ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

::::يزباسار شىرتانۋلى. تەكتي تۋلگانىن تۋنباسى ::ءىزباسار شىرتانۇلى. تەكتى تۇلعانىڭ تۇنباسى

كىتاپحاناعا قايتۋ

ءىزباسار شىرتانۇلى. تەكتى تۇلعانىڭ تۇنباسى -> "جەڭىس" كۇيى
اپتورى: زەرتتەۋلەر
ءىزباسار شىرتانۇلى. تەكتى تۇلعانىڭ تۇنباسى - كورىلىم: (1144)


: PDF Download - Жұктеұ - Скачать - ءتۇسىرۋ

"جەڭىس" كۇيى

(دەرەكتى اڭگىمە)

مۇراتتىڭ شاعادامعا كەلگەنىنە دە ءبىراز ۋاقىت بولعان-دى. قالاعا كەلۋىن كەلگەنىمەن قالا ءتارتىبىن اسا جەتىك بىلە بەرمەيتىن. قانشا دەگەنمەن دالادا وسكەن ادام عوي، ءبىرازعا دەيىن قالاعا ۇيرەنىسە الماي ءجۇردى. مۇندا كەلۋ سەبەبى، وسىندا تۇراتىن ءبىر تانىسى قازاقتار "شاعادام" اتاعان وسى كراسنوۆودسك قالاسىندا قازاق فيلارمونياسى اشىلايىن دەپ جاتىر، سوعان ونەرلى قازاقتاردى قابىلدايدى. تۇركمەنستاندا قازاقتاردىڭ كوبەيۋىنە بايلانىستى تۇركمەنستان ۇكىمەت ورىندارى قازاق فيلارمونياسىن اشۋ تۋرالى قاۋلى قابىلداپتى دەپ تاپتىشتەپ حات جازعان. سول حات سەمياسىمەن وسىندا كەلۋىنە سەبەپشى بولعان. ونەر دەسە ىشكەن اسىن جەرگە قوياتىن مۇرات ءۇشىن مۇنان ارتىق حاباردىڭ كەرەگى دە جوق-تى، ەكى وكپەسىن قولىنا الىپ، كەتىپ بارا جاتقان قالاشىلاردان قالماي، سوناۋ يت ارقاسى قيانداعى ماڭعىستاۋدان كەلىپ ەدى. حاباردىڭ ار جاعى راس پا، الدە وتىرىك پە ونى ءبىلىپ جاتقان مۇرات جوق، اشىلىپ جاتقان فيلارمونيا تاعى جوق. سالى سۋعا كەتىپ جۇرگەن ءجايى.

اعاسى حاميت سەمياسىمەن ماڭعىستاۋدا قالدى: "شاعادامعا بارماي-اق قوي، وسىڭنان دا جۇمىس تابىلار، قىزىل وتاۋ، كلۋب دەگەندەرىڭ مۇندا دا بار. سەندەي ونەرلى - ادامعا ۇكىمەت جۇمىس تاۋىپ بەرەدى"، - دەپ ايتقان. الماتىعا كەتۋگە جەر الىس، قاراجات تاپشى، جۇرەكسىنگەن. اقىرى اعا اقىلىن تىڭداماعانداعى كورگەنى وسى...

مۇرات تاڭەرتەڭگى سۋىق حاباردى ەستىگەننەن بەرى، جىل ون ەكى اي سارى اۋرۋدان تۇرعان ادامداي ەسەڭگىرەپ قالدى. ماناعى قالالىق سوۆەتتىڭ الدىندا، كەلگەن جەرىندە قالشيىپ ءالى تۇر. اندا-ساندا جان-جاعىنا قارايدى، ءبىراق ءوزى تانيتىن جان كورىنبەدى. بىرەۋدى بىرەۋ ءبىلىپ بولاتىن ەمەس. ءار جەردە توپ-توپ بولىپ راديوعا قۇلاقتارىن تۇرۋدە.

ارادا كۇندەر ءوتىپ جاتتى. قالالىق اسكەري كوميسساريات قاربالاس جۇمىس ۇستىندە. ازاماتتار اسكەرگە اتتانىپ جاتىر.

مۇرات سوعىس باستالىسىمەن تاعى دا ماڭعىستاۋعا قايتۋدى ويلاعان. ونداعى ويى حاميت اعاسىنا سوعىپ، سول جاقتان اسكەرگە اتتانۋ ەدى، ول ويى بولمادى. كراسنوۆودسكى قالاسىنداعى مادەني ورىندارى جانىنان مادەني - ۇگىت بريگاداسىن اشاتىن بولىپتى دەگەن حابار ەستىدى. باسشىلارعا كەلىپ سويلەسىپ ەدى، قۇراق ۇشىپ قارسى الىپ، جۇمىسقا الدى. ايتسە دە مۇراتتىڭ كوڭىلى كونشىمەدى. سوعىس كوميسسارياتىنا ءوزى كەلىپ مايدانعا كەتكىسى كەلەتىنىن ايتتى. قارا دومبىرانى دا قابىنا سالىپ، قولىنا ۇستاي كەلىپتى. مۇراتقا ءبىر، دومبىراعا ءبىر قاراعان كوميسسار: ء"سىز جۇمىسىڭىزعا جۇرە بەرىڭىز، كەرەك دەپ تاپساق ءوزىمىز شاقىرتىپ الامىز، تىلدا دا حالىققا قىزمەت ەتەتىن ادامدار كەرەك"، — دەپ شىعارىپ سالدى.

ۇگىت بريگاداسى بىردەن قىزۋ جۇمىسقا ارالاسىپ كەتتى. بۇلاردىڭ نەگىزگى مىندەتى وسى ءبىر اۋىر جىلدارداعى ەڭبەك ادامدارىنىڭ كوڭىلدەرىن كوتەرۋ، ۇگىت-ناسيحات جۇمىستارىن جۇرگىزۋ، حالىقتى ەڭبەككە، ەرلىككە جۇمىلدىرۋ بولدى. تۇركمەنستانداعى قازاقتار تۇراتىن ەلدى مەكەندەردىڭ ءبارىن دەرلىكتەي ارالادى. لەكتسيالار وقىدى، وندەر شىرقادى، كۇي تارتتى، جىر ايتتى. تالاي اۋىلدارعا جاياۋ باردى. ات-تۇيەنى كولىك ەتتى. دالاعا تۇنەگەن كۇندەرى دە بولدى. ول كەزدە اسفالت جول جوق. اۆتوماشينا تاعى جوق. ۇگىت بريگاداسىنىڭ ارتيستەرى ۇبىرىپ-شۇبىرىپ كەلە جاتاتىن، كەتىپ بارا جاتاتىن.

كەيدە ۋلاعان-شۋلاعان، داۋىس سالعان اۋىلدىڭ ۇستىنەن شىعاتىن. سۇراستىرسا بارىنەن ەستيتىنى ءبىر جاۋاپ، پالەنشەنىڭ بالاسىنان قارالى قاعاز كەلىپتى، بەلورۋسسيادا وققا ۇشىپتى، ۆەنگريادا ەرلىكپەن قازا تاۋىپتى، حاركوۆتە اۋىر جارالانىپ، ساراتوۆتىڭ گوسپيتالىندە جاتقان كورىنەدى. بريگادا مۇشەلەرى وسىنداي اۋىلدىڭ ۇستىنەن شىققاندا قاتتى قينالاتىن، تەزىرەك كونتسەرت قويۋعا اسىعاتىن.

مۇراتتىڭ دا ءتورت جاعى ءتورت قۇبىلا بولىپ جۇرگەنى شامالى. اعاسى حاميت تە سوعىسقا كەتىپتى. ءبىرازعا دەيىن ماڭعىستاۋ اۋدانىنداعى حالىق اقىنى ءساتتىعۇل جانعابىلوۆ باستاعان مادەني ۇگىت بريگاداسىنىڭ قۇرامىندا ءجۇر دەپ ەدى. كەتكەننەن بەرى جەڭگەسىنەن دە حابار سيرەك كەلەدى. ەڭ ازى اعاسىنان ءبىر حات تا كەلگەن جوق. جەڭگەسى بولسا سوناۋ ماڭعىستاۋدا قالدى. ونىڭ نە كۇيدە ەكەنىن ەشكىم بىلمەيدى. جەر قاشىق، كولىك جوق، حابارلاسۋعا مۇمكىندىك جوق.

ۋاقىت دەگەن جۇيرىك قوي، شىركىن. سوعىس باستالعالى ءتورت جىلعا دا تاياپ قالىپتى-اۋ. دەمالىس جوق، تۇركمەنستاننىڭ بۇرىش-بۇرىشىن ارالاپ، كۇنى-تۇنى دەمالىسسىز ءجۇرىس...

مۇراتتار بۇگىن قىزىلقيا جاقتان كەلگەن. ۇيىنە كەلسە كەلىنشەگى جۇمىستا ەكەن. ءبىر ءتىلىم ناندى تالعاجاۋ ەتتى دە، دەمالعىسى كەلىپ تورگى بولمەسىنە كىردى. اعاش كەرەۋەتىنە ءبىر كوپشىكتى لاقتىرىپ تاستادى دا قيسايا كەتتى. ولاي اۋنادى، بىلاي اۋنادى. ۇيقىسى قۇرعىر كەلەتىن ەمەس. ءبىر ءتۇرلى جۇرەگى الىپ-ۇشىپ مازاسىزداندى. سوسىن شىداي المادى، ورنىنان تۇردى. كىرەر جەردەگى اۋىزعى بولمەنىڭ ءبىر بۇرىشىندا سۇيەۋلى تۇرعان قارا دومبىرانى قابىنان شىعاردى. اۋەلى سىرتىن ءبىر سيپادى دا، شاڭىن ءسۇرتىپ، بۇراۋىن ءتۇسىردى. زەرىككەندە بولسىن، مۇڭايعاندا بولسىن كوڭىلىن كوتەرەتىن دە، مۇڭىن شاعاتىنى دا وسى قارا دومبىرا، كورشىنىڭ ۇيىنە دە بارعان جوق. بالاسىنان قارا قاعاز كەلدى دەپ ەدى. ۇيىنە بىرەۋ كەلدى مە، داۋىس سالىپ جىلاپ جاتىر. دىبىستارى تىم ايانىشتى ەستىلەدى. بۇل ۇيگە وسىمەن ەكىنشى قارا قاعازدىڭ كەلۋى.

— و، قۋ سوعىس، — دەدى مۇرات وزىنە-وزى. سوسىن تورگى بولمەگە قايتا كىرىپ قيسايا كەتتى. كوزىنە سوعىسقا كەتكەن قاتار-قۇربىلارىن، جاقىن-جۋىقتارىن ەلەستەتتى. ءوزى تانيتىن جولداس-جورالاردىڭ مىنەز-قۇلىقتارىن وي ەلەگىنەن وتكىزدى. سولاردىڭ بىرەۋى دە ورالماپتى-اۋ. مىنە، 1945 جىلدىڭ ءساۋىر ايى دا ورتاسىنان اۋىپتى. مۇنىڭ تانيتىندارىنان ءتىرى ورالعان ءبىر جان جوق.

ورنىنان تۇرىپ ەدى، كوزى بۇرىشتاعى ەسكىلەۋ شار ايناعا ءتۇستى. ادام كۇن ساناپ قارتايادى دەگەن وسى-اۋ. سامايىنا اق ءتۇسىپتى. كوزىنىڭ الدىنا كۇلكىلدەگەن سىزىق پايدا بولعان با، نەمەنە؟

كورشىنىڭ ايەلدەرىنىڭ داۋىس سالعان دىبىستارى ءالى ەستىلىپ جاتىر. جىلاعانمەن نە پايدا، ءتىرىلىپ كەلەر دەيسىڭ بە؟ انشەيىن كوڭىلدى باسۋ-داعى. كوزىنە حاميت اعاسى ەلەستەدى. ءانشى ەدى-اۋ، بەيباق. جاستاي قىرشىن كەتتى-اۋ باۋىرىم...

— ۋا، قۋ سوعىس، تالايدى جالمادىڭ-اۋ!

مۇرات قاپتالىن سيپالاپ، سۇيەي سالعان دومبىراسىن ىزدەدى. قايتادان قولىنا الىپ، كۇيگە كەلتىردى. ءوزىنىڭ "قوشتاسۋىن'' تارتتى. بۇل كۇيدى 1942 جىلى مارت ايىندا شىعارعان. وسى شاعادامعا ماڭعىستاۋدان كەلگەن كوپ سولداتتى شىعارىپ سالاردا تارتىپ ەدى-اۋ. اتىن "قوشتاسۋ" - دەپ قويعان. تارتىپ بولدى دا كوزىنە سول كۇنگى كوپ سولداتتى ەلەستەتتى. جىعىلعانعا جۇدىرىق دەگەندەي، سول جىلى قىس قاتتى بولدى. كاسپي تەڭىزىنىڭ جاعاسى تۇگەلدەي قاتىپ قالدى. ماڭعىستاۋ اۋداندىق اسكەري كوميسسارياتى جيناقتاعان مىڭداعان اسكەرلەر گۋرەۆ قالاسىنا جەتە المادى. ول ۋاقىتتا گۋرەۆكە سۋ جولىنان باسقا جول جوق ەدى. سودان بارجىمەن تەڭىز ارقىلى وسى شاعادامعا اكەلگەن. سونداعى كوشەدەگى ادامنىڭ كوپتىگىنەن جەر قايىسقان. ولاردىڭ ىشىندە كىمدەر جوق ەدى، بىرەۋدىڭ جالعىزى، ءبىر ءۇيدىڭ بەس-التى ادامى بار-دى. كەيبىر ءۇي ورىنسىز قالدى. كەيبىرەۋدىڭ اڭىراپ جالعىز اناسى قالدى. كەيبىرەۋدىڭ ۇيلەنگەنىنە 2-3 كۇن بولعان جارى قالدى. كەيبىرەۋدىڭ كامەلەتكە جەتپەگەن جالعىز بالاسى قالدى.

مۇرات "قوشتاسۋ" كۇيىن تارتقاندا، ۆوكزالدىڭ باسىندا ەڭىرەگەندە ەتەگى تولماعان جان قالماعان. بۇل كۇيدى تالاي انا ەگىلە جىلاپ تۇرىپ، تالاي اسىل جار وكسىگىن باسا الماي، اتتانىپ بارا جاتقان جارىنىڭ كەۋدەسىنەن باسىن الماي تۇرىپ تىڭداعان. مىنە، بۇگىن سول كۇيىن جاپادان جالعىز، وزىنە-وزى تارتىپ، تىڭداپ وتىر. ەل ارالاپ جۇرگەندە دە تارتاتىنى بار-دى، ءبىراق تىڭداعان كەمپىر-شالدار جاعى كوڭىلى بۇزىلا بەرگەن سوڭ سوڭعى كەزدە سيرەكتەۋ ورىندايتىن.

الدەن ۋاقىتتا ەسىنە اكەسى وسكىنباي ءتۇستى. ونىڭ دومبىرا تارتىپ وتىرعان كەلبەتى قاسىندا وتىرعانداي كوزىنە ەلەستەپ كەتتى. شىركىن، قازاقتا كۇيشى كوپ قوي، وسەكەمنەن دە تارتقىشتارى بار ما ەكەن؟! تۇرىكپەن - قازاقتى تۇسىندا تالاي تاڭداندىرعان. ماڭعىستاۋدىڭ جەتى قايقىسىنىڭ ءبىرى اتانىپ، اتاعىمەن الشىنعا تاراپ ەدى-اۋ... اكەسى مۇراتتى قاسىنان تاستامايتىن، قايدا بارسا دا ەرتىپ جۇرەتىن. ونەرىنە ريزا بولعاندىعىنان شىعار، مۇراتتىڭ ونەرىن حاميت پەن يشاننان دا ەرەكشە باعالايتىن. اۋىلعا كەلسە كۇنى-تۇنى كۇي ۇيرەتەتىن. دالاعا شىقسا قالىڭ توپ الدىندا كۇي تارتتىراتىن. بالاپانىن باۋلىعان كارى قىرانداي، مۇراتتى تەك ءوزى باۋليتىن. جىر ايتقىزاتىن، ءان سالدىراتىن، كۇي تارتقىزاتىن. سويتكەن اكە ولەرىنەن بىر-ەكى كۇن بۇرىن مۇراتتى قاسىنا شاقىرىپ الىپ:

دۇنيە جالعان، ءوتتىڭ بە؟

بازارىم باستان كەتتىڭ بە ؟

الپىس بەس جاسقا كەلگەندە،

اجال، شىركىن، جەتتىڭ بە؟

كوتەرەم قۋداي تالپىنىپ،

ىشىمە تۇسكەن اۋىر دەرت،

كەدەرگى سالدىڭ ەكپىنگە، —

دەگەن-دى. وسىنى ايتىپ بولىپ، كىشكەنە ءۇنسىز جاتقان. جۇمىلعان كىرپىكتىڭ استىنان ءبىر تامشى جاس ءۇزىلىپ تۇسكەن. سول كوزىن جۇمعان كۇيى مۇراتتىڭ قولىن سيپاپ جاتىپ:

ىرزا بول، بالام، قارتىڭا،

اراسىندا حالقىڭنىڭ

تۇسىردىم تالاي شارشىعا.

اتانىڭ اتىن ازدىرما!

بالاپان قالدى ۇيادا،

كەتكەنمەن ۇشىپ قارشىعا.

كورە الماس ۋاقىت تاس بولدى،

ەندى بىزدەن كوپ سالەم،

ۇلان-بايتاق حالقىما، —

دەپ ەدى-اۋ. اتا اماناتىن اقتادىم با وسى. بىلمەيمىن...

اقتاسام اقتاعان شىعارمىن. "مۇرات-مۇرات" دەپ ءجۇر عوي جۇرت. ىرزا بولعاسىن ايتاتىن شىعار. وسى سوعىس باستالعالى مەڭدە دە تىنىشتىق جوق قوي. جىلاعاندى جۇباتتىم. تالاي تاندى كۇي تارتىپ، تالاي تاندى جىر ايتىپ وتىرىپ اتىردىم. تالايدىڭ اقباتاسىن الدىم. اراسىندا "رابوچي باتالوندا" بولدىم. وكپە سىرقاتىنا بايلانىستى ەرتە بوسادىم. وسىنىڭ ءبارى دە ەڭبەك ەمەس پە؟ ءبىزدىڭ ەلىمىز سوعىستا جىلدام جەڭۋى ءۇشىن قولىمنان كەلگەندى مەن دە ىستەدىم عوي...

مۇرات جۇمىس جاعىنا دايىندىققا بارىپ كەلدى. ۇيىنە كەلىپ شەشىندى دە، جەڭىل كيىممەن تىسقا شىعىپ وتىردى.

كورشى-كولەمدەر دە ەسىك الدىنا شىعىپتى، بىرىمەن-بىرى ايقايلاسىپ سويلەسىپ ءجۇر.

— يساتاي سۇيەۋباەۆ دەگەن ماڭعىستاۋدان كەتكەن ءبىر سولدات قولما-قول ايقاستا جۇزدەگەن نەمىستى ۇرىپ ءولتىرىپ، ەرلىگى ءۇشىن لەنين وردەنىمەن ناگرادتالىپتى. جاقىندا ماڭعىستاۋعا كەلىپ كەتىپتى، — دەيدى بىرەۋى ار جاعىنان قارلىعىڭقى گۇجىلدەگەن داۋىسپەن.

— ويباي-اۋ، سەن ونى ايتىپ وتىرسىڭ، باياعىدا ءبىز ماڭعىستاۋداعى كۇيكەن تاۋىندا وتىرىپ، بەرى كوشكەندە، جول-جونەكەي بالۋانياز تاۋىندا وتىرعان ءبىر كەمپىردىڭ ۇيىنە قونىپ، قوناعاسىعا ەشكى سويىپ بەرىپ ەدى عوي. سوندا قولىمىزعا سۋ قۇيعان ءمادي دەگەن بالا باتىر اتاعىن الىپتى. ءبىر ءوزى جۇزدەگەن نەمىستى قىرىپ سالىپتى، بايرامالى جاققا ءبىزدىڭ شال بارىپ كەلگەن، سول ايتىپ كەلدى. اعاسىن كورگەن ەكەن، سول ايتىپتى، — دەيدى كورشى قارا كەمپىر ايقايلاپ، وشاق باسىندا جۇرگەن سارى اجەگە.

مۇرات ۇيگە ىمىرت ۇيىرىلە كىردى. كەلە سالا دومبىراسىن الدى دا بولمەسىنە كىرىپ كەتتى. شايعا شاقىرعان ايەلىنە دە جاۋاپ قايىرمادى. ءبىر كوڭىلدى كۇيدىڭ ۇلى جوباسى كوڭىلگە ۇيالاعان ءتارىزدى، تارتىپ جاتىر، تارتىپ جاتىر. سىرتقى دۇنيەدە ءىسى جوق.

مۇرات جاڭا كۇيدى قايتالاپ تارتتى. "راحمەت، ساعان، ەلىمنىڭ ساربازدارى، - دەيدى وزىنە-وزى كۇبىرلەپ. — وتاننىڭ تاۋەلسىزدىگى جولىندا ءومىرىڭدى قۇربان ەتتىڭ. مەنىڭ حاميت اعام سياقتى تالاي اسىل جاندى، ابزال ازاماتتار، وتان ءۇشىن قازا بولدىڭدار. ءبىراق سەندەر ولگەن جوقسىڭدار، ماڭگى جاسايسىڭدار. بىزدەر، ءتىرى قالعاندار، سەندەردىڭ الدارىڭدا بورىشتارمىز. ءبىز سەندەردى ماڭگى-باقي ۇمىتپايمىز". مۇرات الگى اڭگىمەلەردى ىشتەي ايتتى، ەگىلىپ وتىرىپ ايتتى. سوسىن بارىپ جاڭا كۇيدى قايتا جالعاستىردى. كوڭىلدى كۇي ۇزاق سونار جەلىگە تۇسكەندەي شالقي جونەلدى.

مۇرات ورنىنان ءبىر تۇردى، ءبىر وتىردى. كوڭىلگە ورالعان سازدى قايتالاپ، تۇرىپ ءجۇرىپ تە، وتىرىپ تا تارتتى، تارتا بەردى، تارتا بەردى. مۇرات ومىرگە جاڭا كەلگەن كۇيدى جاسىرا المادى. كەلىنشەگىن شاقىرىپ تىڭداتتى. كۇيدىڭ العاشقى تىڭداۋشىسى ءوزىنىڭ ادال جارى بولدى. ول ەكى كوزىنەن جاسى تامشىلاعان كۇيى اينالانى ۇمىتقانداي قوزعالىسسىز قالىپتا تىڭدادى. ءسويتىپ، ومىرگە ۇلى جەڭىسكە ارنالعان "جەڭىس كۇيى" كەلدى.

— كوپشىلىك الدىندا بۇل كۇيىمدى ەرتەڭ رەيحستاگقا تۋ قادالدى دەگەن كۇنى تارتام، — دەدى مۇرات كەلىنشەگىنە كۇلىمسىرەپ. قۋانىشىن جاسىرا المادى، ءوزىنىڭ كوزىنەن دە جاس ىرشىپ كەتتى. "جەڭىسىڭ ۇزاعىنان بولسىن" دەدى كەلىنشەگى مۇراتقا، كوزىنىڭ جاسىن ءسۇرتىپ شىعىپ بارا جاتىپ.

شىدامسىزدانا كۇتكەن ۇلى جەڭىس كۇنى كەلدى. 9 ماي 1945 جىل. اڭساعان ارمان ىسكە استى. نەمىس فاشيست باسقىنشىلاردىڭ ىنىنە سۋ قۇيىلدى. سول كۇنى مۇراتتىڭ ەكى بولمەلى ۇيىندە حالىق كوپ جينالدى.

اسقاقتاعان "جەڭىس كۇيى" تارتىلدى. كوزىنە جاس ۇيىرىلمەگەن ادام قالمادى. مۇنىڭ ءبارى قۋانىشتان شىققان كوز جاسى ەدى. قىرىق رەت قايتالاپ تارتتى، جينالعانداردىڭ قايتا-قايتا تىڭداعىسى كەلە بەردى. سول كۇننەن باستاپ "جەڭىس كۇيى" مىنا شەتى قازاقستانعا، مىنا شەتى تۇركمەنستانعا تاراپ كەتتى. ەفيردەن مۇرات وسكىنباەۆتىڭ "جەڭىس كۇيى" بەرىلىپ جاتتى.



تالەيىڭىزگە كەز كەلگەن كىتاپتار لەگى

         
1 داستان
2 ءازيز نەسينالەم ادەبيەتى
3 مۇحتار اۋەزوۆاڭگىمە
4 ءابىلقايىر سپانحيكايات
5 دجون گولسۋورسينوۆەللا
6 ساكەن سەيفۋللينپوۆەست
7 دۇكەنباي دوسجاناڭگىمە
8 جىر
9 بەيىمبەت مايلينپەسا
10 بالعابەك قىدىربەكۇلىاڭگىمەلەر

پىكىرلەر:


قوناق: #128، ۋاقىتى: 15:58 - 2020/01/25

Өте керемет! Мұрат атамызға артында
осындай өшпес мұра қалдырғанына үлкен алғыс айтамыз.


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە 99 دەپ جازىڭىز، راحىمەت!
98 + 1 = ? sozsiz sifermen tolteringiz.