ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-10-181098330835 %65 %
2019-10-19729232138 %62 %
2019-10-20325106836 %64 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: 24.kz اقپاراتتارى

جولدانعان ۋاقىتى: 22:50 - 2019/06/18





ۆاشينگتون تاياۋ شىعىسقا تاعى دا مىڭ اسكەرىن جىبەرەدى.

بۇل تۋرالى اقش-تىڭ قورعانىس مينيسترلىگى حابارلادى. رەسمي پەنتاگوننىڭ ايتۋىنشا، بۇل ارەكەت يران تاراپىنان تونگەن قاۋىپ-قاتەرگە بايلانىستى جاسالىپ وتىر. ودان بولەك، اقش تاراپى ومان شىعاناعىنداعى ەكى تانكەرگە جاسالعان شابۋىلدى يراننىڭ ۇيىمداستىرعانىن راستايتىن فوتولار مەن بەينەجازبالارىن جاريالادى.

يران بۇل ايىپتى مويىندامادى. تەگەران بۇل اقش-تىڭ ويلاپ تاپقان اراڭداتۋشىلىعى دەپ وتىر. ال الەم ەلدەرىنىڭ پىكىرى ەكىگە ءبولىندى.

اقش پەن يران قارىم-قاتىناسى كۇن ساناپ ۋشىعىپ بارادى. تەگەرانعا بارىنشا قىسىم كورسەتەمىز دەپ مالىمدەگەن ۆاشينگتون ىسكە بىلەك سىبانا كىرىسكەن سىندى. ءتىپتى اقش تاراپى ومان شىعاناعىنداعى ەكى تانكەرگە جاسالعان شابۋىلدىڭ ۆيدەوسىن جاريالادى. وندا يراندىق اسكەرلەردىڭ تانكەردەن جارىلعىش زاتتى الىپ جاتقانى بەينەلەنگەن. وسىدان سوڭ ۆاشينگتون بۇل بارىپ تۇرعان سوراقى ارەكەت دەپ وڭىرگە قوسىمشا مىڭ اسكەرىن جىبەرەتىنىن حابارلادى.

مايك پومپەو، اقش مەملەكەتتىك حاتشىسى:

– اقش پرەزيدەنتى دونالد ترامپ قارۋلى قاقتىعىسقا جول بەرمەس ءۇشىن قولدان كەلگەنىن جاسادى. بىزگە سوعىس كەرەك ەمەس. ءبىراق يران تاراپىنىڭ جاساپ وتىرعان ارەكەتتەرى ميعا قونبايدى. ول بۇعازدا قاۋىپسىزدىك بولۋ ءۇشىن قولدان كەلگەنىن جاسايمىز. بۇل – حالىقارالىق دەڭگەيدەگى ماسەلە. الەم ەلدەرى بۇل تۇستا ءبىزدى قولدارى انىق.

13 ماۋسىم كۇنى تاڭەرتەڭ ومان شىعاناعىندا جاپوندىق جانە نورۆەگيالىق ەكى تانكەر اپات سيگنالىن قوسقان. جاعدايدى ۋشىقتىرا تۇسكەن وقيعا وسى. ىزىنشە، امەريكالىق كەمەلەر بىردەن كومەككە كەلەدى. بەلگىلى بولعانداي، ەكى تانكەرگە دە شابۋىل جاسالعان. «كوكۋكا كارەيدجەس» تانكەرىندەگى 21، «فرونت التاير» ەكيپاجىنداعى 23 ادام ءقاۋىپسىز جەرگە ەۆاكۋاتسيالاندى. اقش شابۋىلعا يران تاراپىن كىنالاپ، قىسىمىن كۇشەيتە ءتۇستى. يزرايلدىك نەتانياحۋ بولسا سەرىكتەسىنىڭ مالىمدەمەسىن قوستاي كەتتى.

بينيامين نەتانياحۋ، يزرايل پرەمەر-مينيسترى:

– يران تاراپى حالىقارالىق دەڭگەيدەگى كەلىسىمدى بۇزىپ وتىر. ۋران ءوندىرۋدى جوعارى دەڭگەيگە دەيىن كوتەرمەك. بۇل وزگە ەلدەردىڭ مۇددەلەرىن ەلەمەۋ دەگەن ءسوز. مەن حالىقارالىق قوعامداستىقتاردى يرانعا قارسى سانكتسيالار سالۋعا شاقىرامىن. يزرايل تەگەرانعا يادرولىق قارۋدى قۇرۋعا جول بەرمەيدى.

اقش-تىڭ ودان قوسا ءيزرايلدىڭ قىسىمى مەن جالا جابۋىنان شارشاعان يران رەسمي مالىمدەمە جاسادى. ەل پرەزيدەنتى شابۋىلعا ءبىزدىڭ قاتىسىمىز جوق دەيدى. ءبىراق نەگىزسىز جالا جابىلا بەرەتىن بولسا، يران يادرولىق كەلىسىمنىڭ شارتتارىن بۇزىپ، ۋران ءوندىرىسىن ارتتىرا تۇسەتىندىگىن ايتتى.

حاسان روۋحاني، يران پرەزيدەنتى:

– يران يادرولىق كەلىسىمىن تەگەران عانا ورىنداپ كەلەدى. وعان قوسا سانكتسيانىڭ استىندا قالىپ وتىرعان دا تەگەران. سوندا بىزگە نە پايدا؟ تاراپتاردىڭ بارلىعى كەلىسىمگە ساي بۇل شارتتاردى ورىنداسا، مۇنداي داۋ شىقپاس ەدى. سوندىقتان ءبىزدىڭ تاراپتار دا قۇجاتتاعى كەلىسىمدەردى بۇزۋى مۇمكىن.

ەسكە سالا كەتەيىك، يادرولىق كەلىسىمنەن دونالد ترامپ العاشقىلاردىڭ ءبىرى بولىپ باس تارتقان. ىزىنشە اراداعى شيەلەنىس ارتا ءتۇستى. ەندى مىنە بارلىق تاراپ قۇجاتتاعى شارتتاردى ورىنداۋدان باس تارتۋى مۇمكىن. بۇل ورايدا رەسەي مەن قىتاي تاراپى يرانعا قاتىستى قىسىمدى توقتاتۋ كەرەك دەگەن مالىمدەمە جاسادى.

ۆان ي، قىتاي سىرتقى ىستەر ءمينيسترى:

– ءبىز بۇل شيەلەنىستە بارلىق تاراپتى سابىرلى بولۋعا شاقىرامىز. اسىرەسە، اقش ءبىرجاقتى قىسىم كورسەتۋىن دوعارۋى كەرەك. بۇل حالىقارالىق نورماعا، قۇقىققا قاراما-قايشى ارەكەت. مۇنداي سەس كورسەتۋ نەمەسە اكەرىن جىبەرۋ دەگەن ارەكەتتەر ماسەلەنى شەشپەيدى. كەرىسىنشە وتقا ماي قۇيۋ مۇمكىن.

وسىلايشا الەم ەلدەرىنىڭ پىكىرى ەكىگە ءبولىندى. يزرايل سىندى مەملەكەتتەر ءوز سەرىكتەستەرىن جاقتاپ، يرانعا سانكتسيا سالۋ كەرەك دەيدى. ال كەيبىر ەلدەر ءبىرجاقتى قىسىم زاڭعا قايشى ارەكەت ەكەنىن العا تارتادى. ەۋرووداق يران تاراپى يادرولىق كەلىسىمنەن باس تارتپايدى دەگەن سەنىمىن ءبىلدىردى.

بىر اي بۇرىن پەنتاگون بۇل وڭىرگە 1500 اسكەرىن جىبەرگەن ەدى. ول كەزدە دە ارەكەتىن جاعدايدىڭ ۋشىعۋى دەپ تۇسىندىرگەن. ساراپشىلاردىڭ ايتۋىنشا، ۆاشينگتون تاعى اسكەرىن جىبەرىپ، قىسىمىن توقتاتپاسا، سوزبەن سەس كورسەتۋدىڭ سوڭى قارۋلى قاقتىعىسقا ءبىراق اكەلۋى مۇمكىن.


كەلۋ قاينارى: http://www.elarna.net/koru.php?tur=38&id=1011179

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


قىتايدا VI دۇنيەجۇزىلىك 3 مينوت
شىمكەنتتەگى ارنايى تەكس 17 مينوت
ەرلان قارين ۇلتتىق كەڭە 1 ساعات
اعاشتان كارتينا جاساۋعا 1 ساعات
اتىراۋ وبلىسىندا تابىلد 1 ساعات
پاۆلودار وبلىسىندا 1-4 1 ساعات
ۇلىبريتانيا پارلامەنتى 1 ساعات
جالعاس جۇماعۇلوۆ FÙ‰ght 1 ساعات
ۇلىبريتانيا پارلامەنتى 1 ساعات
الەمدىك ءدىنارالىق ديال 1 ساعات
باقىتجان الديار. كىناز 1 ساعات
چيليدە توتەنشە جاعداي ج 2 ساعات
ەكى بىردەي كىتاپتىڭ تۇس 2 ساعات
اعاجاي التاي تورى 2 ساعات
كىرىستەر كوميتەتى جەكە 2 ساعات
باقىتجان ساعىنتاەۆ الما 2 ساعات
اعاجاي التاي تورى 2 ساعات
"مۋزەيلەر شەرۋى&qu 2 ساعات
جاس جۇبايلاردىڭ «بال اي 2 ساعات
اعاجاي التاي تورى 2 ساعات
نازارباەۆ مەكتەبىنىڭ وق 2 ساعات
تارازداعى جارمەڭكەدە 54 3 ساعات
ەلوردادا رەسپۋبليكالىق 3 ساعات
ەلوردا اكىمى 5 مەكتەپتە 3 ساعات
اعاجاي التاي تورى 3 ساعات
"مەدەۋ" مۇزايدىنىنىڭ جا 3 ساعات
جەرگە قونباي ۇزاق ۇشقان 3 ساعات
قازاقستاندا اپتا ىشىندە 3 ساعات
جالعاس جۇماعۇلوۆ الي با 3 ساعات
18 جاسقا تولماعان ازاما 4 ساعات