ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-07-14457388527 %73 %
2019-07-15525205545 %55 %
2019-07-16493288145 %55 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاقستان «سۇننەت» اقپاراتتارى

جولدانعان ۋاقىتى: 23:40 - 2019/06/18

نۇرلان رامازانوۆ: جانازا جانە جەرلەۋ راسىمدەر... - Sunna.kz

ەرتە مە كەش پە، كەز كەلگەن جاننىڭ ءدام-تۇزى تاۋسىلادى.  ال، قايتقان جاندى ارۋلاپ جەرلەپ، اقتىق ساپارعا شىعارىپ سالۋ – ءار مۇسىلماننىڭ مىندەتى. بۇل مىندەت اتام زاماننان بەرى شاريعات قاعيدالارىمەن اتقارىلعان، سولاي جالعاسىپ تا كەلەدى. الايدا ەلىمىزگە سىرتتان كەلىپ جاتقان دەسترۋكتيۆتى ءدىني يدەولوگيالاردىڭ اسەرىنەن شاريعات تالاپتارى، ءدىني امال مەن راسىمدەرگە قاتىستى كەلىسپەۋشىلىكتەر كوبەيىپ كەتتى. وسىعان بايلانىستى بايلانىستى ەل كوكەيىندە جۇرگەن  ساۋالداردى «نۇر استانا» ورتالىق مەشىتىنىڭ نايب يمامى نۇرلان رامازانوۆتان سۇراعان ەدىك.

IMG 0260 كوپيا

– بيىل قازاقستان مۇسىلماندارى ءدىني باسقارماسىنىڭ باستاماسىمەن «جانازا جانە جەرلەۋ راسىمدەرى» كىتابى جارىققا شىقتى.  نەلىكتەن وسى ءجون- جورالعىلار بويىنشا قوعامدا تۇسىنبەستىك بار؟

– تاۋەلسىزدىك الىپ، ءداستۇرلى دىنىمىزگە بەت بۇرعان قوعامدا ءالى دە ايماقتىق ەرەكشەلىكتەر كەزدەسەدى. اسىرەسە، ەلدى جانازا تاقىرىبىنا قاتىستى كوپ ماسەلەلەر تولعاندىرادى. ء«ار جەردىڭ سالتى باسقا» دەسەك تە، شاريعات ۇكىمدەرى – كۇللى مۇسىلمان ۇمبەتىنە ورتاق. دەسترۋكتيۆتى ءدىني يدەيالاردىڭ سالدارىنان بولىپ جاتقان وسىنداي ماسەلەلەرگە قاتىستى دەر ۋاقىتىندا جاۋاپ بەرىپ، ءوز پوزيتسيامىز بەن كوزقاراسىمىزدى انىقتاپ الۋ كۇن تارتىبىندەگى ماسەلەگە اينالدى. قاراما-قايشىلىقتار مەن تالاس-تارتىستاردى جويىپ، ءدىني راسىمدەردى بىرىزدىلىككە ءتۇسىرىپ، جانازا  مەن جەرلەۋ راسىمدەرىنىڭ جاماعاتقا بىردەي ءبىرىڭعاي ۇكىمدەرىن جەتكىزۋ ءۇشىن جۇيەلى ەڭبەك شىعارۋ قاجەتتىلىگى وسىدان تۋىندادى. ءسويتىپ، ءدىني باسقارمانىڭ باستاماسىمەن «جانازا جانە جەرلەۋ راسىمدەرى» كىتابىن شىعارعان بولاتىنبىز.

كىتاپ قازاقستان مۇسىلماندارى ءدىني باسقارماسى جانىنداعى عۇلامالار كەڭەسى مۇشەلەرىنىڭ قىزۋ تالقىلاۋىمەن، ورتاق كەلىسىمىمەن كوپشىلىككە جول تارتتى. تاقىرىپقا قاتىستى وزەكتى ماسەلەلەر يسلامتانۋشى، ءدىنتانۋشى، تەولوگ ماماندارمەن قاتار، جالپى وقىرمان قاۋىمعا تۇسىنىكتى تىلمەن جازىلعان. ايتالىق، ءبىرىنشى ءبولىم اجالدىڭ ايتىپ كەلمەيتىنى جونىندە قۇران كارىمنىڭ سۇرەلەرى ارقىلى جەتكىزەدى، دىنىمىزدە ءولىمدى ەسكە الۋدىڭ ارتىقشىلىعىن باياندايدى، حاديس شاريفتەردىڭ نەگىزىندە وسيەت قالدىرۋدىڭ، اماناتقا قيانات جاساماۋدىڭ ماڭىزىنا توقتالادى. سونىمەن قاتار، جان ءتاسىلىم ەتكەننەن كەيىنگى شارالار، ءمايىتتى جۋىندىرۋ مەن كەبىندەۋ، جانازا نامازىنىڭ شارتتارى، وقۋ ۇلگىسى، جانازا ۇكىمدەرى، ءمايىتتى جەرلەۋ، ءقابىردى زيارات ەتۋ سەكىلدى ماڭىزدى ماسەلەلەردى ۇسىنادى. الايدا، ءبىز زايىرلى ەل بولعاندىقتان، بۇل اتالعان جاعدايلاردىڭ بارلىعى نۇسقاۋلىق، كەڭەس باعىتىنداعى ەڭبەك بولىپ تابىلادى. ياعني، قازاقستان مۇسىلماندارى ءۇشىن ءدىني باسقارمانىڭ ۇسىنىس نۇسقاۋلىعى.

جانازا مەن جەرلەۋ راسىمدەرى وتە اۋقىمدى تاقىرىپ. سول سەبەپتى دە ءدىني باسقاراما بۇل باعىتتاعى جۇمىستاردى تولىقتاي رەتكە كەلتىرۋ ءۇشىن ۇلكەن ەنتسيكلوپەديا دايىندالۋ ۇستىندە. جالپى ءسالت-داستۇرىمىزدى زەردەلەپ، دىلىمىزبەن دىنىمىزگە بايلانىستى ءدىني راسىمدەردى، جەر-جەرىندەگى ايماقتىق ەرەكشەلىكتەرىن زەرتتەپ ۇلكەن جۇمىس جاسماق ويمىز بار. بۇل – كەشەندى جۇمىس، ياعني، ناتيجەسى بۇگىن-ەرتەڭ ەمەس، ۇزاق مەرزىمدى تالاپ ەتەدى. ەگەردە، ءدىني راسىمدەر بويىنشا بىرىزدىلىك پەن ەل بولىپ ءبىر قالىپتى تاڭداپ جاتساق، ول ەل ىشىندە ءدىني احۋالىمىزعا نۇقسان كەلتىرۋدى كوزدەيتىن دەسترۋكتيۆتى توپتارعا قارسى جاسالعان ەڭ ءبىر ۇتىمدى امالىمىز بولار ەدى.

قازاقتا كىسى قايتقاننان كەيىن جەتىسىن، قىرقىن، ەلۋ ەكىلىك، ءجۇزى، جىلى سەكىلدى قۇدايى استارى بەرىلەدى. وسى راسىمدەر جايىندا شاريعاتتىڭ ۇكىمدەرى قانداي؟

– جەتىسى، قىرقى، جىلى شاريعاتتا ناقتىلى بەلگىلەنبەگەندىكتەن، ونى تەك رامىزدىك اتاۋ رەتىندە ورىنداسا بولادى. نەگىزىندە جەتىسىن، قىرقىن، ءجۇز كۇندىگىن حانافي مازحابىنىڭ عالىمدارى مارقۇمنىڭ جانازاسىنا قاتىسا الماعان الىستاعى اعايىن-تۋىسى كوڭىل ايتىپ، كورىسۋ ءۇشىن جاسالاتىن «مۋباح» (رۇقسات ەتىلگەن) جورالعىلاردىڭ قاتارىنا جاتقىزادى. ءبىراق اس بەرۋ شاريعاتىمىزدىڭ مىندەتتى تۇردە اتقارىلۋى ءتيىس پارىز امالدارىنا جاتپايدى. الايدا، اس بەرۋدىڭ ساۋاپتى ءىس ەكەنىن حاديستەردەن جانە كەيبىر قۇران اياتتارىنان بايقايمىز. بۇل امالداردىڭ بارلىعى اتا-بابالارىمىزدان سالت بولىپ كەلە جاتىرعان، ءبىزدىڭ داستۇرىمىزگە اينالعان ءجون-جورالعىلار.

اس بەرۋدەگى ساۋاپتى ۇشكە بولۋگە بولادى. ءبىرىنشىسى – مارقۇمنىڭ رۋحىنا قۇران باعىشتاپ، اللادان كۇنالارى ونىڭ كەشىرىلۋىن تىلەپ دۇعا جاساۋ، ءارى ونى ەسكە الۋ. مۇسىلماننىڭ ءدىني تانىمى سالاسىنداعى ءماشھۇر ەڭبەكتەردىڭ ءبىرى «تاحاۋي اقيداسى» كىتابىندا: «تىرىلەردىڭ دۇعا-تىلەكتەرى مەن ساداقالارى ولگەندەرگە پايدا بەرەدى» دەلىنگەن. سونداي-اق،  حازىرەتى پايعامبارىمىز (س.ع.س) «ولگەن كىسىلەرىڭىزدى جاقسىلىقپەن ەسكە الىڭدار» دەگەن.

ەكىنشىسى – تۋعان-تۋىس، كورشى-قولاڭنىڭ باسىن قوسۋ. ادامنىڭ قايعى-قاسىرەتىنە ورتاقتاسىپ، كوڭىل ايتىپ تۋعان-تۋىستىڭ جينالۋى – دىنىمىزدە قۇپتارلىق امال.

ۇشىنشىسى – ساۋابىن قايتىس بولعان كىسىگە اتاپ، جوق-جىتىكتەرگە، مۇقتاج جاندارعا تاماق تاراتىپ، اس بەرۋ ابزال. قارنى اش ادامنىڭ بويىنا تاماق بارىپ، كۇش-قۋات دارىعاندا، ول ريزاشىلىعىن ايتىپ، شىن جۇرەكتەن دۇعا تىلەيدى. سونىڭ ساۋابى مارقۇمعا تيەدى. جالپى قۇدايى اس بولسىن، نەمەسە ۇلكەن اس بەرگەن كەزدەرى حالىققا ءدىني ۋاعىز ايتىپ، تورقانى تويعا اينالدىرىپ بوس سوزدەر ايتىلۋعا ءبىز قارسىمىز، جەرگىلىكتى وكىلدەرىمىزگە دە وسىنى ايتامىز. سەبەبى، بارلىق جەردەگى يمام، مولدالار ءدىني باسقارامانىڭ ۇستانىمىن بولىسەدى دەپ تولىق كەسىپ ايتا المايمىز، ءقازىر سەنىمدەرى سان الۋان، دەسترۋكتيۆتى يدەيالاردى ارقالاپ جۇرگەن ادامدا ەرتەڭ ءبىر جەردە مەشىت سالىپ الىپ، ءوزى يمام بولىپ وتىرۋى مۇمكىن. ءبىز تۇتاستىققا قارسى، زاڭعا قايشى قانداي دا بولماسىن ارەكەتتەردى قۇپتامايمىز.

– سوڭعى ۋاقىتتا قازاقستان مۇسىلماندارى ءدىني باسقاراماسىنىڭ  كەيبىر ايماقتارىنداعى وكىلدىكتەرى مەن جەرگىلىكتى اقساقالدار القاسى اس بەرۋدىڭ جالپىعا ورتاق ءمازىرىن بەكىتىپ، داستارقاندى سول بويىنشا جايۋدى وڭىرلەردە مىندەتتەپ كەلەدى…

– يا، دۇرىس ايتاسىز. وڭىرلەردە وسىنداي يگى باستامالاردىڭ كوتەرىلىپ جاتقاندىعى راس. الايدا، وسى ارادا اتاپ كەتۋ كەرەك ءجايت، ءبىز تەك قانا قازاقستان مۇسىلماندارىنىڭ باسىن بىرىكتىرۋشى ۇيىم عانامىز، ەلىمىزدە اتازاڭىزبەن جانە دە ار-ۇجدان، ءدىني قىزمەت جونىندەگى زاڭدارىمىز بويىنشا ەشكىمگە ەشنارسەنى مىندەتتەي المايمىز. ءبىزدىڭ ايتارمىز ابزالى وسى دەگەن ۇسىنىستارىمىز عانا. دىنىمىزدە مىندەتتى تۇردە قارىزدانىپ، وزىنە جەتپەي جاتقان قارجىدان جىرىپ، مال سويىپ ساداقا بەر دەگەن ۇكىم جوق. قۇدايى اس بەرىلگەن جاعدايدا ىسىراپقا جول اشپاۋ كەرەك. وكىنىشكە قاراي، قازىرگى قوعامدا اس بەرۋ باسەكەلەستىككە اينالعانداي. ەلدەن قالامىز با، «جۇرتتان ۇيات بولماسىن» دەگەن تۇسىنىكپەن ادامدار شاما-شارقىنا قاراماي، كرەديت السا دا، قارىزعا باتسا دا، ايتەۋىر ءبىر مول داستارقان جايىپ اس بەرۋ ادەت بولىپ كەتكەن.

قارالى ءۇيدىڭ داستارقانى – توي ەمەس. جۇپىنى بولۋ كەرەك. قازىرگىدەي سالاتتىڭ ءتۇر-تۇرى، مۇشە-مۇشە ەت، الۋان جەمىس-جيدەك ەمەس، ەڭ قاجەتتى دەگەن تاعامدار تۇرسا جەتكىلىكتى. قۇراننىڭ اعراف سۇرەسىندە اللا تاعالا: «ىشىڭدەر، جەڭدەر ءبىراق، ىسىراپ قىلماڭدار. ويتكەنى اللا ىسىراپ ەتۋشىلەردى جاقسى كورمەيدى!» دەسە، ارداقتى پايعامبارىمىز (س.ع.س): «قالاعانىڭنىڭ بارلىعىن جەۋ، حارام رەتىندە جەتكىلىكتى» (يبن ءماجا، ءاتعيما، 51) دەگەن ەدى.

اقشاڭىز تاسىپ بارا جاتسا، ولىگە ساۋابى ۇزدىكسىز ءتيىپ تۇراتىن امالدار نەگە جاساماسقا؟ ءابۋ ھۋرايرادان (ر.ا) ريۋايات ەتىلگەن حاديستە اللا ەلشىسى (س.ع.س): «ادام ولگەندە ونىڭ ءۇش نارسەسىنەن: توقتاۋسىز ساداقاسىنان، پايدا كەلتىرەتىن بىلىمىنەن، ارتىنان دۇعا قىلاتىن يگى جاقسى بالاسىنان باسقا بارلىق ءىس-امالى توقتايدى» دەگەن جوق پا؟! ساۋابىن مارقۇمنىڭ اتىنا اتاپ، ادامنىڭ پايداسىنا جارار عيمارات سال، جەتىم-جەسىرگە كومەكتەس. نيەتتەنگەن جانعا ساۋاپتى ىستەر كوپ قوي.

 ەلىمىز بويىنشا بارشاعا ءتيىمدى بولاتىن قۇدايى استىڭ ورتاق ءمازىرىن ازىرلەپ، كوپشىلىك قاۋىمعا ۇسىنعان بولاتىنبىز. الايدا، جوعارىدا ايتقانىمداي  قمدب مۇنداي اس بەرۋدىڭ جالپىعا ورتاق ءمازىرىن بەكىتىپ، داستارقاندى سول بويىنشا جايۋدى حالىققا مىندەتتەي المايدى. ءدىني باسقارمانىڭ ونداي قۇزىرەتى جوق. دەگەنمەن دە ء«ومىر بار جەردە ءولىم بار» دەمەكشى جەرگىلىكتى اقساقالدار القالارىنىڭ باستامالارىنا ەل اعالارى، اقساقالدار، زيالى قاۋىم وكىلدەرى، مەشىت جاماعاتى بۇل باستاماعا ۇلكەن قولداۋ كورسەتىپ جاتىر.

– استى مۇردە شىقپاي تۇرىپ، الدە جانازا وقىلعان سوڭ بەرگەن دۇرىس پا؟

– يمام الاۋ اد-دين كاساني ءال-حانافي (ر.ا.) ءوزىنىڭ ء«بادايۋس-ساناي» اتتى كىتابىندا: اللا ەلشىسىنىڭ (س.ع.س.): «مايىتتەرىڭدى جەرلەۋگە اسىعىڭدار. ءمايىت جاقسى كىسى بولسا جاقسىلىعىنا جىلدام جەتكىزىڭدەر» دەگەن حاديسىنە بايلانىستى ءمايىتتى جەرلەۋدى اسىقتىرۋ مۇستاحاب، ياعني جاقسى امال دەگەن. ءمايىتتى جەرلەۋدى كەشىكتىرۋ – سۇننەتكە، ءمايىتتى قۇرمەتتەۋگە قايشى ارەكەت.

سونداي-اق، شاريعاتىمىزدا «قارالى ۇيدەن ءتۇتىن شىقپاسىن»، «قازالى ۇيدە ءۇش كۇنگە دەيىن قازان اسىلماسىن» دەگەن بار. شاڭىراقتارىنا ءولىم كەلىپ، ازا تۇتىپ، قارا جامىلعان ۇيگە كورشىلەرى، تۋىستارى تاماق بەرىپ كومەككە كەلۋى – سۇننەت. ساحابا جاعفار وپات بولعاندا، اللا ەلشىسى (س.ع.س) ءوزىنىڭ وتباسىنا بارىپ: «جاعفار اۋلەتى مايىتتەرىنىڭ ىسىمەن اۋرە بولۋدا، سوندىقتان ولارعا تاماق ازىرلەڭدەر» دەگەن.

قازىر كەرىسىنشە، قايعىسىمەن الەك بولعان مارقۇمنىڭ وتباسى بازار جاعالاپ، ەت اسىپ، كەلىمدى-كەتىمدى كىسىلەردى كۇتۋمەن ابىگەرگە سالىنادى. ءمايىتتى بىرنەشە كۇن جاتقىزىپ قويىپ، كىسى كۇتۋدىڭ قامىنا كىرىسۋ – مارقۇمعا وبال. مۇسىلماننىڭ موينىنداعى كەزەك كۇتتىرمەيتىن نەگىزگى مىندەت – ءمايىتتى جۋىندىرۋ، كەبىندەۋ، جانازاسىن وقۋ جانە جەرلەۋ ىستەرى.

وسى جەردە ەسكەرە كەتەتىن جايت، ەلىمىزدە كوپ جاعدايدا ءمايىتتى جەرلەۋ ءىسىن ءۇشىنشى كۇنگە دەيىن كەشىكتىرىپ جاتادى. ارينە، بۇنىڭ وزىندىك سەبەپتەرى بار. ەلىمىز كەڭ-بايتاق، ءار وڭىردەگى تۋعان-تۋىستار جاقىنىن اقتىق ساپارعا شىعارىپ سالۋ ساتىندە بىرگە بولىپ، جانازا نامازىنا قاتىسۋدى نيەت ەتەدى. وسىعان بايلانىستى قارالى ءۇي يەلەرى كوڭىل ايتۋشىلاردى قابىلداۋ ماقساتىندا ۇيىندە 3 كۇن ازا تۇتۋىنا بولادى.

– مارقۇمنىڭ كيىمىن ۇلەستىرۋگە، جىرتىس تاراتىپ، وعان تالاسۋعا بولا ما؟

– بۇل امالداردى ءدىنىمىز جۇكتەگەن، مىندەتتى تۇردە ىستەلۋى ءتيىس «پارىز» دەپ تۇسىنبەگەن ءجون. ەرتەرەكتە قايتىس بولعان كىسىنىڭ كيىمىن «تابارىك» نيەتىمەن ەلگە تاراتاتىن. ال بۇگىندە بۇل ادەت جاعىمسىز سيپات الۋدا. مارقۇمنىڭ كۇندەلىكتى كيىمىن ەمەس، دۇكەننەن الىنعان جاڭا كيىمدى تاراتۋ تالابى – شاريعاتتا جوق. بىرەۋلەر باياعى «ۇيات بولماسىن» دەگەن جالعان تۇسىنىكپەن شىعىندالىپ، قىمبات كيىمدەر تاراتىپ جاتادى. ءىستىڭ ارتى وزگەلەرمەن  باسەكە، باقتالاستىققا دا ۇلاسىپ جاتادى. ولاي جاساۋ ىسىراپقا اكەپ سوعادى، كۇناعا باتىرادى. ەكىنشىدەن، جىرتىس تاراتقاننان گورى، وعان كەتەتىن قارجىنى جەتىم-جەسىر، جوق-جىتىكتەرگە بەرگەن الدەقايدا ساۋاپتى.

– ءتىرى كەزىندە جەرلەنەتىن جەرىن الدىن الا بەلگىلەپ ساتىپ الۋ ءۇردىسى قالىپتاسىپ كەلەدى. دىنىمىزگە قايشى ەمەس پە؟

– قازىر ءزاۋلىم كۇمبەزدەر، قورعاندار تۇرعىزۋ كەڭ ەتەك جايدى. ون ادام جەرلەيتىن ورىنعا بىرەن-ساراڭ ادامنىڭ ءمايىتىن قويۋ، بىرىنشىدەن جەردى تارىلتۋ، ەكىنشى جاعىنان «ودان كەمبىز بە؟» دەگەندەي باسەكەلەستىكتى تۋدىرۋى مۇمكىن. ال، ءقابىردى بيىك كۇمبەزدەرمەن قورشاۋ بالەڭباي اقشانى قاجەت ەتىپ، تىرىگە اجەپتاۋىر سالماق تۇسىرەدى. سوندىقتان بۇل ارەكەتتەر دىنگە قايشى. جالپى، قاسيەتتى قۇران كارىمدە: «ەشكىم ەرتەڭ نە ىستەيتىنىن بىلمەيدى، ءارى ەشكىم قاي جەردە ولەرىن دە بىلمەيدى» دەلىنگەن. («لۇقمان» سۇرەسى، 34-ايات).   بۇدان ءقابىردى دايىنداۋ ەمەس، قابىرگە قامدانۋ فيلوسوفياسى شىعادى.   ياعني، جەر ىزدەۋدىڭ ورنىنا ادام ءوز-وزىن ولىمگە، قايتار كۇنگە جاقسى امالدارمەن دايىنداعانى ابزال.

– كەي وڭىرلەردە اقىسىنا جوقتاۋ ايتاتىندار شىعىپتى دەيدى-مىس. بۇل ءوزى ءجون ارەكەت پە؟

– جوقتاۋ ايتۋ ءۇشىن كىسى جالداۋ ءتىپتى قاتە، ناداندىق. جاقىنى قايتىس بولعاندا شەكتەن تىس قايعىرىپ، ءدىني-يماني قۇندىلىقتارعا تەرىس ىس-ارەكەتتەر جاساۋ مايىتكە پايدا بەرگەننىڭ ورنىنا، اۋىر تيەدى. جوقتاۋدى بوتەن ەمەس، جاقىنى ايتادى. ونىڭ وزىندە، داۋىس كوتەرمەي جىلاۋعا عانا رۇقسات. ءابۋ حانيفا (ر.ا) مازحابىندا قايتىس بولعان كىسىنى وكىرىپ جىلاپ جوقتاۋ – حارام. ءمايىتتىڭ بار جاقسىلىعىن سانامالاپ، وكسىپ، بەتىن تىرناپ، كيىمىن جىرتىپ، شاشىن جۇلىپ، شاريعاتقا قايشى سوزدەر ايتۋ كۇنا. پايعامبارىمىز (س.ع.س): «بىرەۋ قايتىس بولعاندا بەتىن ۇرعىلاپ، تىرناپ، ۇستىندەگى كيىمىن جىرتىپ، ناداندىق داۋىرىندەگىدەي ايقايلاپ جىلاعان ادام بىزدەن ەمەس» دەگەن.

ولىم – اللانىڭ پەندەگە جەتەر بۇيرىعى. وعان سابىرلىق تانىتۋىمىز كەرەك. ءابۋ مۋسا جەتكىزگەن حاديستە اللا ەلشىسى (س.ع.س) ءمۇمىننىڭ باۋىر ەتى بالاسى قايتىس بولعانداعى جاعدايدى باياندايدى. اللا تاعالا بۇل اۋىر قازاعا پەندەسىنىڭ ء«بارىمىز اللاعا ءتانبىز جانە ءبارىمىز دە (ۋاقىتى كەلگەندە) وعان ورالامىز» دەپ ماداق ايتقانىن ەستىگەندە، پەرىشتەلەرىنە سول قۇلى ءۇشىن ءجانناتتان ءزاۋلىم ساراي سالىپ، ونى «بايتۋل-حامد (ماداق سارايى) دەپ اتاۋدى بۇيىرادى. سوندىقتان تاعدىرعا نارازىلىق تانىتىپ، ەس-تۇسسىز جوقتاماي، بارىنشا سابىرلى بولۋ – ءار مۇسىلماننىڭ مىندەتى.

جالپى، ءدىن ومىرىمىزدە ماسەلە تۋىنداتاتىن فاكتورعا ەمەس، قايتا ونى جەڭىلدەتەتىن، تۇراقتىلىق پەن بەيبىت ءومىردىڭ سالتاناتتى نىشانىنا اينالۋ كەرەك. تاۋەلسىز ەلىمىزدىڭ بۇل سالادا ۇستانىپ وتىرعان سارابدال ساياساتى وعان بىردەن- ءبىر دالەل. سەبەبى، سانداعان ۇلت پەن ەتنوستاردىڭ ارتۇرلىلىگى مەن جۇزدەگەن كونفەسسيالاردىڭ باسىن ءبىر شاڭىراق استىنا جيناپ، بەيبىت تۇراقتى دامۋعا جاعداي جاساپ وتىرعان مەملەكەتپىز. ءبىر عانا مۇسىلمان قاۋىمىنىڭ اراسىنداعى تۇسىنبەۋشىلىكتەردىڭ پايدا بولۋى ەلدىگىمىزگە ۇياتتى. سالت سانامىز بەن رۋحانياتىمىزبەن، عاسىرلاردى توعىستىرعان تاريحىمىزدا ءدىن ماسەلەسىنە كەلگەندە الاۋىزدىق پەن اسىرا سىلتەۋ بولماعان. ەشقانداي دا ءدىلىمىز بەن دىنىمىزگە جات ءدىني اعىمداردىڭ تۇرمىسىمىز بەن سالتىمىزعا ايتار نەمەسە نۇسقار جاعدايى بولماۋ كەرەك، ءتۇپتىڭ تۇبىندە ايتىلعان ماسەلەلەر بويىنشا ورتاق ماملەگە كەلەرىمىز انىق.

-رۋحاني اڭگىمەڭىزگە اللا رازى بولسىن!

سۇحباتتاسقان ءمادينا جاقىپ


كەلۋ قاينارى: http://www.elarna.net/koru.php?tur=18&id=1011195

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


رايىمبەك باتىردىڭ سوڭعى 1 مينوت
وسى ارانى باسىپ كورىڭىز 8 مينوت
قازاقستاندىقتار مەملەكە 10 مينوت
ارىستاعى مال قورىمىندا 13 مينوت
ي.ساۋەر: باعدارلامالارد 18 مينوت
16.07.2019 - اقپارات - 18 مينوت
بقو تۇرعىندارىنا كىمدەر 28 مينوت
چتو ۆوزميوت س سوبوي ۆ ك 1 ساعات
تەننيس: دەنيس ەۆسەەۆ نۇ 1 ساعات
17 شىلدە، سارسەنبىگە ار 1 ساعات
وسى ارانى باسىپ كورىڭىز 1 ساعات
ەلوردا ارىستاعى ۇيلەردى 1 ساعات
جەلىدە يراكتاعى مۇناي ت 1 ساعات
كاپيتان سبورنوي انگلي: 1 ساعات
سالىققا سالعىرت وڭىرلەر 1 ساعات
ەلىمىزدىڭ ەڭ ۇزدىك پولي 1 ساعات
ەرمەك مارجىقپاەۆ: ءومىر 1 ساعات
ەستافەتا: گۇلشارا ءابدى 1 ساعات
الماتى وبلىسىنىڭ العابا 1 ساعات
قازاقستاندا 17 شىلدەدە 1 ساعات
Nur Otan كوپ بالالى انا 1 ساعات
الماتى اكىمى «باقىتتى و 1 ساعات
40 مىڭ ادامنىڭ سالىق اي 1 ساعات
اكىمدەر وبلىس ورتالىقتا 1 ساعات
ينفاركت العان كاسيلياس 1 ساعات
شي جينپيڭ ىشكى موڭعۇلدا 1 ساعات
قحا مەن قولجازبالار جان 1 ساعات
ۆ افريكە كازاحستانتسى ۋ 1 ساعات
قحا ەلىمىزدىڭ سيرەك كىت 1 ساعات
نۇر-سۇلتاننان شانحاي مە 1 ساعات