ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-08-18525278840 %60 %
2019-08-19580345151 %49 %
2019-08-20438217062 %38 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

::::ۋيليام تەككەرەي. باكتالاستىك بازارى. ءىى كيتاپ ::باقتالاستىق بازارى ءىى

كىتاپحاناعا قايتۋ

باقتالاستىق بازارى ءىى -> ەلۋ ءتورتىنشى تاراۋ
اپتورى: ۋيليام تەككەرەيرومان
باقتالاستىق بازارى ءىى - كورىلىم: (1352)


: PDF Download - Жұктеұ - Скачать - ءتۇسىرۋ

ەلۋ ءتورتىنشى تاراۋ

ايقاستان كەيىنگى جەكسەنبى

رودون ەكى كۇننەن بەرى ۇستىنەن تاستاماي جۇرگەن بالعا كيەتىن كاستومىمەن ەسىك باسقىشىن جۋىپ جاتقان قىزمەتشى ايەلدى شوشىتىپ. قاسىنان وتە شىعىپ باۋىرىنىڭ كابينەتىنە ەنگەندە، سەر پيتت كروۋليدىڭ گرەيت-گونت-ستريتتەگى ءۇيى جاڭا عانا ويانىپ، جۋىنىپ-شايىنىپ جاتقان-دى. لەدي دجەين بالالارىنىڭ بولمەسىندە ولاردىڭ كيىنگەنىن كورىپ، سابيلەرىنىڭ وزىنە سۇيەنىپ ەرتەڭگى نامازىن وقىعانىنا قۇلاق سالىپ وتىرعان-دى. سەر پيتت باسقارىپ ءۇي ءىشىنىڭ ءبارى سالتاناتپەن قۇلشىلىق ەتكەنگە دەيىن، بالالار پارىزدارىن ءوز بولمەلەرىندە ورىندايتىن. رودون بارونەتپىن كابينەتىندەگى ۇستەلدىڭ قاسىنا قويىلعان كرەسلوعا وتىرا كەتتى، ول جەردە ۇقىپتىلىق سەزىلەدى: كوك كىتاپ اشىلىپ، حات، مۇقيات بەلگى سوعىلعان ەسەپ-شوتتار، بىركەلكى جينالعان كىتاپشالار، كىلتپەن جابىلعان ەسەپ-قيساپ كىتاپتارى، جازۋ جابدىقتارى، جونەلتىلەتىن شۇعىل حاتتىڭ جاشىگى. ءىنجىل، ء"ۇش ايلىق شولۋ" جانە "ساراي انىقتاماسى" ساپقا تۇرعان سولداتتاي ءتىزىلىپتى.

سەر پيتت وتباسىلىق ۋاعىزدار جيناعىن جەكسەنبى كۇنى بالا-شاعاسىنا تاراتىپ، ۇستەلدىڭ ۇستىنە قوياتىن، جۇرت قالاۋىنشا قاجەتتى بەتىن اشىپ وقيتىن. ۋاعىزدار جيناعىنىڭ قاتارىندا "باقىلاۋشى" گازەتىنىڭ سوڭعى ءنومىرى جاتىر، ءالى دىمقىل، ەشكىم بەتىن اشپاعان، مۇقيات بۇكتەلگەن، ءبۇل ارينە سەر ءپيتتىڭ وقيتىن گازەتى. قوجايىنىنىڭ ۇستەلىنە قويعانعا دەيىن مۇنى كورمەگەندەر عانا وقي الادى. سول كۇنى تاڭەرتەڭ گازەتتى كابينەتكە الىپ بارىپ قويعانعا دەيىن ول مۇنىڭ بەتىنەن كەشەگى "گونت-حاۋستاعى توي" جايىنداعى ەسەپتى وقىپ شىققان، وندا ماركيز ستاين شاقىرعان بەكزاتتاردىڭ ءبارىنىڭ ءاتى-جونى جازىلعان، ءبۇل تويعا جوعارى مارتەبەلى كورول دە كاتىسىپتى. مۇنى ەرتەڭمەن شاي ءىشىپ وتىرعان ەكونومكا مەن ونىڭ نەمەرە سىڭلىسىنە ايتىپ بەرىپ، سول لەديدىڭ بولمەسىندە مايعا قۋىرىلعان ىستىق نان جەپ، رودون كروۋليلەر جاعدايىن قالاي جاقسارتىپ العانىنا قايران قالىستى دا، كامەردينەر قوجايىن وقىعاندا ەشكىم ۇستاعانى بىلىنبەسىن دەپ گازەتتى بۋعا ۇستادى دا، قايتا بۇكتەپ، ورنىنا قويدى.

بەيشارا رودون گازەتتى الىپ وقىماق بولىپ ەدى، كوزى بۇلدىراپ، ەش نارسەنى كورە المادى. كروۋليدىڭ قارا شاڭىراعىنىڭ يەسىن كۇتىپ وتىرعان رودوننىڭ كوز الدىنان ۇكىمەتتىڭ حابارلارى، جاڭا قىزمەتكە تاعايىنداۋ (سەر پيتت قوعامدىق قايراتكەر بولعاندىقتان، مۇنىڭ بارىنە كوز جۇگىرتۋگە مىندەتتى ەدى، ويتپەسە جەكسەنبى كۇنى گازەت وقىپ نەسى بار)، تەاتر سىنى، "باركينگسك قاساپشىسى" مەن "تاتبەري سۇيىكتىسىنىڭ" اراسىنداعى ءجۇز فۋنتقا تىگىلگەن بايگە، اۋەلى ميسسيس بەككيدىڭ ەرەكشە كوزگە تۇسكەن گونت-حاۋستاعى اتاقتى شارادا جايىنداعى ماڭىزدى ەسەپ تە بۇلدىرلاپ، تۇماندانىپ كورىنبەي قالدى.

كابينەتتەگى قارا ءمارمار ساعات توعىزدى قوڭىراۋلاتقاندا مۇنتازداي كيىنىپ، تازا قىرىنىپ، سارعىش تارتقان ءجۇزىن وپالاپ، شاشىن جىلتىراتا تاراپ، جەيدەسىنىڭ جاعاسىن قىسىپ تۇيمەلەپ بولمەسىنەن شىقتى، كراحمالدانعان گالستۋك تاعىپ، ۇستىنە ءسۇر بومازيدەن شاپان كيىپ، تىرناعىن جۇرە تازالاپ، ەسكى كوز اعىلشىن جىگىتتەرىنىڭ ناعىز ۇلگىسىن تانىتىپ، سەرىلەرشە كەرىلىپ، باسقىشپەن تومەن ءتۇستى. ول كابينەتىندە مىجىلعان كاستوم كيىپ، ۇرپيگەن، كوزى قانتالاعان رودوندى كورگەندە سەلك ەتە قالدى. باۋىرى ارتىعىراق ءىشىپ جىبەرىپ، ءبىر جەردە سەرۋەن قۇرعان عوي دەپ ويلادى.

- و، جاراتقان يەم، رودونسىڭ! - دەدى ول تاڭعالىپ، - تاڭ اتپاي قايدان ءجۇرسىڭ؟ ۇيىڭە نەگە بارماعانسىڭ؟

- ۇيىڭە؟ - دەدى رودون كەكەتىپ، - قورىقپا، پيتت. Mac ەمەسپىن. ەسىگىڭدى جاپشى، ساعان ايتار اڭگىمەم بار.

پيتت ەسىگىن جاپتى دا، ۇستەلگە جاقىنداپ، باسقارمانى، اگەنتتى نەمەسە باسقا بارونەتپەن جۇمىس جايىندا اقىلداسا كەلگەن ادامداردى قابىلدايتىن كرەسلوعا وتىردى دا، تىرناعىن بۇرىنعىدان دا تەزدەتىپ تازالاي باستادى.

- پيتت، مەنىڭ ساۋدام ءبىتتى، - دەدى پولكوۆنيك، ءسال ءۇنسىز وتىرىپ، - مەن قۇرىدىم.

- سەنىڭ سولاي بولارىڭدى بۇرىن دا ايتقانمىن، - دەدى بارونەت اشۋلانىپ، ۇقىپتى الىنعان تىرناعىن تىقىلداتىپ. - مەن ساعان مىڭ مارتە ەسكەرتكەنمىن. ساعان ەشقانداي جاردەم كورسەتە المايمىن. مەنىڭ ءاربىر تيىنىم ەسەپتەۋلى، اۋەلى دجەين ساعان كەشە بەرگەن ءجۇز فۋنتتى دا، مەنىڭ ءىس جۇرگىزۋشى ادامىما تاڭەرتەڭگە دەيىن بەرۋىم كەرەك، ايتپەسە ماعان ۇلكەن اۋىرلىق كەلتىرەدى. ساعان مۇلدەم جاردەم كورسەتپەيمىن دەپ ايتا المايمىن، ءبىراق ۇلتتىق قارىزىمىزدى تولىق وتەمەگەن سياقتى، سەنىڭ كرەديتورلارىڭا دا تولىق تولەي المايمىن. مۇنى مەنەن كۇتۋىڭ اقىلسىزدىق - ناعىز اقىلسىزدىق! سەن ىمىراعا كەلۋىڭ كەرەك. وتباسى ءۇشىن اۋىرلىق كەلتىرەدى، ءبىراق جۇرت وندايدى ىستەپ جاتىر. ماسەلەن، لورد رەگلەندتىڭ ۇلى دجوردج كايتلي وتكەن جەتىدە سوتتاسىپ قۇتىلدى عوي، ولار مۇنى نامىس كورىپ وتىرعان جوق. لورد رەگلەند وعان ءبىر شيللينگ تە بەرمەس ەدى جانە...

- ماعان اقشا كەرەك ەمەس، - دەپ رودون اعاسىنىڭ ءسوزىن ءبولدى. - مەن ءوزىم تۋرالى ايتايىن دەپ كەلگەن جوقپىن. اڭگىمە مەنىڭ قارا باسىمدا ەمەس، ونىڭ جاراسى جەڭىل...

- وندا نە تۋرالى؟ - دەدى پيتت ءبىراز جەڭىلدەنىپ.

- مەنىڭ ۇلىم... - دەدى رودون داۋسى قارلىعىپ، - مەن بۇ دۇنيەدەن كەتكەنىمدە سەن وعان قامقورشى بولامىن دەپ ءسوز بەرسەڭ بولدى. سەنىڭ قايىرىمدى، سۇيكىمدى ايەلىڭ وعان جاقسى قارايدى، ول مۇنى ءوزىنىڭ تۋعان شەشەسىنەن ارتىق كورەدى... جوق، قۇرىسىن. پيتت، سەن قۇلاق سالشى، سەن مەنىڭ ميسس كروۋليدەن اقشا الۋعا ءتيىس ەكەنىمدى بىلەسىڭ عوي. مەنى بالانىڭ كىشىسى بولعان سوڭ ەڭبەككە باۋلىمادى، سوندىقتان ەرىنشەك، جالقاۋ بولدىم. ايتپەسە وزگەشە ادام بولار ەدىم. پولكتا كىزمەتتى جامان اتقارعان جوقپىن. قولىمنان اقشانى قالاي شىعارىپ العانىمدى، ونى كىم قاعىپ كەتكەنىن بىلەسىڭ بە؟

- سونشاما شىعىننان كەيىن ساعان جاسالعان جاردەمىمنەن كەيىن ماعان مۇنداي كىنا تاعۋىڭدى ورىنسىز دەپ سانايمىن، - دەدى سەر پيتت. - سەنى زورلاپ ۇيلەندىرگەن جوقپىن.

- ونى تالاق ەتەمىن، - دەدى رودون. ءبۇل ءسوزدىڭ كۇرسىنىپ ايتىلعانى سونشالىق، سەر پيتت سەلك ەتىپ، بويىن جيىپ، قاقشيىپ قالدى.

- و، جاراتقان! ول ءولدى مە؟ - دەپ ۇرەيلەنىپ، ايانىش ءبىلدىردى.

- كىشكەنتاي رودون بولماعاندا، - دەدى رودون، - بۇگىن تاڭەرتەڭ ءوزىمدى باۋىزداپ تاستايتىن ەدىم... ءيا، ول سۇمىرايدىڭ دا شىبىن جانىن شىرقىراتار ەدىم.

سەر پيتت نە سۇمدىقتىڭ بولعانىن تۇسىنە قويدى، رودوننىڭ كىمنىڭ جانىن شىرقىراتقىسى كەلگەنىن دە ۇقتى. پولكوۆنيك بولعان ءىستى باۋىرىنا قىسقا عانا بايانداپ بەردى.

- سايقال، سول سۇمىرايمەن سىبايلاسىپ، - دەدى ول، - ماعان بەيليفتى جىبەرتىپتى، سولاردىڭ ۇيىنەن شىققانىمدا ۇستاتىپ جىبەردى. وعان اقشا تاۋىپ جىبەر دەپ حات جازعانىمدا، توسەك تارتىپ جاتىرمىن، ەرتەڭ قۇتقارامىن دەمەدى مە. ال ۇيگە كەلسەم، مارجان مونشاق تاعىپ، سول سۇمىرايمەن جەكە دۋمانداپ وتىر.

سودان كەيىن ول ءبىر اۋىز سوزبەن لورد ستاينمەن قاقتىعىسىن ايتتى. مۇنداي ىستەن قۇتىلۋدىڭ ءبىر-اق امالى بار. ول باۋىرىمەن اقىلداسىپ، جەكپە-جەككە شاقىرۋعا بەل بايلادى.

- ءتىرى قالامىن با، جوق پا، ول جاعى بەلگىسىز عوي، - دەدى رودوننىڭ داۋسى باسەڭدەپ، -ۇلىمنىڭ اناسى جوق، سوندىقتان پيتت، دجەين ەكەۋىڭنىڭ قامقورلىعىڭا قالدىرامىن. وعان اكە ورنىن باسامىن دەسەڭ، كوڭىلىم جاي تابادى.

اعاسى قاتتى تولقىدى دا، رودوننىڭ قولىن الدى، وندا مۇنداي جاعداي سيرەك ۇشىراسادى. رودون قولىمەن قالىڭ قاسىن سيپادى.

- راحمەت، باۋىرىم، - دەدى ول. - سەنىڭ سوزىڭە سەنەمىن.

- انت ەتەمىن، سەنىمىڭدى اقتايمىن!- دەپ جاۋاپ قايىردى بارونەت. سونىمەن ەكەۋى تەز ءتىل تابىستى.

سودان كەيىن رودون قالتاسىنان بەككيدىڭ قوبديشاسىنان العان كىشكەنتاي ءاميان شىعارىپ، ىشىنەن ءبىر بۋما نەسيە بيلەتتەرىن ازدى.

- مىنەكي، التى ءجۇز فۋنت، - دەدى ول، - مەنىڭ باي ەكەنىمدى سەن بىلمەگەن بولارسىڭ. سەن بىزگە قارىزعا بەرگەن بريگستىڭ اقشاسىن قايىر... ول ءبىزدىڭ بالاعا وتە جاقسى قاراعان... سول بەيشارا كەمپىردەن اقشا العانىمىزعا بەتىمنەن وتىم شىعىپ ۇيالىپ ءجۇرۋشى ەدىم. مىنا اقشانى دا ال. وزىمە بىرنەشە فۋنت قالدىرايىن، مىنامەن بەككي كۇن كورسىن.

سول ءسوزدى ايتتى دا، ءاميانىنان تاعى دا اعاسىنا بەرمەك بولىپ بىرنەشە نەسيە قاعازدارىن الامىن دەپ قولى قالتىراعانى سونشالىق، ءاميانىن ءتۇسىرىپ الدى دا، ودان مىڭ فۋنتتىق بيلەت ۇشىپ ءتۇستى - ءبۇل بەككي سايقالدىڭ سوڭعى تابىسى ەدى.

مۇنداي بايلىققا تاڭعالعان پيتت ەڭكەيىپ ەدەننەن اقشانى الدى.

- جو، وعان تيمە. مەن سول اقشانىڭ پەسىنىڭ ماڭدايىنا وق قادايمىن با دەپ وتىرمىن. وقتى قاعازعا ورايمىن دا ستايننىڭ ماڭدايىنا وتىرعىزامىن. - رودونعا كەك الۋدىڭ بۇدان ارتىق جولى كورىنبەدى.

بۇدان كەيىن باۋىرلار تاعى دا قول الىسىپ قوشتاستى. لەدي پولكوۆنيكتىڭ كەلگەنىن ەستىپ، ايەل جۇرەگى ءبىر پالەنىڭ بولعانىن سەزىپ، كۇيەۋىن كارداعى اسحانادا كۇتتى. اسحانانىڭ ەسىگى اشىق قالعان-دى، ارينە، اعايىندى ەكەۋى كابينەتتىڭ تابالدىرىعىنان اتتاعاندا لەدي دجەين دە سول جەردەن شىعا كەلدى. دجەين رودونعا قول بەرىپ سالەمدەسىپ، ەرتەڭگى اسقا جاقسى كەلدىڭ دەدى، ءبىراق ساقالى قىرىلماعان پولكوۆنيكتىڭ قاتۋلى كۇيەۋىنىڭ جۇزىنە قاراپ، تاماققا قارايتىنداي كۇيدە ەمەس ەكەنىن اڭعارۋىنا بولاتىن ەدى. رودون الدە قالاي اسىعىس شارۋاسىن ايتىپ، جەڭگەسىنىڭ ۇسىنعان قولىن قىستى. جەڭگەسىنىڭ جاۋدىرەگەن كوزى ونىڭ جۇزىنەن قايعىلى كەيىپتەن وزگە ەشتەڭە اڭعارا المادى، ول وزگە ءبىر اۋىز ءتىل قاتپاي شىعىپ كەتتى. سەر پيتت تە وعان ءتۇسىندىرىپ جاتپادى. بالالارى سالەمدەسۋگە كەلدى، ول ادەتتەگىدەي سالقىندىقپەن بەتتەرىنەن ءسۇيدى. سەر پيتت ەرتەڭگى استىن الدىندا ۇستەلدىڭ ءبىر جاعىنا قاتارىنان ءتىزىلىپ توي كيىمىن، زەرلى ليۆەريالارىن كيىپ، الدارىنا ساقىرلاپ قايناعان شاينەكتەرىن قويىپ، قۇلشىلىق جاساپ وتىرعان وتباسىنىڭ مۇشەلەرى مەن قىزمەتشىلەرىنە قارسى وتىرىپ دۇعا وقىعان كەزىندە بالالارى تىزە بۇككەندە اناسى ەكەۋىن قولىنان ۇستاپ تۇرعان. كۇتپەگەن جاعدايعا بايلانىستى ەرتەڭگى اس كەش ءىشىلدى، شىركەۋدىڭ قوڭىراۋى سوعىلعان كەزدە ولار داستارقان باسىندا وتىر ەدى. لەدي دجەين شىركەۋگە بارۋعا دەنساۋلىعىم بولماي وتىر دەدى، ۇيدەگى نامازدا دا ويىنا قۇداي جولىنداعى قاعيدا كىرىپ شىققان دا جوق.

وسى كەزدە رودون كروۋلي گرەيت-گونت-ستريتتى ارتقا تاستاپ. گونت-حاۋستىڭ ەسىگىنىڭ الدىنداعى قولا مەدۋزدىڭ باسىن بالعامەن سوعىپ، ءبۇل سارايداعى قاقپاشىنىڭ قىزمەتىن اتقارعان كۇمىستەلگەن كۇرەڭ قىزىل جەلەت كيگەن، قىزىل بەت سيلەندى شاقىردى. قاقپاشى دا البا-جۇلبا پولكوۆنيكتىڭ سۇرقىنان شوشىپ، الدىن وراعىتتى. ءبىراق پولكوۆنيك ءوزىنىڭ كارتوچكاسىن شىعارىپ، قاقپاشىعا وندا جازىلعان مەكەن-جايدى كورسەتتى دە، لورد ستاينعا پولكوۆنيك ساعات بىردەن كەيىن كۇنى بويى ءوزىنىڭ ۇيىندە ەمەس، سەنت-دجەيمس-ستريتتسگى "ريدجەنگس-كلۋبتا" كۇتەتىنىن ايتىڭىز دەپ قاتال تاپسىردى. رودون ۇزاعاندا قىزىل بەت سەمىز قاقپاشى قايران كالىپ، ونىڭ سوڭىنان قارادى; كەشەگە مەرەكەلىك كيىمگە كيىپ شىققان ادامدار دا، مۇنتازداي جۋىنعان جەتىمحانانىڭ بالالارى، لاپكەسىنىڭ ەسىگىنە سۇيەنىپ تۇرعان كوكونىس ساتۋشىسى دا، كۇننىڭ كوزىنەن كولەڭكەلەپ، تەرەزە قاقپاعىن جاۋىپ جاتقان ساتۋشى دا قارادى، شىركەۋ دە قوڭىراۋلاتىپ جاراندارىن نامازعا شاقىرىپ جاتتى. پولكوۆنيك كۇيمە جالداپ، ارباكەشكە نايتسبريدج كازارماسىنىڭ تۇراعىن بەرىپ جاتقاندا، ارباكەش بيرجاسىنا جينالعان سوپاق بايلار ونىڭ سىرت كيىمىنە قاراپ سايقىمازاق جاسادى.

رودون كازارماعا جەتكەندە شىركەۋدىڭ قوڭىراۋ ۇنىنەن اسپان كۇڭىرەنىپ تۇردى. ەگەر ول ەكيپاجدان موينىن سوزىپ قاراعاندا برومپتوننان راسسسل-سكۆەرگە قاراي كەتىپ بارا جاتقان ەسكى تانىسى ەميليانى كورەتىن ەدى. ءبىر توپ مەكتەپ وقۋشىلارى شىركەۋىنە بەتتەدى، تروتۋارلار، مۇقيات سىپىرىلعان، كۇيمەلەر سىرتىنا دەيىن جەكسەنبىلىك سەرۋەنگە شىققان ادامدارعا لىق تولى. ءبىراق مۇنىن بارىنە نازار اۋدارعان پولكوۆنيك پە، ول ءوزىنىڭ ويىمەن الەك. نايتسبريدجگە كەلىسىمەن ەسكى دوسى، ءارى جولداسى كاپيتان ماكمەردونىڭ بولمەسىنە كوتەرىلدى، قۇداي وڭداپ ول ۇيىندە ەكەن.

كاپيتان ماكمەردو ۆاتەرلوو ايقاسىنا كاتىسقان، پولكتاس دوستارىنا جاعىمدى، ەسكىدەن كەلە جاتقان اسكەري ادامدى، ءبىراق قاراجاتى بولماي، جوعارى شەنگە جەتە الماعان. ول دەمالىپ. توسەگىندە جاتىر ەكەن. وتكەن تۇندە كاپيتان دجوردج سينكبارستىن برومپتون-سكۆەردەگى ۇيىندە ءبىراز جاس وفيتسەرلەردى، كوردەبالەتتەن كوپ ايەل شاقىرعان قوناقاسىدا بولىپ. ماك ءار ءتۇرلى جاستاعى، ور گۇرلى شەندەگى ادامداردىڭ اراسىندا بولىپ، گەنەرالدارمەن سويلەسىپ، يت ەرتكەن بيكەشتەرمەن شۇيىركەلەسىپ، بيشىلەرمەن، بوكسەرلەرمەن دە كورىسىپ، قىسقاسى، ىزدەسە جولىقتىرا المايتىن جانداردىڭ اراسىنا ءتۇسىپ، ابدەن شارشاپ، ونىڭ ۇستىنە بۇگىن جۇمىسى دا بولماعاننان كەيىن توسەكتە جاتقان-دى.

ونىڭ بولمەسى جولداستارى اسكەردەن بوساپ نەمەسە ۇيلەنىپ، بايسالدى ومىرگە كوشكەندە سىيعا تارتقان بوكسقا، بالەتكە، سپورتقا ارنالعان سۋرەتتەرگە تولى ەدى. سونىمەن كاپيتان ەلۋگە كەلگەن، سونىڭ جيىرما ءتورت جىلىن اسكەري قىزمەتكە باعىشتادى، سوندىقتان ونىڭ بولمەسى وزىنشە مۇراجاي سياقتى بولاتىن. ول انگلياداعى اتاقتى مەرگەن، ءوزىنىڭ سالماعىنداعى مىقتى شاباندوزى. كروۋلي پولكتا قىزمەت اتقارعاندا ەكەۋى باسەكەلەس ەدى. قىسقاسى، ميستەر ماكمەرد، ءبىز جوعارىدا ايتقان "تازا ومىردەن"، "تاتبەري سۇيىكتىسى" مەن "باركينگسك قاساپشىسىنىڭ" اراسىنداعى جارىس تۋرالى ەسەپتى وقىپ جاتقان. ءبۇل تاپەلتەك، قىسقا كۇزەلگەن اق شاشتى، باسىنا جىبەك تاقيا كيگەن قىزىل شىرايلى، قىزىل مۇرىن، بويالعان ۇزىن مۇرتتى اسكەري ادامدى.

رودون سەنىمدى دوس كەرەك دەگەندە قانداي دوستىقتىڭ قاجەت بولعانىن ول بىردەن تۇسىنە قويدى. ول تانىستارى ءۇشىن وسىنداي ونداعان ءىستى وتە ۇقىپتىلىق، ساقتىقپەن وتكەرىپ بەرگەن. ونى جوعارى مارتەبەلى كورولى مارقۇم باس قولباسشىسىنىڭ ۇمىتىلماس ەسىمى ءۇشىن ماكمەردو اسا قۇرمەت تۇتاتىن، قاسىرەتكە ۇشىراعان جىگىتتەردىڭ قايسىسى بولماسىن كاپيتانعا يەك سۇيەيتىن.

- سۇيىكتى كروۋلي، قانداي جاعدايعا دۋشار بولدىڭ؟ - دەپ سۇرادى كارت جاۋىنگەر. - تاعى دا كارتانىڭ الەگى مە؟ الگى كاپيتان ماركەردى جالپاسىنان تۇسىرگەندەي جاعداي ما؟

- جو، جوق... ەندى مەنىڭ ايەلىمە بايلانىستى، - دەپ جاۋاپ قايىردى كروۋلي، كوزى قاراۋىتىپ، قاتتى قىزارىپ.

ول ىسقىرىپ جىبەردى.

- ول سەنى تاستاپ كەتەدى دەپ ايتپاپ پا ەدىم، - دەدى ول (راسىندا دا، پولكتا دە، كلۋبتا دا پولكوۆنيك كروۋليدى الدا نە كۇتىپ ءتۇر دەپ جولداستارى باستەسىپ، ميسسيس كروۋليدىڭ ىزگىلىكتىگىنە ءشۇبالانعان)، ءبىراق ءسوزى رودونعا تۇرپىدەي تيگەنىن تۇرىنەن اڭعارىپ، ماكمەردو ول جاعىن قوزعاۋدى ءجون كورمەدى.

- قالاي سوندا، دوستىم، وزگە امالدىڭ قۇرىعانى ما؟ - دەدى كاپيتان بايسالدىلىقپەن، شىنايى كوڭىلىن ءبىلدىرىپ، - سوندا قالاي، سەزىك پە، الدە... قالاي ءوزى. الدە حاتى قولىڭا ءتۇستى مە؟ بولدىرماۋدىڭ رەتى بار ما؟ مۇمكىن بولسا، ءبۇل ماسەلە توڭىرەگىندە شۋ كوتەرمەگەن جون.

"ماسساعان بەزگەلدەك! بۇل ەندى عانا سەزگەن بولدى عوي"، - دەپ ويلادى دا، كاپيتان ول جايىنداعى وفيتسەرلەر اسحاناسىنداعى ميسسيس كروۋليدىڭ ەسىمىن بىلاپىتتاعان تالاي اڭگىمەنى ەسىنە الدى.

- امال بىرەۋ عانا، - دەدى رودون، - ەكەۋمىزدىڭ بىرەۋىمىز و دۇنيەگە ساپار شەگۋىمىز كەرەك. ماك، جاعداي مىناداي، مەنى جولدا ۇستاتىپ جىبەردى; ەكەۋىنىڭ ۇستىنەن ءتۇستىم. مەن ونى وتىرىكشى، قويان جۇرەك، قورقاق دەپ سوعىپ تاستادىم.

- ساۋاپ قىلىپسىڭ، - دەدى ماكمەردو. - ونىڭ كىم؟ رودون ول لورد ستاين دەپ جاۋاپ قايىردى.

- قاراي گور. ماركيز! جۇرت ونى... جو... سەنى...

- نەمەنە ونى-مۇنى دەپ مىڭگىرلەپ قالعانىڭ، — دەپ رودون اقىرىپ جىبەردى، - ونان دا مەنىڭ ايەلىم تۋرالى وسەك ەستىدىم دەمەيسىڭ بە، ول تۋرالى ماعان نەگە ايتپادىڭ؟

- جۇرت نە دەمەيدى، جىگىتىم، - دەدى ول، - جۇرتتىڭ ساندالعانىن ساعان ايتا بەرسەك نە بولادى؟

- انتۇرعان، سەنىڭ مۇنىڭ دوستىڭ ءىسى ەمەس، - دەدى رودون ابدەن مۇڭايىپ، قولىن بەتىمەن جاۋىپ الدى. ونىڭ كەلۋى كارت جاۋىنگەردى قاتتى تەبىرەنتتى.

- بەكەم بول، دوستىم! - دەدى ول - اتاقتى ما، اتاقسىز با، وندا شارۋامىز جوق، ءدال ماڭدايىنان قاسقايتامىز، انتۇرعاننىڭ. ال ايەل جاعىنا كەلسەك، ونىڭ ءبارى بىردەي.

- مەن ونى قالاي سۇيگەنىمدى سەن بىلمەيسىڭ عوي؟ - دەدى رودون كەمسەڭدەپ. - مەن سوڭىنان مالايى قۇساپ سۇمەڭدەپ جۇرمەدىم بە. جولىنا بارىمدى شاشتىم. وعان ۇيلەنەمىن دەپ تاقىر كەدەي بولدىم. قاجەتتى زاتىن الىپ بەرۋ ءۇشىن ساعاتىمدى دا تاپسىرمادىم با؟ ول بولسا وسى ۋاقىتتىڭ ىشىندە وزىنە اقشا جيناعاندا، مەنى تۇرمەدەن شىعارىپ الۋ ءۇشىن ءجۇز فۋنتتى ايادى عوي.

سودان كەيىن ول قاتتى قاپالانىپ، ماكمەردوعا بولعان جاعدايدىڭ ءبارىن باياندادى، دوسى ونىڭ مۇنشالىق اشىلىپ سويلەگەنىن بۇرىن-سوڭدى كورگەن ەمەس-تى. دوسى ونىڭ سوزىندەگى كەيبىر كومەسكى جايتكە جارماستى.

- بالكىم، ايەلىڭ راسىندا دا كىنالى ەمەس شىعار، - دەدى ول، - مۇنى دالەلدەي الدى ما؟ ستاين بۇرىن دا ونىمەن الدەنەشە رەت جالعىز قالىپ ءجۇر ەمەس پە؟

- سولاي دا شىعار، - دەدى رودون تولقىپ، - ءبىراق مىناسى كىناسىز ادامنىڭ قىلىعى ەمەس. ءسويتتى دە ول كاپيتانعا بەككيدىڭ ءاميانىنان تاۋىپ العان مىڭ فۋنتتىق بيلەتتى كورسەتتى. -مىنەكي، ونىڭ بەرگەنى، ول مۇنى مەنەن جاسىرىپ قويعان عوي. وسىنداي اقشا ۇيدە جاتقاندا تۇرمەگە جابىلعان جەرىمنەن شىعارىپ الماي وتىر ەمەس پە.

اقشانىڭ جاعدايىن قۇپتاماساق كاپيتاننىڭ شاراسى قالمادى.

بۇل ءماجىلىس ءوتىپ جاتقان شاقتا رودون كاپيتان ماكمەردونىڭ قىزمەتشىسىن كەرزون-ستريتتەگى كيىمى سالىنعان شابادانىن الىپ كەلۋگە جونەلتتى. وسى ەكى ورتادا رودون مەن ونىڭ سەكۋندانتى دجونسوننىڭ سوزدىگىن پايدالانا وتىرىپ، ماكمەردونىڭ لورد ستاينعا جونەلتەتىن حاتىن قۇراستىردى. كاپيتان ماكمەردو پولكوۆنيكتىڭ اتىنان ماركيز ستاينعا ءتىل قاتۋىن وزىنە اسقان قۇرمەت دەپ ساناي وتىرىپ، بۇگىن تاڭەرتەڭگى وقيعاعا بايلانىستى، مارتەبەمنىڭ ءوزى دە قارسىلىق بىلدىرمەس كەرەك، پولكوۆنيكتىڭ تالاپ ەتۋىمەن قانداي جاعدايدا دا كەزدەسۋگە پولكوۆنيكتەن ۋاكىلدىلىك العانىن جازدى. كاپيتان ماكمەردو لورد ستاينگە سىپايى ءتىل قاتىپ، وز تاراپىنان ونىمەن (ياعني كاپيتان ماكمەردومەن) كەزدەسەتىن دوسىنىڭ ءاتى-جونىن ايتۋدى، ءارى ءبۇل كەزدەسۋدى كەشىكتىرمەي شۇعىل ۇيىمداستىرۋدى ءوتىندى. پوستەكريپتۋمدا ونىڭ قولىندا مول سوماداعى بانك بيلەتى بارىن، ءارى مۇنى پولكوۆنيك كروۋلي ماركيز ستايننىڭ دۇنيەسى دەپ ايتقانىن، ءارى وعان دالەلى دە بارىن ەسكەرتتى. سوندىقتان پولكوۆنيكتىڭ تاپسىرۋىمەن ول ءبۇل بيلەتتى ەگەسىنە تابىس ەتۋى كەرەك.

قىزمەتشىلەر كەرزون-ستريتتەن قايتىپ ورالعانشا ءبۇل حات جازىلىپ بولدى، ءبىراق ول شابادانسىز، ساكۆوياجسىز ورالدى، ول قىسىلىپ. ىڭعايسىزداندى.

- ول جەردەگىلەر ەشتەمە بەرگىلەرى كەلمەيدى، - دەدى ول، - ءۇيدىڭ استان-كەستەنى شىعىپتى. ءۇيدىڭ يەسى كەلىپ، قوجالىعىن جۇرگىزىپ جاتىر. مالايلار قوناق بولمەدە شاراپ ءىشىپ جاتىر. ولار ءسىزدى اسحانانىڭ كۇمىس ىدىستارىن الىپ قاشىپ كەتتى دەيدى، پولكوۆنيك، دەدى قىزمەتشى، ءبىراز تۇرىپ، - ءۇي قىزمەتشىسىنىڭ ءبىرى كەتىپ تە قالدى. ال ءسىزدىڭ مالايىڭىز سيمپسون قاتتى باجىلداپ، ءارى ولەردەي ماس، جالاقىسىن تولەگەنگە دەيىن ۇيدەن ساباقتى ءجىپ شىعارمايمىن دەپ سىرەسىپ وتىر.

مەيفەردەگى كىشكەنتاي رەۆوليۋتسيا جايىنداعى حابار ولاردىڭ بۇعان دەيىنگى قايعىلى جاعدايلارىن الدەقالاي جەڭىلدەتىپ، كوڭىل سەرگىتتى. ەكى وفيتسەر دە رودوننىڭ جەڭىلىسكە ۇشىراعانىنا قارقىلداپ كۇلدى.

- ۇلىمنىڭ ۇيدە بولماعانىنا تاۋبە، - دەدى رودون، تىرناعىن تىستەلەپ. - ماك، ونى مانەجگە الىپ كەلگەنىم ەسىندە مە؟ اتقا قالاي وتىرادى، ا؟

- ءيا، ۇلىڭ جاقسى ازامات، - دەدى قايىرىمدى كاپيتان.

وسى كەزدە كىشكەنتاي رودون "ۋايتفرايەرس" شىركەۋىندە، ءوزى سياقتى مانتيا كيگەن ەلۋ بالانىڭ اراسىندا وتىرعان، ءدىني ۋاعىزدى ەلەگەن ول جوق، تاياۋداعى سەنبىدە ۇيىنە باراتىنىن، اكەسى نە سىيلار ەكەن، بالكىم، تەاترعا الىپ بارار دەپ قيالداۋمەن وتىردى.

- ۇلىم جاقسى بالا، - دەدى رودون، ءالى دە سونى ويىنان شىعارماي.

- مەن وپات بولسام... ەگەر مەنى اتىپ ولتىرسە، وندا، ماك، سەنەن وتىنەرىم... سول بالاعا جولىعىپ، اكەڭ سەنى وتە جاقسى كورگەن دەپ ايتارسىڭ. تاعى دا... ءتۇۋ انتۇرعان... دوستىم، وعان مىنا التىن ىلگىشىمدى بەرشى، مەندە بۇدان وزگە دۇنيە قالمادى.

ول كىر قولىمەن بەتىن باستى، كوزىنىڭ جاسى سورا بولىپ اكتى. ماكمەردو تۇندە كيەتىن جىبەك قالپاعىن باسىنان الىپ. كوزىن ءسۇرتتى.

- تومەنگە بارىپ بىزگە اس دايىندايتىندار - دەدى ءوزىنىڭ مالايىنا، داۋسىن كوتەرىپ، سەرگەكتىك تانىتىپ، - كروۋلي سەن ىسقىلايسىڭ. ماسەلەن، تۇسپالاعان باۋىر ما، الدە سەلەدكا جەيسىڭ بە. كلەي، پولكوۆنيككە مەنىڭ جەيدەلەرىمنىڭ ءبىرىن الشى. قىمباتتى رودون. ەكەۋمىزدىڭ بويىمىز دا شامالاس ەدى-اۋ. ەسىڭدە مە، پولككە العاش الىنعانىمىزدا ەكەۋمىز دە ات قۇلاعىندا وينايتىن ەدىڭ-اۋ.

وسى ءسوزدى ايتتى دا، ماكمەردو پولكوۆنيك كيىم اۋىستىرسىن دەپ. تەرىس قارادى دا دوسى كيىنگەنشە "تازا ءومىردىڭ" بەتىنە كوز جۇگىرتتى. ودان كەيىن قاشقاننىڭ ءوزى كيىندى.

ولار كيىنۋگە وتە ءمان بەردى، سەبەبى كاپيتان ماكمەردو لوردپەن جولىعاتىن ەدى. ول مۇرتىن باسىپ، جىلتىراتىپ. كراحمالدانعان گالستۋك تاعىپ، سارعىش ءتۇستى جەلەت كيدى. دوسىنان كەنىن اسحاناعا بارعان كاپيتاندى جاس وفيتسەرلەر ونىمەن داۋىستاپ سالەمدەسىپ. ۇيلەنۋ تويىنا بارا جاتقان جوقسىز با دەپ سۇرادى.



تالەيىڭىزگە كەز كەلگەن كىتاپتار لەگى

         
1 ءازيز نەسينالەم ادەبيەتى
2 داستان
3 جىر
4 بەيىمبەت مايليناڭگىمە
5 مارحابات بايعۇتاڭگىمە
6 مۇحتار اۋەزوۆپەسا
7 سوفى سماتاەۆپوۆەست
8 مۇقاعالي ماقاتاەۆاڭگىمە
9 قالتاي مۇحامەدجانوۆويتولعامدار
10 ساتتار ەرۋباەۆنوۆەللا

پىكىرلەر:


قوناق: #69، ۋاقىتى: 06:33 - 2017/06/07

Егер сіз, бизнес бастау үшін борыштық шоғырландыру Екінші Ипотека, Бизнес кредиттер, дербес несиелер, халықаралық қарыздар, автонесие, кез келген түрлері үшін Отбасы Несиені шұғыл несие керек пе E.T.C. мейірімділікпен электрондық пошта арқылы мырза Генри Тарақ хабарласыңыз

henrycomb100@gmail.com


قوناق: #62، ۋاقىتى: 22:24 - 2017/05/26


Егер шұғыл қажет қарыз? белгілі несие кредитор Anita Несие Компанияның хабарласыңыз иә, олар 2% мөлшерлемемен несие ұсынады және 24 сағат ең жоғарғы несие жеткізу қызметтерін көрсетуге болса, Электрондық пошта: anitaloanfirm1@live.com


قوناق: #44، ۋاقىتى: 06:34 - 2017/04/14

Біз заңды және беделді ақша Несие берушi болып табылады. Біз қаржылық көмек мұқтаж жеке тұлғаларға жүзеге қаражат қарызға, біз жаман несие немесе бизнеске инвестициялауға, төлеуге шот ақша мұқтаж адамдарға несие береді. Сіз несие іздеген ба? Сіз Мен сізге тек осы электрондық пошта мекенжайын арқылы мені хабарласыңыз келсе қарыз мұқтаж сондықтан, егер сіз, мен 2% төмен мөлшерлемемен несие ұсынады дұрыс орында тұр, өйткені, сіз, алаңдатып тұр: mobilfunding1999@gmail.com

ҚАЖЕТ Кредиттік өтінімді АҚПАРАТ:

1) толық атаулары: ............
2) Жынысы: .................
3) Жасы: ........................
4) Ел: .................
5) Телефон нөмірі: ........
6) Мамандығы: ..............
7) ай сайынғы табыс: ......
8) Қарыз сомасы қажет: .....
9) Қарыз Ұзақтығы: ...............
Қарыздың 10) Мақсаты: ...........
 
рахмет


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە 99 دەپ جازىڭىز، راحىمەت!
98 + 1 = ? sozsiz sifermen tolteringiz.