ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-07-20447195040 %60 %
2019-07-21488310821 %79 %
2019-07-2215349228 %72 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ماسساگەت ماقالالارى

جولدانعان ۋاقىتى: 15:35 - 2019/07/12

اسحات قاسەنعالي. جۇماقتا تۋعان جىگىت ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمىز! بىزگە قوسىل!


اسحات قاسەنعالي. جۇماقتا تۋعان جىگىت

ەلدىڭ ەرتەڭى سانالاتىن تالانتتى جاستاردى قولداۋ، جاس قالامگەرلەردىڭ شىعارمالارىن ناسيحاتتاۋ ماقساتىندا Massaget.kz پورتالى"وتانىم، ساعان ايتامىن"اتتى پروزالىق ونلاين-بايقاۋىن جاريالاعان بولاتىن.بايقاۋ ERG كومپانياسىنىڭ قولداۋىمەن ءوتىپ جاتىر. نازارلارىڭىزعا بايقاۋدىڭ كەزەكتى قاتىسۋشىسى اسحات قاسەنعاليدىڭ شىعارماسىن ۇسىنامىز.

1993 جىلى شقو، ۇرجار اۋدانىندا دۇنيەگە كەلگەن. 2011-2015 جالدارى ساياساتتانۋ، 2017-2019 جىلدارى تاريح ماماندىعى بويىنشا ءبىلىم العان. الماتى قالاسىنداعى "جاستار ءۇنى" ۇيىمىندا قىزمەت ەتەدى.
***
اۋىلىمدى ساعىندىم. بارماعالى ءبىراز جىلدىڭ ءجۇزى بوپتى. تۋعان جەردىڭ توپىراعىنا تابانىم تيمەگەنىنە ءتورت جىل. ىشتەي وزىمنەن، قارت تارباعاتاي مەن ادۋىندى الاكولدەن ۇيالىپ ءجۇرمىن. بالالىق شاقتا توپىراعىنا اۋناپ، ساف اۋاسىن جۇتقان قاسيەتتى مەكەنىم "مەنى ۇمىتتى ما؟" دەپ كەيىپ جاتقان بولار. ءجون-اق.

سۇراعانعا تىلەگەن. تەلەفونداعى كەلەسى اۋەن سايكەستىكتەن بە، ايتەۋىر ىشكى كوڭىل كۇيمەن استاسىپ شىقتى. قۇلاققاپتا:
"اۋىلىم، اڭسادىم،
اپپاق تاڭىڭدى.
تۇنىق كەشىڭدى، الما باعىڭدى
وزىڭە بارىپ، قۋىپ ساعىمدى،
ىزدەيمىن بالا، بالعىن شاعىمدى"، – دەپ جۇبانىش ءان سالىپ جاتىر. جۇبانىشتىڭ ءانى جانعا جۇبانىش.

مەنىڭ تۋعان ولكەم جايلى سىزگە ءبىر سىر شەرتەيىن. وقي وتىرىڭىز. 1993 جىلدىڭ ساۋىرىندە دۇنيە ەسىگىن 9 ايلىق قۇرساق دەگەن "جۇماقتان"، ۇرجار دەگەن ء"جانناتقا" اۋىستىرىپپىن. ءيا، مەن جۇماقتا تۋعان بالامىن. اسان قايعى ۇرجاردى كورسە، جەرۇيىقتى ىزدەمەس بولار. جەر ءجانناتتى وسى ەكەن دەپ، جەلماياسىن ءبىر سيپاپ، جالعاندى جالپاعىنان باسار ەدى. ويتكەنى ۇرجار راسىمەندە جەردىڭ جۇماعى. تارباعاتايدىڭ كۇنگەيىن قۇشاقتاي ورنالاسقان بۇل مەكەننىڭ شىعىسىن الاكولدىڭ تولقىندارى شايىپ جاتىر. ۇرجار. اتاۋدىڭ دا شىعۋ تەگى قىزىق ءارى جۇمباق. ءبىر دەرەكتە ول ء"ۇرىپ اۋىزعا سالعانداي ادەمى" دەگەن ماعىنانى بىلدىرەدى دەسە، ەندى ءبىر دەرەكتە "جاۋگەرشىلىك زاماندا ۇرى-قارى جارىنا كوپ تىعىلىپ، مايدان سالعان" دەسەدى. ءار اڭىزدىڭ ءبىر شىندىعى بار. سوندىقتان قوس اتاۋدىڭ قايسىسى دۇرىس دەپ باس قاتىرمايمىز، ەكەۋى دە بىردەي وتىرىك ءھام بىردەي شىن.

ۇرجاردىڭ بويى تولعان تاريح. توپىراعى تۇركىلەردىڭ جورىعىن، تاسى قازاق-قالماق سوعىسىن، اعاشى اق پەن قىزىل اتىسىن ايتىپ بەرەدى. بۇل ولكەنىڭ توپىراعىنان قابانبايداي ەر تۇلەپ شىعىپ، جاۋىنىڭ جاعىن، جىلقىنىڭ جالىن سان مارتە ايىرعان دەيدى قارت تاريح. "تالاسقا تۇسسە جان مەن تۋ، جان ەمەس ماعان كەرەگى" دەگەن ءسوزدى شىنايى ىسكە اسىرعان قازىمبەت باتىر دا وسى ولكەدە جان بەرگەن. "تۋ تۇبىندە تۋلاپ ولگەن قازىمبەت" دەگەن ءسوز سودان قالعان. انەۋ ءدوڭ باسىندا نايزا الىپ، شىعىسقا قاراپ تۇرعان سول بابامىزدىڭ ەسكەرتكىشى.

ەرەۋىل اتقا ەر سالعان، ەگەۋلى نايزا قولعا العان سان باتىر جانىنىڭ جاراسىن ۇرجاردى قورعاپ، ءتانىنىڭ جاراسىن الاكولگە شايىپ جازىپتى دەسەدى. جوڭعارمەن جاعا جىرتىسقان قاندى جىلداردىڭ ەستەلىگى كوپ مۇندا. تارباعاتايدىڭ ءوزى "سۋىرلى تاۋ" دەپ اتاعان قالماق ءسوزى. سودان-اق باعامداي بەرىڭىز.

ۋاقىت ءوتىپ، زامان زىمىراپ جاتىر. كەيىن ورىستىڭ وزبىر وتارلاۋىن، وعان قارسى اقبەرەن الىپ، اتقا قونعان كوتەرلىستەردى، اق پەن قىزىل اتىسقان قاندى جىلداردى، اننەنكوۆتىڭ ۇرجار ماڭىندا جان قالدىرماي قىرعىن سالعانىن، اشارشىلىقتا قىتاي اسىپ، بوسىپ كەتكەن حالىقتى كورگەن ولكەنىڭ تاريحي قاندى ءارى ءماندى.

سوڭعى جىلدارى ۇرجاردىڭ تاريحىن زەرتتەۋ ۇلكەن قارقىنعا يە بولدى. 2013 جىلى ۇرجار ماڭىنان ساق پاتشايىمىنىڭ قورىمى تابىلدى. كەزەكتى "التىن ادامنىڭ" تابىلۋىن جارىسا جازىپ، جار سالدىق. ب.ز.د 4 عاسىردا بۇل ولكەدە ماسساگەتتىڭ پاتشايىمى بيلىك ەتكەن دەسەدى. تابىلعان پاتشايىمدى "ۇرجار حانشايىمى" دەپ اتادى.

بۇل ولكەدە تالاي سىردى بۇگىپ، تالاي وقيعانىڭ كۋاسى بولعان، ءوزىنىڭ اشىلۋ ءساتىن، تانىلار ۋاقىتىن كۇتىپ جاتقان جادىگەرلەر كوپ-اق. "نايمان قالا" اتانعان ءىرى قامالدىڭ ورنى جاتىر، ءبىراق زەرتتەۋشى مەن ارحەولوگتى كۇتە-كۇتە ءوزى دە شارشاعان سىڭايلى. "كەلسە كەلسىن، كەلمەسە ۋاقىت جۇتىپ، جوق بولايىن" دەپ جاتقان سىڭايلى. تارباعاتايدان تومەن تىزىلگەن بال-بال تاستاردا دا تالاي سىر بار. ءار تاسقا سالىنعان تاس ءداۋىرىنىڭ سۋرەتتەرى ءبىر ءىرى عىلىمي زەرتتەۋگە ارقا بولارلىقتاي. نەاندەرتالدىقتار ھomosapiensتەر وزدەرىن زەرتتەۋدى ۇمىتىپ كەتەرىن بىلمەگەن-اۋ. بۇل مەنىڭ ولكەمنىڭ تاريحى تەرەڭ، اشىلماعان سىر ساندىق ەكەنىن ايشىقتاپ تۇر. كەلەشەك ۇرپاق ارتقا ءبىر قاراپ، تاريح ساعىمىندا جويىلىپ بارا جاتقان بۇل جادىگەرلەردى قاستەرلەپ، زەرتتەر دەگەن ءۇمىتىم بار.

2011 جىلى وسى ولكەدەن ارمان قۋىپ، الماتىعا كەلدىك. ءتانىمىز قوناەۆتىڭ قالاسىندا بولعانىمەن، جانىمىز قابانبايدىڭ دالاسىندا. ەسسەنى جازىپ وتىرىپ، ىشتەي تۋعان جەرگە ساياحات جاساپ كەتتىم. كولىگىم - سانام.

انام مىنا جەرگە قىزعالداق ەگەتىن، اكەم كوكتەمدە قارا اعاشقا ۇيا ورناتاتىن. انا وردە العاش ۆەلوسيپەد ۇيرەنگەن ەدىم. مىنا ۇيدە باقىتتى بالالىقتىڭ بال شاقتارى قالعان. انوۋ قورانىڭ توبەسىندە كوگەرشىن اسىراپ، "قۇسبەگى" بولعام. قىزارىپ تۇرعان مىنا قىزعالداقتار مەن اكتەلگەن جەمىس اعاشتارىندا انامنىڭ جاستىق شاعى بار. ال مىنا اعىپ جاتقان وزەنگە اكەم اعام ەكەۋمىزدى بالىققا اپاراتىن. اعام...

بۇل ولكەنى شەكسىز ءسۇيۋدىڭ تاعى ءبىر سەبەبى ول مەنىڭ اعام. اناۋ قىردا تومپايىپ جاتقان قارا ءقابىر بىرەۋ ءۇشىن ءجاي تومپەشىك بولسا دا، مەن ءۇشىن ول وسى ولكەگە ۇنەمى ورالۋدىڭ باستى سەبەبى. وندا مەنىڭ اسىل اعام جاتىر. ول ۇرجاردى شەكسىز جاقسى كورەتىن. ونىڭ اۋاسىن، تابيعاتىن، تاۋىن، سۋىن، نۋىن. "بۇل ولكەدەن ەشقاشان كەتپەيمىن" دەۋشى ەدى. سوندىقتان دا بولار، وسىندا ماڭگى قالدى. ءسويتىپ مەنىڭ جۇرەگىمدى وسى ماڭعا ماڭگى بايلاپ تاستادى.

"تۋعان جەر" دەگەندە تابيعاتىن سۋرەتتەيتىن سالت بار. ءبىراق مەن ءۇشىن تۋعان جەر تەك تابيعات ەمەس، ول تاريح، ساعىنىش، ەموتسيا. ۇرجاردىڭ تابيعاتىن بىلگىڭىز كەلسە، ەل اراسىندا ونى "ەكىنشى شۆەيتساريا" دەپ اتايتىنىن ايتقىم كەلەدى. وسىدان-اق قانداي سۇلۋ، كوركەم ەكەنىن باعامداي بەرىڭىز.

"سەنىڭ ءۇيىڭ سەن تۇرىپ جاتقان مەكەن ەمەس، سەن ورالعىڭ كەلەتىن مەكەن" دەگەن ءسوز بار. وتاننىڭ ىشىندە وتان بولادى. كىشى وتان. ول ءار قازاق ءۇشىن ءقادىرلى ءارى قاستەرلى. مەن سىزگە بۇگىن ءوز ولكەم جايلى ءبىر سەزىمىمدى جازدىم. جەتكىزە السام قۋانىش، جەتپەي قالسا وزىمە دەگەن رەنىش.

بىز جەردەگى جۇماق جايلى كوپ ايتامىز. "ەڭ كەرەمەت جەر قايسى" دەپ باس قاتىرامىز. ءبىر دۇنيەنى ءتۇسىنۋ كەرەك. جۇماق ءار ۇلت ءۇشىن ءار قيلى. ارابقا سۋسىز بولسا دا ءشولى جۇماق، اۆارعا جەرسىز بولسا دا تاۋى ءجاننات. ال قازاققا سايىن دالاسى، تۋعان جەرى، اتاسىنىڭ قىزىل قانى توگىلگەن، باباسىنىڭ قارا تەرى سىڭگەن ولكەسى ىستىق. جۇماق دەگەن سەنىڭ جانىڭ تىنىشتىق تاۋىپ، كۇيبەڭ تىرلىكتى ءبىر ۇمىتىپ، بالعىن بالالىققا ءبىر ساياحات جاسايتىن قاسيەتتى مەكەن. دەمەك، ءار ادامنىڭ ءوز تۋعان جەرى ونىڭ جەرۇيىعى. سوندىقتان مەن سەنىمدى تۇردە "جۇماقتا تۋعان جىگىتپىن" دەپ ايتا الامىن!



كەلۋ قاينارى: http://www.elarna.net/koru.php?tur=41&id=1022336

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


قر پرەزيدەنتى قىسقامەرز 2 مينوت
وسى ارانى باسىپ كورىڭىز 4 مينوت
السەيىت اقپانبەتۇلى | 14 مينوت
تيانشان تورى 14 مينوت
قازاقستانداعى ءداستۇرلى 14 مينوت
وسى ارانى باسىپ كورىڭىز 14 مينوت
يران: انگليانىڭ مۇناي ك 14 مينوت
پاكىستاندا لاڭكەستىك شا 1 ساعات
قۋلىق-سۇمدىقپەن شۇعىلدا 1 ساعات
3 مىڭ گەكتار ورمان وتقا 1 ساعات
وسى ارانى باسىپ كورىڭىز 1 ساعات
22 شىلدە: تۋعان كۇن يەل 1 ساعات
شىمكەنتتە ءتۇرلى مەديتس 1 ساعات
سىرتقى ىستەر مينيسترلىگ 1 ساعات
وسى ارانى باسىپ كورىڭىز 1 ساعات
كانادادا شاعىن ۇشاق وزە 2 ساعات
يتاليا بىرلەسكەن ۇكىمەت 2 ساعات
كانادادا شاعىن ۇشاق وزە 2 ساعات
22 شىلدە. قازاقپارات كۇ 2 ساعات
مەملەكەتتىك كەڭەستىڭ اق 2 ساعات
يمامدارعا تەمەكى شەگۋگە 3 ساعات
ەلىمىزدىڭ ءبىر قالاسىند 3 ساعات
افريكا كۋبوگىنىڭ ۇزدىكت 3 ساعات
شياڭگاڭداعى ٴار سالا قا 3 ساعات
جۇڭگو ەكونوميكاسى ورنىق 3 ساعات
جۇڭگونىڭ ٴدىن سالاسىندا 4 ساعات
جۇڭگوعا كەلىپ وقۋعا قات 4 ساعات
زەكەت قورى: وڭىرلەردەگى 4 ساعات
جۋحاي قالاسى مەن اۋمىن 5 ساعات
قىزىلوردادا اسىق اتۋ سپ 5 ساعات