ءتۇرى: 24.kz اقپاراتتارى
جولدانعان ۋاقىتى: 00:00 - 2019/06/19
حالىقارالىق ستاندارتتار نەگىزىندە ءبىلىم بەرەتىن جوعارى تەحنيكالىق كوللەدجدىڭ بازاسىندا ۇيىمداستىرىلعان وقۋ كۋرستارىندا دانەكەرلەۋشى، ەلەكترمەن قامتۋشى، اۆتوماتتىق قوندىرعىلاردى باسقارۋشى، قۇبىر مونتاجداۋشىسى سەكىلدى وندىرىسكە وتە قاجەت جۇمىسشى ماماندىقتار وقىتىلادى. بيىل الدىڭعى كەزەكتە دانەكەرلەۋشى جانە قۇبىر مونتاجداۋشى سەكىلدى ماماندىق بويىنشا ماڭعىستاۋ وبلىسىنان شاقىرىلعان 30 جاس وقۋدى باستادى. اتاپ ايتۋ قاجەت، مەملەكەتتىك باعدارلاما بيىل تۇڭعىش رەت جەرگىلىكتى كومپانيالاردىڭ قارجىسىمەن جۇزەگە اسىرىلىپ جاتىر. ياعني جۇمىس بەرۋشىلەر جاستاردى تەگىن وقىتىپ، كەيىن كەپىلدى تۇردە وزدەرىنە قىزمەتكە قابىلدايدى. بىلتىر دا تەك ماڭعىستاۋ وبلىسىنان 40 بالا ءبىلىم الىپ، اتىراۋداعى ءوندىرىس ورىندارىنا جولداما الدى. باعدارلامانىڭ الەۋمەتتىك ءتيىمدى جاقتارى كوپ. جۇمىسسىز جاستارعا شاكىرتاقى تولەنىپ، ىستىق تاماق جانە جاتىن ورىنمەن تەگىن قامتىلادى. ەڭبەك نارىعىنداعى ناقتى سۇرانىسقا سايكەس ءارى قازاقستاندىق ۇلەستى ارتتىرۋ ءۇشىن وقۋشىلاردىڭ سانىنا دا شەكتەۋ قويىلمايدى.
ديماش سۇيىندىكوۆ، وقۋ كۋرسىنا قاتىسۋشى:
– وسى وقۋ ورتالىعىندا «ەلەكترمەن قامتۋ» ماماندىعى بويىنشا ءبىلىم الىپ جاتىرمىز. جالپى ءوزىمنىڭ ويىم الداعى ۋاقىتتا وسى ماماندىعىم بويىنشا جاقسى جۇمىس جاسايمىن دەگەن سەنىمدەمىن.
ادايبەك بازارعاليەۆ، ەلەكتريك جانە اۆتوماتيكا ماماندىعى بويىنشا تالىمگەر:
– ءبىز جاستارعا ءبىلىم بەرۋ باعدارلاماسىمەن اينالىسىپ جاتىرمىز. ەكى-ۇش ايدىڭ ىشىندە دايىنداپ، بەلگىلى كومپانيالارمەن وتىرعان شارتتارىمىز بار، سول پارتنەرلاردىڭ ارقاسىندا ولار وندىرىسكە جولداما الادى. وسى العان بىلىمدەرى ارقىلى ولار وندىرىسكە كەرەكتى سەرتيفيكاتتارىن الا وتىرىپ، وندىرىسكە جولداما الادى.
