىمەن Coca-Cola حالىقارالىق قورى.

فورۋمنىڭ سالتاناتتى جيىنىن وبلىس اكىمىنىڭ ورىنباسارى اسەم ءنۇسىپوۆا اشتى.

– شارانىڭ باستى ماقساتى اۋىل-ايماقتاعى ايەلدەردىڭ الەۋەتىن انىقتاپ، ولارعا قولداۋ كورسەتۋ، ءتۇرلى باعىتتار بويىنشا دامىتىپ، ءال-اۋقاتىنىڭ ارتۋىنا جاعداي جاساۋ بولىپ تابىلادى.

بۇگىندە وڭىرىمىزدەگى 3300-دەن استام اۋىل شارۋاشىلىعى باعىتىنداعى كاسىپورىنداردى، 795 شاعىن جانە ورتا كاسىپكەرلىك نىساندى ايەل ازاماتشالار باسقارىپ وتىر.

سونداي-اق بورودۋليحا اۋدانىن ولگا بۋلاۆكينا ەسىمدى ازاماتشا تىزگىندەگەن. بۇدان بولەك، وبلىسىمىزداعى 24 اۋىلدىق وكرۋگتىڭ اكىمدەرى نازىكجاندىلار. اۋداندىق، قالالىق ءماسليحاتتاردىڭ 57 دەپۋتاتى ايەل قاۋىمىنان بولسا، 372 مەملەكەتتىك ورگاندى وسى جاندار باسقارىپ وتىر، – دەدى وبلىس اكىمىنىڭ ورىنباسارى اسەم ءنۇسىپوۆا.

بۇگىنگى تاڭدا وبلىستاعى الەۋمەتتىك ساياساتتىڭ نەگىزگى باعىتى ايەلدەردى، ونىڭ ىشىندە كوپبالالى انالاردى قولداۋعا باعىتتالعان. 1 قىركۇيەككە قاراي كوپبالالى وتباسىلاردان شىققان بالالار وبلىستىق بيۋدجەت تاراپىنان مەكتەپ فورماسىمەن، مەكتەپتەگى ىستىق تاماقپەن قامتىلاتىن بولادى.

كوپبالالى وتباسىلاردان شىققان جانە مۇمكىندىگى شەكتەۋلى بالالار بالاباقشاعا تەگىن باراتىن بولادى.

11 ماۋسىم كۇنى ءوڭىردىڭ اۋىلدى جەرلەرىندە تۇرىپ جاتقان 230 كوپبالالى انا بيۋدجەتتىك ەمەس قاراجات تاراپىنان تۇرعىنۇيمەن قامتىلدى.

ودان كەيىن اسەم ءنۇسىپوۆا ءوز ماماندىعىنا ءومىر بويى ادال بولعان بىرنەشە ايەل ازاماتشاعا وبلىس اكىمىنىڭ اتىنان ارنايى گراموتالار مەن اقشالاي سىياقىلار تابىستادى.

ماراپاتتالۋشىلار قاتارىندا 77 جاسقا كەلسە دە قوي باعۋ كاسىبىن تاستاماعان 8 بالا، 16 نەمەرە، 12 شوبەرە تاربيەلەپ وتىرعان كاتونقاراعايلىق ءسابيلا قۇرمانوۆا بار.

ەرلىك پەن كۇش-جىگەردىڭ ايقىن دالەلى دەپ زۋلفيا ەرقاسىموۆانى ايتۋعا بولادى. تراكتورشى-كومباينشى بولىپ جۇمىس ىستەپ ءجۇرىپ ەكى اياعىنان ايىرىلعان رۋحى بيىك ايەل پروتەزگە تۇرىپ، بۇگىندە كاتونقاراعاي اۋدانىندا اسحانا مەڭگەرۋشىسى.

اۋىل ايەلدەرى الدىندا قر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسياسىنىڭ مۇشەسى اسيا حايرۋللينا ءسوز الدى.

– شىعىس قازاقستان بۇگىندە بۇل ەل وڭىرلەرىنىڭ اراسىندا ايەلدەردىڭ مۇددەلەرى مەن قۇقىقتارىن ىلگەرىلەتۋ، گەندەرلىك تەڭدىك ماسەلەلەرى بويىنشا كوش باستاپ تۇر. باستى ماقسات-اۋىل ايەلدەرىنىڭ مارتەبەسى مەن ءومىر ءسۇرۋ ساپاسىن، بىلىمگە، مەديتسيناعا، مادەنيەتكە دەگەن قول جەتىمدىلىگىن ارتتىرۋ. بۇل وقشاۋلاۋعا باستى نازار اۋدارىلعان ونجىلدىق جوسپاردى جۇزەگە اسىرۋعا وتە قولايلى.

ياعني، ءاربىر ازامات جەرگىلىكتى جەردە ەلدىڭ دامۋىنا ءوز ۇلەسىن قوسۋى ءتيىس. ەگەر رەسپۋبليكادا ايەلدەردىڭ 52 پايىزى اۋىلداردا تۇراتىنىن ەسكەرسەك، ولار ءۇشىن ماڭىزدى اقپارات، قولداۋ الۋ، تاجىريبە الماسۋ مۇمكىندىگى وتە قاجەت.

سوز كەزەگىن «جاسىل» ەكونوميكا جانە G-Global-دى دامىتۋ كواليتسياسى» باسقارماسىنىڭ باسشىسى، قر پرەزيدەنتى جانىنداعى جاسىل ەكونوميكاعا كوشۋ كەڭەسىنىڭ مۇشەسى سالتانات ريحيمبەكوۆا جالعاستىردى. سالتانات راحيمبەكوۆا رەسپۋبليكا بويىنشا بۇل ەكىنشى رەت وتكىزىلىپ وتىرعان فورۋم ەكەنىن ايتىپ، كاسىپكەرلىك اشۋدىڭ ناقتى ۇلگىلەرى مەن مۇمكىندىكتەرىن اتاپ ءوتتى.

– اۋىل ايەلدەرىن وزدەرى سياقتى جانداردىڭ تابىسقا جەتۋ ۇلگىلەرى عانا جىگەرلەندىرەدى. سوندىقتان ءبىز وسىنداي پىكىر مەن تاجىريبە الماسۋ الاڭدارىن ۇيىمداستىرامىز. ەلباسىمىز وسىدان بىرنەشە جىل بۇرىن رەسپۋبليكادا كەم دەگەندە اۋىلشارۋاشىلىعى كووپەراتيۆتەرىنە بىرىككەن 500 مىڭ جەكە اۋىل شارۋاشىلىقتارى بولۋ كەرەگىن اتاپ وتكەن. وسى رەتتە ءبىز اۋىل ايەلدەرىنە قولداۋ كورسەتىپ، ءوز كاسىبىن دوڭگەلەتۋگە مۇمكىندىك بەرەمىز – دەدى سالتانات حانىم.

اۋىلدىق ايماقتاردى دامىتۋداعى ايەلدەردىڭ ءرولى تۋرالى بورودۋليحا اۋدانىنىڭ اكىمى ولگا بۋلاۆكينا ايتىپ ءوتتى. سونىمەن قاتار، قاتىسۋشىلار «ەڭبەك» جۇمىسپەن قامتۋ جانە «بيزنەستىڭ جول كارتاسى -2020» باعدارلامالارى، مەملەكەتتىك-جەكە مەنشىك ارىپتەستىك جوبالارىن جۇزەگە اسىرۋ ارقىلى اۋىلشارۋاشىلىق سۋبەكتىلەرىن قارجىلاندىرۋ تۋرالى اقپارات الدى.

فورۋمنىڭ ەرەكشەلىگى «مەنىڭ جەتىستىگىمنىڭ تاريحى» شەرۋىنىڭ ۇيىمداستىرىلۋى. ونى «ايكا» شارۋا قوجالىعىنىڭ جەتەكشىسى، «مەنىڭ جەتىستىگىمنىڭ تاريحى – 2018 جىل» نوميناتسياسىنىڭ لاۋرەاتى اەليتا احمەتسالىمقىزى جۇرگىزدى. ول جاستار اراسىندا جۇلدە قورى 1 ملن. تەڭگە بولاتىن ەكو-تۋريزمدى ناسيحاتتاۋ بويىنشا بايقاۋ ۇيىمداستىرۋدى ۇسىندى.

فورۋم سوڭىندا اۋىلدىق اۋماقتاردى دامىتۋعا زور ۇلەس قوسقان ايەلدەرگە العىس حاتتار تابىس ەتىلدى.


كەلۋ قاينارى: http://www.elarna.net/koru.php?tur=25&id=1022486

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار