ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-07-15525205545 %55 %
2019-07-16613359642 %58 %
2019-07-17303105932 %68 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاقستان «سۇننەت» اقپاراتتارى

جولدانعان ۋاقىتى: 00:50 - 2019/07/12

ءدىني ءبىلىمدى شەت ەلدەن الۋدىڭ قاجەتى قانشا؟! - Sunna.kz

ادامزات بالاسى پايدا بولعاننان بۇگىنگى كۇنگە دەيىن قانشاما كەزەڭدەر ءوتىپ، زامان جاڭا وزگەرىستەرگە بەت بۇرىپ جاتسا دا ء«بىلىم» ءوزىنىڭ وزەكتىلىگىن ەش داۋىردە جوعالتقان ەمەس. حاكىم اباي «اللادان قورىق، ادامنان ۇيال، بالام بالا بولسىن دەسەڭ – وقىت، مالدى اياما» – دەگەن ەكەن. ەلىمىز تاۋەلسىزدىككە قول جەتكىزگەن ۋاقىتتا ءبىزدىڭ الدىمىزعا قويىلعان نەگىزگى تالاپتاردىڭ ءبىرى – بىلىكتى كادرلار مەن وزىق ۇلگىدەگى ءتۇرلى سالا ماماندارىن دايارلاۋ ماسەلەسى تۇردى. مۇنىڭ ىشىندە ءدىن سالاسى دا بار. ەگەمەندىكتىڭ العاشقى جىلدارىندا ءدىن سالاسىندا شەت ەلدەردە وقۋعا قىزىعۋشىلار ازشىلىقتى قۇراعان بولسا، قازىرگى كەزدە كوپتەگەن جاستار شەت ەلدەردىڭ ءدىني وقۋ ورىندارىندا ءبىلىم الۋدى قۇپتايدى. شەت ەلگە شاپقىلاعان جاستار مەن ءداستۇرلى ءدىننىڭ وقىتىلۋى جايلى ءدىنتانۋشى ءمادي بەسباەۆتى اڭگىمەگە تارتقان دەدىك.

كەز كەلگەن مەملەكەتتىڭ وزىنە ءتان ادەپ-عۇرپى مەن سالت-داستۇرلەرى، مەملەكەتتىك قۇرىلىمى مەن قالىپتاسقان قوعامدىق قارىم-قاتىناستار جۇيەسى بار. جات جەردە ءدىني ءبىلىم الۋدىڭ ارتىقشىدىعى بار ما؟

– بۇگىندە ءوزىنىڭ بولاشاعىنا ۇلكەن سەنىممەن قارايتىن جاستار شەتەلدەردە ءبىلىم الۋدى، وتانىنا، ەلىنە قاجەتتى ماماندىقتاردى يگەرۋدى جانە باسقا ەلدەردەن وڭ تاجىريبە جيناۋعا دەگەن قۇشتارلىعىن قۇپ­تايدى. قازىرگى كۇندە ءبىزدىڭ ەلىمىزدە جاستاردىڭ «بولا­شاق» مەملەكەتتىك باعدارلاماسى اياسىندا جانە سونىمەن قاتار، ءارتۇرلى گرانتتار مەن اتا-انالارىنىڭ جەكە قاراجاتى ەسەبىنەن  شەتەلدەردە ءبىلىم الۋىنا بارلىق جاعدايلار جاسالعان. كوپقىرلى ماماندىق يگەرۋدە قازىردە  اراب ەلدەرى مەن تۇركيا، پاكىستان جانە ت.ب. مەملەكەتتەردەن جاستارىمىز ءدىني ءبىلىم الىپ كەلۋدە. اراب مەملەكەتتەرى مەن ازيانىڭ كەيبىر جانە تاياۋ شىعىس ەلدەرىندە جاعداي  مەزگىل سايىن تەز وزگەرىسكە ءتۇسىپ وتىرادى جانە كوپ جاعدايدا ءدىني فاكتور باسىمدىققا يە.

رەسمي تۇردە ءبىلىم الۋعا تىيىم سالىنعان ەلدەر بار ما جانە قاي مەملەكەتتىڭ ءدىني ءبىلىم جۇيەسى ساپالى؟

– وكىنىشكە قاراي، كەيبىر مەملەكەتتەردە، اتاپ ايتقاندا، بۇدان بىرنەشە عاسىر الدىن عىلىم مەن ءبىلىمنىڭ ورداسى سانالعان يراك پەن سيريا سەكىلدى مەملەكەتتەردىڭ بۇگىندە جاي-كۇيى بارشامىزعا ءمالىم. ال، ءوزىنىڭ ء«ال-ازحار» ۋنيۆەرسيتەتىمەن الەمگە تانىمال مىسىر ەلىندە، سونداي-اق، تۇركيا رەسپۋبليكاسىندا دا ءدىن اتىن جامىلعان كەيبىر توپتاردىڭ ساياسي ماقساتتا مەمەلەكەتتىك بيلىككە ءقاۋىپ توندىرگەنىن اتا-انالار مەن ءدىني ءبىلىم الۋعا قىزىعۋشىلىق تانىتىپ وتىرعان جاستار ەسكەرگەنى ابزال. تاياۋ شىعىس ەلدەرىندە سوڭعى جىلدارداعى ءارتۇرلى ءدىني اعىمداردىڭ بەلسەندىلىگى تىپتەن ارتۋىمەن، ءدىنارالىق قاقتىعىستاردىڭ بەلەڭ الۋىمەن جانە ەكسترەميستىك، سونداي-اق، تەرروريستىك ۇيىمداردىڭ اشىق نارازىلىققا شىعۋىمەن قوعامدىق-ساياسي جانە ءدىني احۋال كۇرت كۇردەلەنىپ كەتتى. بۇعان قوسا، قازىرگى كۇندە  ءارتۇرلى جالعان جانە دەسترۋكتيۆتى ۇيىمداردىڭ قىزمەتى اشىق جۇرگىزىلىپ، ولار باسقا ەلدەردەن ءبىلىم الۋ ماقساتىمەن كەلگەن شەتەل ازاماتتارى ارقىلى ءوز قا­تا­ر­لارىن تولىقتىرۋدى كوز­دەي­دى.

جوعارى وقۋعا ءتۇسۋ ماقساتىمەن شەتەلگە شىعۋ الدىندا ءار ازامات تاڭداعان وقۋ ورنىنىڭ رەسمي سايتتارىنان مالىمەت الاتىندىعى ءسوزسسىز. دەيتۇرعانمەنەن دە، شەتەلدە ءدىني ءبىلىم الۋ ءۇشىن قانداي العى شارتتارعا نازار اۋدارۋ كەرەك؟

– ەل ازاماتتارى وزدەرىنىڭ بولاشاق ءبىلىم الاتىن ەلىن تاڭداۋ بارىسىندا سول مەملەكەتتىڭ قوعامدىق-ساياسي جانە ءدىني احۋالى تۋرالى وي ءتۇيىپ، ونىڭ تاريحىن، مادەنيەتىن، ءدىنى مەن ءدىلىن ءبىلىپ العانى ءجون. وكىنىشكە قاراي، كوپتەگەن اتا-انا شەتەلدەردە ءبىلىم الۋدىڭ كەيبىر تۇستارىنا مۇقيات نازار اۋدارماس­تان،  ءوز بالالارىنىڭ  باسقا ەلدەردە وقۋىن قۋانا قۇپتايدى. ولار بالالارى ءبىلىم العىسى كەلگەن ەلدىڭ ىڭعايىنا بەيىمدەلۋى ءۇشىن ۋاقىت كەرەك ەكەنىن، باسقا مادەنيەت پەن وزگە مەنتاليتەتتەگى ادامدارمەن قاتار ءومىر ءسۇرىپ، ارالاساتىنىن بىلۋلەرى ءتيىس. قيىندىقتاردىڭ باسقا دا جاعى جوق ەمەس. شەتەلگە ءبىلىم الۋعا كەتكەن جاستارىمىزدىڭ بەس نەمەسە ودان دا كوپ جىل وتكەن سوڭ قازاقستانعا قايتا ورالۋى كەزىندە كۇتپەگەن جاعدايلار ورىن الۋى مۇمكىن. ەلگە قايتقان جاستار مۇنداعى قوعامعا قايتا ۇيرەنىسۋى قاجەت، باسەكەگە قابىلەتتى جۇمىس تاۋىپ، تۋعان توپىراقتىڭ يگىلىگى ءۇشىن وزگەلەرمەن قاتار قىزمەت ەتۋى كەرەك. اتالعان جاعدايدىڭ بارىندە دە اتا-انا كومەگىنىڭ ماڭىزى وتە جوعارى.

مۇسىلمان ءدىني ءبىلىمىن الۋعا نيەتتى ازاماتتار قازاقستان مۇسىلماندارى ءدىني باسقارماسىمەن الدىن الا كەڭەس الۋعا تىرىسادى.  شەتەلگە ءدىني ءبىلىم الۋعا باراتىن قازاقستاندىق جاستار قانداي جاعدايلارعا تاپ بولۋى مۇمكىن. وسى جايلى تولىعىراق ايتىپ كەتسەڭىز؟

– قازاقستان شەكارا اۋماعىنان تىس جەرلەردە جانە شەتەل مەملەكەتتەردە ءبىلىم العىسى كەرەتىن جاستار مەن ولاردىڭ اتا-اناسىنا اسىقپاي زەرتتەپ سارالاپ بارىپ شەشىم قابىلداۋلارىن وتىنەر ەدىم.

بىرىنشىدەن، سول ءبىلىم الۋعا بارعان ەلدە نەمەسە وقۋ ورداسىن­دا جات ءدىننىڭ ىقپالىنا ءتۇسۋ ءقاۋ­پى. ادەتتە، ادام مۇنداي كەلەڭ­سىز­دىك­تەر­گە اتى بەيمالىم ۇيىمدار، با­ۋىر­لاستىق، دوستىق اتىن جامىلعان ءتۇرلى ءدىني قاۋىمداستىقتار مەن حۇجىرالاردىڭ تاراپىنان قارجىلاي كومەك الاتىن ءتۇرلى شەت تىلدەرىن ۇيرەتۋ ورتالىقتارىنا قاتىسۋ، مەملەكەت باقىلاۋىنان تىس عيبادات ەتۋ ورىندارىن ارالاۋ، بەلگىسىز ءدىن ليدەرلەرىنىڭ جەكە ساباقتارى مەن دارىستەرىن تىڭداۋعا ەرىكسىز تاپ بولۋى مۇمكىن.

ەكىنشىدەن، بالاڭىز شەتەلدە ءدىني ءبىلىم الاتىن بولسا، وندا اتا-انا بالاسىنىڭ قانداي ءدىني مەكە­مەدە نەمەسە ءدىني ورتالىقتا وقىپ جات­قانىن ءبىلۋى كەرەك.  مۇمكىندىگىنشە ءجيى باقى­لاۋدا ۇستاپ،  بالالارىنىڭ رەسمي مەدرەسەلەر مەن جوعارى وقۋ ورىندارى قابىرعاسىندا وقىپ جات­قانىن انىقتاعانى ءجون. سونداي-اق، بەلگىسىز «حۇجىرالار» مەن «ماركازدارعا» ء(دىني ورتالىقتار) بايقاماي ءتۇسىپ كەت­پەۋىن دە ءجىتى قاداعالاپ وتىرعانى ابزال. جانە بالالارىنىڭ بوس ۋاقىتىن قالاي جانە كىممەن وتكىزەتىنى اسا ماڭىزدى.

ۇشىنشىدەن، اتا-انالار مەن جاس­تار شەتەلدىڭ كەيبىر ءدىني ۇيىمدارى اتتارىن ءارتۇرلى زايىرلى نەمە­سە رەسمي اتاۋلارمەن جاسىراتىنىن بىلۋلەرى كەرەك. مىسالعا، اعىلشىن نەمەسە اراب تىلدەرىن، بيزنەس جۇرگىزۋ نەگىزدەرىن تەگىن ۇيرەتۋ كۋرستارى، ءوزىن ءوزى دامىتۋ، تانىمال پسيحولوگيا، شەشەندىك ونەر كۋرستارىنىڭ ارتىندا شەتەلدىك ازاماتتاردى ارباۋمەن اينالىساتىن دەسترۋكتيۆتى ۇيىمدار تۇرۋى مۇمكىن. بارلىق اتالعان فاكتورلار دەس­ترۋك­تيۆتى، سونىڭ ىشىندە ءدىني يدەيا­لار مەن كوزقاراستاردىڭ ەلىمىزگە ەنۋى مەن تارالۋ ءقاۋپىن تۋدىراتىنىن ەستەن شىعارماعان ءجون. ولار ءدىندارلارىمىزدىڭ اراسىندا وي مەن كوزقاراس قاقتىعىستارىنىڭ، قوعامىمىزدىڭ ازاماتتىق، الەۋ­مەتتىك-ەكونوميكالىق جانە مورال­دىق-ەتيكالىق ءومىر ءسۇرۋ ايالارىندا تەرىس قوعامدىق كوزقاراستىڭ تۋىنداپ، دامۋىنا اسەر ەتۋى ىقتيمال.

شەتەلدە ءداستۇرلى ەمەس ءدىني اعىمداردىڭ ارباۋىنا ءتۇسىپ قالعان ازاماتتار مەن ولاردىڭ اتا-انالارىنا قانداي كەڭەس بەرەر ەدىڭىز؟

– بۇل سۇراعىڭىزعا قۇزىرلى ورعاندار ناقتى جاۋاپ بەرە الادى. مىسالى سىرتقى ىستەر مينيستىرلىگىندە وسى سەكىلدى جانە ءدىني سالامەن اينالىساتىن ارنايى ءبولىم جۇمىس اتقارادى. ارينە، ءبىزدى دە قاتتى تولعاندىرادى، ءارى شەتەلدەگى ازاماتتارىمىزدىڭ قاۋىپسىزدىك شارالارىن تەرەڭ زەرتتەۋگە ماجبۇرلەيدى. قازاقستان رەسپۋبليكاسى كونس­تيتۋتسياسىنىڭ 11-بابىنا سايكەس، مەملەكەتىمىز ءوز ازاماتتارىنىڭ قور­­عانىسى مەن قامقورلىعىن ەل شەك­ا­­راسىنان تىس جەرلەردە دە قام­تا­ما­سىز ەتەتىنى بەلگىلى. سون­دىق­تان، ەلى­مىزدىڭ مەملەكەتتىك ورگان­دارى قا­زاق­ستاندىقتاردى شەت مەملە­كەت­تەردەگى ءتۇرلى داۋلى جاعدايلارعا نەمەسە جات ءدىننىڭ يدەولوگيالىق ارباۋىنا ءتۇسۋ جولدارىنان شەتتەتۋگە بار كۇش-جىگەرىن جۇمساپ وتىر. الايدا، مۇنداي جاعدايلاردىڭ الدىن الۋدا اتا-انالار مەن ستۋدەنتتەردىڭ ءرولى ەرەكشە ەكەنىن تاعى دا اتاپ ءوتۋ كەرەك. وسىعان وراي قر ءدىن ىستەرى جانە ازاماتتىق قوعام مينيسترلىگى ءدىن ىستەرى كوميتەتىنىڭ ارنايى شىعارعان 11 ەرەجەدەن تۇراتىن «قر شەت ەلدەرگە وقۋعا كەتەتىن ازاماتتارىنا ارنالعان ءدىن ماسەلەلەرى جونىندەگى جادىناماسىمەن» تانىسىپ شىققاندارى دۇرىس دەپ ەسەپتەيمىز.

تاۋەلسىزدىك العانىمىزعا شيرەك عاسىردان اسىپ كەتتى. بارلىق سالادا ەتەك جەڭىمىزدى جيراپ دامۋ باعىتىندا ايتارلىقتاي قىزمەت اتقارىلىپ كەلەدى. وتاندىق ءداستۇرلى ءدىني اعارتۋ ورتالىقتارى اشىلعانىن اقپارات كوزدەرىنەن ەستىپ جاتامىز. شەتەلدەن ىزدەنەن ءدىني ءبىلىمدى ءوز ەلىمىزدە الۋعا قانشالىقتى مۇمكىنشىلىك بار جانە جاعداي جاسالعان با؟

– ەلىمىزدىڭ جاستارى قازىرگى تاڭدا ءدىني ءبىلىمدى رەسمي وتان­دىق ءدىني وقۋ ورىندارىندا الۋعا بولادى جانە ءبىلىم ساپاسى دا شەتەلدەن كەم ەمەس. اتا-انالار مەن ستۋدەنت­تەر ساپالى ءدىني ءبىلىم الۋ ءۇشىن قازاقستاننىڭ دا مۇمكىندىكتەرى جوعارى ەكەنىن بىلۋلەرى كەرەك. بۇگىنگى كۇنى قازاقستان مۇسىلماندارى ءدىني باسقارماسىسىنا قاراستى ءبىر يسلام ۋنيۆەرسيتەتى مەن توعىز مەدرەسە جۇمىس ىستەيدى. پرەزيدەنتىمىز ءن.ا. نازارباەۆ ەلدىڭ قيىن ەكونوميكالىق جاع­داي­لارىنا قاراماستان، الماتىدا «نۇر مۇباراك» ەگيپەت يسلام مادەنيەتى ۋنيۆەرسيتەتىن اشقىزدى. العاش قۇرىلعان جىلدان قازىرگى كەزگە دەيىن ۋنيۆەرسيتەت ەلدىڭ بەلدى ءدىني وقۋ ورداسىنا اينالىپ ۇلگەردى. بۇگىندە اتالعان ءبىلىم وشاعى قازىرگى كۇننىڭ تالاپتارىنا جاۋاپ بەرەتىن جوعارى ءبىلىمدى ءارى بىلىكتى ءدىنتانۋشى، يسلامتانۋشى، اراب جانە اعىلشىن تىلدەرىنىڭ اۋدارماشىسى ماماندارىن دايارلاۋمەن اينالىسادى. قازىرگى كەزدە ەلىمىزدە 9 مەدرەسە، سونىڭ ىشىندە 5 مەدرەسە-كوللەدج جۇمىس جاساۋدا. ساپالى مامان دايارلاۋ ماقساتىندا تۇركىستان وبلىسىنداعى «شىمكەنت» مەدرەسە-كوللەدجى مەن «سارىاعاش» مەدرەسە-كوللەدجىنە جىلىنا 175 گرانت بولىنۋدە. وسى وقۋ ورىندارىنداعى بارلىق ءدىني، سونداي-اق، زايىرلى پاندەردى وقىتۋ باعدارلامالارى ءبىلىم جانە عىلىم مينيسترلىگىنىڭ تالاپتارىنا سايكەس دايىندالعان.

شەتەلدىڭ ءدىني ساۋاتىن بويىنا ءسىڭىرىپ وتانعا ورلاعان جاستارمەن جۇمىس جاسالا ما؟

– بۇگىندە مەملەكەت پەن وتاندىق وقۋ ورىندارىنىڭ تاراپىنان شەت­ەلدىڭ ءدىني وقۋ ورىندارىنان وتانعا قايتىپ ورالعان قازاقستاندىق ستۋ­­دەنت­تەردىڭ ءدىني بىلىمدەرىن جال­عاس­­تىر­ۋىن قام­­تاماسىز ەتۋ ءۇشىن بىر­­­لەس­كەن شا­رالار قولعا الىنىپ وتىر. مۇنىڭ جاستار مەن تۇتاس قازاقستان قوعامىنىڭ رۋحاني قاۋىپسىزدىگىنە ىق­پال ەتەتىن ماسەلە ەكەنىن اتاپ كورسەتكىمىز كەلەدى. اتاپ ايتقاندا، قازىرگى كەزدە قر باس پروكۋراتۋراسى، قر ءبىلىم جانە عىلىم مينيسترلىگى،  قازاقستان مۇسىلماندارىنىڭ ءدىني باسقارماسى مەن قر ءدىن ىستەرى جانە ازاماتتىق قوعام مينيسترلىگى ءدىن ىستەرى كوميتەتىنىڭ اتسالىسۋىمەن تۇركيا، مىسىر، مالايزيا جانە رەسەيدىڭ ءبىرقاتار بەدەلدى جوعارى وقۋ ورىندارىمەن كەلىسىمشارت ازىرلەۋ جۇمىستارى جۇرگىزىلىپ جاتىر. ادەتتە، بۇلار – تەكسەرىلگەن، ءبىلىم بەرۋ مەن وقۋ-تاربيە ۇدەرىسىن قاداعالاۋ سالاسىندا ىنتىماقتاستىق تۋرالى كەلىسىم­شارتپەن نەگىزدەلگەن جوعارى وقۋ ورىندارى.

جوعارى وقۋ ورىندارىندا ءداستۇرلى ءدىنىمىزدى دارىپتەپ جاتقان ۋنيۆەرسيتەتەر بار ما؟ بىلىكتى ءدىنتانۋشىلار مەن تەولوگيا ماماندارىن دايالراپ جاتىرمىز با؟

– زايىرلى ءبىلىم بەرۋدىڭ بولىگى رەتىندە ەلىمىزدە بەس جوعارى وقۋ ورنىندا، اتاپ ايتقاندا، ء«ال-فارابي» اتىنداعى قازۇۋ مەن «ق.ا.ياساۋي» اتىنداعى حالىقارالىق قازاق-تۇرىك ۋنيۆەرسيتەتىندە، «ل.ن.گۋميلەۆ» اتىن­داعى ەۇۋ، «ە.بوكەتوۆ» اتىن­داعى قاراعاندى مەملەكەتتىك ۋنيۆەرسيتەتى جانە شەت تىلدەرى جانە ىسكەرلىك كارەرا ۋنيۆەرسيتەتىندە  ءدىنتانۋ جانە تەولوگيا ماماندارى دايارلانادى. اتالعان جوعارى وقۋ ورىندارىندا مەملەكەتتىڭ تاپسىرماسىمەن 900-عا جۋىق ستۋدەنت – بولاشاق ءدىنتانۋشىلار مەن تەولوگتار ءبىلىم الۋدا. 2009-2010 وقۋ جىلىنان باستاپ قازىرگە دەيىن قر ءبىلىم جانە عىلىم مينيسترلىگىنىڭ بەكىتۋىمەن ەلىمىزدەگى بارلىق مەكتەپتەردە ء«دىنتانۋ نەگىزدەرى» ءپانى قوسىمشا ساباق رەتىندە ەنگىزىلگەن بولاتىن. ال، قازىرگى تاڭدا وسى ورتا مەكتەپتەردە ء«دىنتانۋ نەگىزدەرى» قوسىمشا وقىتۋ ءپانىنىڭ ماماندارىن دايارلاۋدى 2016-2017 وقۋ جىلىنان باستاپ وڭتۇستىك قازاقستان مەملەكەتتىك پەداگوگيكالىق ۋنيۆەرسيتەتى (وقمپۋ) قولعا الىپ، ء«تاريح-دىنتانۋ» ماماندىعى بويىنشا ماماندار دايارلاۋدى باستاپ كەتتى. 

قورىتا ايتقاندا شەت ەلدەردىڭ ءدىني وقۋ ورىندارىندا قازاقستان مۇسىلماندارىنىڭ ءدىني باسقارماسى جانە مەملەكەتارالىق كەلىسىم نەگىزىندە بولسا ماگيستراتۋرا جانە دوكتارانتۋرا وقۋعا بولادى. ال باستاپقى ءبىلىمدى ياعني، باكالاۆرلىق بازالىق ءبىلىمدى شەت ەلدەردىڭ ءدىني ءبىلىم ورتالىقتارىندا الۋدىڭ قاجەتتىلىگى جوق. ءوز ەلىمىزدە بىلىكتى ماماندار دايىندالىپ جاتىر. ويىمىزدى تۇيىندەپ ايتار بولساق، بولاشاعىن ءدىنتانۋ مەن تەولوگيالىق ىلىمدەردى زەرتتەۋگە ار­­ناعان قازىرگى جاستارعا ءوز وتان­ىن­دا كاسىبي ءبىلىم الۋدىڭ بارلىق مۇمكىندىكتەرى جاسالعان.

اڭگىمەڭىزگە راحمەت!

سۇحباتتى دايىنداعان: عالىمجان ءتاجىباي

SUNNA.KZ


كەلۋ قاينارى: http://www.elarna.net/koru.php?tur=18&id=1022108

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


پرەزيدەنت كۋبوگى: بۇگىن 1 مينوت
دەنگي س بەتاشارا پەرەدا 4 مينوت
ەلورداداعى كەيبىر ينتەر 4 مينوت
اقتوبەلىكتەر قۇجاتتاردى 9 مينوت
«تاريح كارتيناسى» اتىند 9 مينوت
«تاريح كارتيناسى» اتىند 10 مينوت
ءادىلحان ماكين: "ب 10 مينوت
تيانشان تورى 10 مينوت
اتىراۋلىق پوليتسەيلەر ا 10 مينوت
ۇلتتىق ۋنيۆەرسيتەت رەكت 10 مينوت
"تىم وعاش وقيعالار" سەر 15 مينوت
قازاقستاندى وزبەكستانمە 16 مينوت
ۇلتتىق ۋنيۆەرسيتەت رەكت 19 مينوت
جول ساپاسى بويىنشا 106- 19 مينوت
اتاكەنت اۋماعىنداعى اعا 25 مينوت
سەناتورلار حالىقپەن كەز 30 مينوت
تيانشان تورى 30 مينوت
زەلەنسكي تاعى 22 شەنەۋن 30 مينوت
ءبىرىنشى نايب ءمۇفتي جا 1 ساعات
“كەتە المادىم”: ديماشتى 1 ساعات
تولەگەن بايتوكەنوۆتىڭ " 1 ساعات
ەڭ كۇشتى ماگنيتتىك داۋى 1 ساعات
ادام عارىشتى قالاي زەرت 1 ساعات
قيىندىققا تاپ بولعان ەل 1 ساعات
التاي كولگىنوۆ اstana L 1 ساعات
ەلدوس سمەتوۆ الەمدىك رە 1 ساعات
تيانشان تورى 1 ساعات
ۆون دەرلەين ەۆروپا وداع 1 ساعات
ەلوردانىڭ اۆتوپاركتەرىن 1 ساعات
قازاقستان تەسلامەن بىرل 1 ساعات