ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-12-131401443142 %58 %
2019-12-141793576056 %44 %
2019-12-151247293859 %41 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاقپارات جاڭالىقتارى

جولدانعان ۋاقىتى: 17:24 - 2019/07/12

نۇر-سۇلتان. قازاقپارات - قازاقستاننىڭ سىرتقى ساياساتى ۇلتتىق قاۋىپسىزدىكتى، ەلدىڭ ەگەمەندىگى مەن اۋماقتىق تۇتاستىعىن جان-جاقتى قامتاماسىز ەتۋگە، سونداي-اق بەيبىتشىلىكتى، وڭىرلىك جانە جاھاندىق قاۋىپسىزدىكتى نىعايتۋعا باعىتالادى. قر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنىڭ اعا عىلىمي قىزمەتكەرى، اسكەري عىلىمداردىڭ كانديداتى، دوتسەنت گەورگي دۋبوۆتسەۆ وسىلاي دەدى، دەپ حابارلايدى قازاقپارات ءتىلشىسى.

«قازاقستان پرەزيدەنتى قاسىم-جومارت توقاەۆ 12 ماۋسىمداعى ۇلىقتاۋ راسىمىندە 10 نەگىزگى باعىتتى بەلگىلەپ، ونى ىسكە اسىرۋعا دەرەۋ كىرىسۋدى تاپسىرعان بولاتىن. ولاردىڭ قاتارىنا حالىقتىڭ تابىسى مەن ءال-اۋقاتىن ارتتىرۋ، سىبايلاس جەمقورلىققا قارسى ءتيىمدى ءىس-قيمىل، سوت-قۇقىقتىق رەفورما، ءادىل الەۋمەتتىك ساياسات، تۇرعىن ءۇي ماسەلەلەرىن شەشۋ، وڭىرلەردى دامىتۋ، تەڭدەستىرىلگەن جانە كوپۆەكتورلى سىرتقى ساياسات، سونداي-اق جاستاردى قولداۋ كىردى»، - دەيدى گەورگي دۋبوۆتسەۆ.

ونىڭ ويىنشا،ەلدىڭ سىرتقى ساياساتتاعى ۇستانىمى ۇلتتىق بيزنەسكە، ءاربىر ازاماتقا ناقتى پايدا اكەلۋى ءتيىس.

«تەڭگەرىمدى ءارى كوپۆەكتورلى سىرتقى ساياساتتىڭ ارقاسىندا قازاقستان الەمدە تانىمال مەملەكەتكە اينالدى. جاس مەملەكەتتىڭ بۇۇ، ەقىۇ، اوسشك، شىۇ، يىۇ جانە باسقا دا حالىقارالىق ۇيىمدارداعى ورنى مەن ءرولى جىل سايىن ارتىپ كەلەدى. بۇل رەتتە بەلسەندى سىرتقى ساياسي قىزمەت پەن كوپ دەڭگەيلى ديپلوماتيانى جۇزەگە اسىرۋ ءبىزدىڭ مەملەكەتىمىزدىڭ ءارى قاراي ىلگەرىلەۋىنىڭ جانە ۇلتتىق قاۋىپسىزدىكتى قامتاماسىز ەتۋدىڭ ماڭىزدى فاكتورى بولىپ تابىلادى. قازىرگى جاعدايدا حالىقارالىق قاتىناستار جۇيەسى تۇبەگەيلى جاڭارىپ، قاۋىپسىزدىكتىڭ بازالىق قاعيدالارى ايتارلىقتاي وزگەرىپ وتىر»، - دەپ دەيدى ساراپشى.

ونىڭ ايتۋىنشا، قازىرگى حالىقارالىق قاتىناس ايدىنىندا باسەكەلەستىك ارتىپ، كەيبىر مەملەكەتتەردىڭ الەمدىك ساياساتقا ۇستەمدىك ورناتۋعا دەگەن ۇمتىلىسى كۇشەيگەن. ونداي ەلدەر باسقا مەملەكەتتەردىڭ ەگەمەندىگىن ايتارلىقتاي شەكتەۋگە نيەتتى. مۇنداي ءۇردىس كەيبىر ەلدەردىڭ دەربەس سىرتقى ساياسي شەشىمدەر قابىلداۋىنا مۇمكىندىك بەرمەي وتىر.

«بىرىنشىدەن، الەمگە ىقپال ەتۋ ءۇشىن ىمىراسىز باسەكە ءجۇرىپ جاتىر. ول ءۇشىن اسكەري مۇمكىندىكتەن باستاپ بارلىق ارسەنال تارازىعا تۇسۋدە. ەكىنشىدەن، «قىرعي-قاباق سوعىس» جىلدارىنان كەيىن قابىلدانعان بارلىق حالىقارالىق-قۇقىقتىق نورمالاردان باس تارتۋعا، ءوزىنىڭ ۇلتتىق زاڭناماسىن حالىقارالىق قۇقىقتان ارتىق قويۋعا تالپىنىپ جاتقان ەلدەر بار. ۇشىنشىدەن، باسقا ەلدەردىڭ كەز كەلگەن دەربەستىگىن باسۋعا ۇمتىلىس سەزىلەدى. تورتىنشىدەن، وزگە مەملەكەتتەرگە ءوز ساياساتىن تاڭۋ ءۇشىن اسكەري كۇش قولدانۋعا دايىن ەكەندىكتەرىن اشىق كورسەتۋ بەلەڭ الىپ بارادى»، - دەپ تارازىلايدى ول.

ساراپشى حالىقارالىق جاعداي شيەلەنىسكەن تۇستا ەل باسشىلىعى جان-جاقتى سارالانعان ساياسات ۇستانىپ وتىر دەگەن پىكىردە. تمد، ەو ەلدەرىمەن، قىتايمەن، اقش-پەن جانە باسقا دا مەملەكەتتەرمەن ءوزارا قارىم-قاتىناستاردا تەڭگەرىمدى ساقتاۋ قازاقستاننىڭ ەگەمەندىگىن نىعايتۋعا مۇمكىندىك اشپاق.

«كوپجاقتى جانە ەكى جاقتى فورماتتا ىنتىماق اياسىن كەڭەيتۋ ۇستانىمى كوپتەگەن مەملەكەتتەرمەن سەنىمدى قارىم-قاتىناس ورناتۋعا ىقپال ەتتى. ءبىزدىڭ مەملەكەتىمىزدىڭ وسىنداي سالماقتى ۇستانىمى ايماقتىق تۇراقتىلىقتى قامتاماسىز ەتۋگە ىقپال ەتىپ وتىر»، - دەدى ول.

قسزي ساراپشىسىنىڭ پىكىرىنشە، جان-جاقتى ىنتىماققا باعىتتالعان وسىنداي سىرتقى ساياساتتىڭ ارقاسىندا قازاقستان ۇزاق ۋاقىت بويى قورعانىس شىعىندارىنان ايتارلىقتاي قاراجاتتى ۇنەمدەي الادى. بۇل ماقساتتارعا جالپى ىشكى ءونىمنىڭ شامامەن 1 پايىزىن عانا بولە وتىرىپ، ۇنەمدەلگەن قاراجاتتى ەلدىڭ سەرپىندى الەۋمەتتىك-ەكونوميكالىق دامۋىنا جۇمساۋ مۇمكىندىگى بار.

«ازيانىڭ ءبىرقاتار ايماقتارىندا، ونىڭ ىشىندە شەكارالاس ەلدەردە الەمدىك دەرجاۆالاردىڭ مۇددەلەر قاقتىعىسى ساقتالىپ وتىر. وڭىرلىك جانە جاھاندىق قاۋىپسىزدىكتىڭ جاڭا سىن-قاتەرلەرى تۋىنداعان جاعدايدا ولارعا قارسى جەدەل شارا قابىلداۋ تالابى تۋىنداۋى مۇمكىن»، - دەيدى گەورگي دۋبوۆتسەۆ.

«پرەزيدەنت ءوزىنىڭ سايلاۋالدى باعدارلاماسىن جۇزەگە اسىرۋ جونىندەگى ءىس-قيمىل جوسپارىن ارنايى جارلىقپەن بەكىتتى. سول قۇجات اياسىندا ەلىمىزدىڭ سىرتقى ساياساتىنىڭ جاڭا تۇجىرىمداماسىن قابىلداۋ كوزدەلگەن. جاڭارتىلعان تۇجىرىمداما تۇڭعىش پرەزيدەنت - ەلباسى نۇرسۇلتان نازارباەۆتىڭ كوپۆەكتورلى، تەڭگەرىمدى سىرتقى ساياساتىن جالعاستىرۋدى قامتاماسىز ەتۋى ءتيىس. ياعني، ءبىزدىڭ مەملەكەتىمىزدىڭ نەگىزگى سىرتقى ساياسي كۇش-جىگەرى ۇلتتىق قاۋىپسىزدىكتى، ەلدىڭ ەگەمەندىگى مەن اۋماقتىق تۇتاستىعىن جان-جاقتى قامتاماسىز ەتۋگە، بەيبىتشىلىكتى، وڭىرلىك جانە جاھاندىق قاۋىپسىزدىكتى نىعايتۋعا شوعىرلاناتىن بولادى»، - دەگەن ساراپشى سىرتقى ساياساتتىڭ جاڭا تۇجىرىمداماسى بۇۇ، ەقىۇ، شىۇ جانە باسقا دا حالىقارالىق ۇيىمداردىڭ ءتۇرلى قۇرىلىمدارى مەن ينستيتۋتتارىندا قازاقستاندىق باستامالاردى ىلگەرىلەتۋگە ىقپال ەتەتىنىن جەتكىزدى.


كەلۋ قاينارى: http://www.elarna.net/koru.php?tur=3&id=1022389

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


باس پروكۋراتۋرا قازاقست 3 مينوت
بيىل ماڭعىستاۋعا 2137 ق 6 مينوت
ن.نازارباەۆ: بىرلىكتىڭ 18 مينوت
中国哈萨克语广播网 18 مينوت
نەپالدا اۆتوبۋس قۇزدان 27 مينوت
الماتىنىڭ اتاۋى وزگەرە 1 ساعات
中国哈萨克语广播网 1 ساعات
اللانىڭ كوركەم ەسىمدەرى 1 ساعات
ەلىمىزدە وبلىستىق تىلدە 1 ساعات
الماتىلىقتار سۇلتان سار 1 ساعات
كوكشەتاۋلىق بي جۇبى حال 1 ساعات
الەمنىڭ ەڭ سۇلۋ ارۋى كى 1 ساعات
زاڭسىز ميتينگ: باس پروك 1 ساعات
中国哈萨克语广播网 1 ساعات
قر پرەزيدەنتىنىڭ كەڭەسش 1 ساعات
الماتىلىقتار سۇلتان سار 1 ساعات
قاسىم-جومارت توقاەۆ «مە 2 ساعات
400 كاۋاپ تاراتىلدى (فو 2 ساعات
وسى ارانى باسىپ كورىڭىز 2 ساعات
ەرلان قارين الماتى اتاۋ 2 ساعات
قازاقستاندىق ەكسپورتتاۋ 2 ساعات
وسى ارانى باسىپ كورىڭىز 2 ساعات
اقتوبەدە قازاق كۇرەسىنە 2 ساعات
ەرجان ماكسيم باكۋدە ونە 2 ساعات
تاۋەلسىزدىك كۇنى قارساڭ 2 ساعات
الماتىلىقتار سۇلتان سار 2 ساعات
وزبەكستانداعى 1 ميلليون 3 ساعات
سوڭعى حات - قايرات رىسق 3 ساعات
مەملەكەت باسشىسى «مەن ق 3 ساعات
وسى ارانى باسىپ كورىڭىز 3 ساعات