ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-08-18525278840 %60 %
2019-08-19580345151 %49 %
2019-08-20438217062 %38 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

::::ماشحۋر ءجۋسىپ كوپەيۋلى. كازاك شەجىرەسى. 3 نۋسكا ::قازاق شەجىرەسى. 3-نۇسقا

كىتاپحاناعا قايتۋ

قازاق شەجىرەسى. 3-نۇسقا -> ارعىن-توبىقتى شەجىرەسى
اپتورى: ءماشھۇر ءجۇسىپ كوپەيۇلىشەجىرە
قازاق شەجىرەسى. 3-نۇسقا - كورىلىم: (2524)


: PDF Download - Жұктеұ - Скачать - ءتۇسىرۋ

ارعىن-توبىقتى شەجىرەسى

[جانارىس-قاراقوجا-ارعىن-مەيرام (مومىن دەگەن توقالىنان) - توبىقتى ]

توبىقتىنىڭ ەكى بالاسى: رىسبەك (ىرىسبەك)، داۋلەتبەك [75]. ءى.ۋ ءى داۋلەتبەك ءبىر استا جۋان تاياق ۇستاپ، جەروشاق باسىن قورىعاننان، «جۋانتاياق» - اتانىپ [76]، ءناسىلى دە سول اتپەن اتاندى. داۋلەتبەكتىڭ ءۇش بالاسى: بايقارا، بايشورا [77]، جيەنشورا. بايقارانىڭ ەكى بالاسى: ارقار، بوكەن. بايشورانىڭ بالالارى - شاعىربۇعا. مۇنىڭ ءۇش بالاسى قۇدايقۇل، قوجاعۇل، انداعۇل. انداعۇل بالاسى - باتباناق. باتباناق بالاسى - قاراباتىر. جيەنشورانىڭ ءتورت بالاسى: ابدال، جۇمىق، ابىنا، جارجاق [78]. ابدالدىڭ بالاسى -ەسكەنە. جۇمىقتىڭ ەكى بالاسى: نارىمبەت، جيەمبەت. ەسكەنەنىڭ ءۇش بالاسى: ءتاڭىرقۇلى، جۇماش، بەكتاس. نارىمبەتتىڭ ءۇش بالاسى: وتەعۇل، بەردىباي، وتەباي [79].

وتەعۇلدىڭ ەكى بالاسى: تولەباي، كورپە. جيەمبەتتىڭ ەكى بالاسى قۇلاسارى، توقسان. تولەبايدىڭ بەس بالاسى: قوجاكەلدى، قارا، قوجامبەت، جانقوجا، ايتقوجا. قۇلسارىنىڭ ەكى بالاسى: قۇدايسۇگىر، بەرسۇگىر. توقساننىڭ ەكى بالاسى: جانىبەك، توعىزاق.

توبىقتىنىڭ ءبىر بالاسى - رىسبەك، سونىڭ بالالارى: مۇساباي، كوشە، دادان. مۇسابايدىڭ ۇيسىنگە بەرگەن قىزىنان تۋعان جيەنىنىڭ اتى - قۇلىق. جوعارعى «جۋانتاياق» - اتانعان داۋلەتبەك، - وسى بەسەۋىن: بەc اتانىڭ ۇلى - توبىقتى» - دەسەدى. كوكشەنىڭ ەكى بالاسى: توپىش، تامان توپىشتىڭ ەكى بالاسى: باشەي ء(باشي)، شوبان. توماننىڭ ەكى بالاسى قاراكۇشىك (قاراكوشەك)، بالتاي. شوباننىڭ التى بالاسى: ءنادىر، ءبىريت، ءالىم، جاسىباي، قاراباقان، تۋراباي.

داداننىڭ ءۇش بالاسى:ەسەنباقتى، داۋلەتباقتى، اقساق. ەسەنباقتىنىڭ ەكى بالاسى: ماناس، تاناس. ماناستىڭ ءۇش بالاسى: بازارقۇل، كەنجەباراق، توقال. داۋلەتباقتىنىڭ ەكى بالاسى: ەيبەسكى ەبەسكى)، قالداۋ. بۇل دادان - توبىقتى قارقارالى ويازىندا (ۋەزىندە) ەكى بولىس ەل.

جوعارعى مۇساباي ءبيدىڭ ەكى بالاسى: تولەنقوجا، ءسۇيىرباس. بۇل تولەنقوجانى ارعىننىڭ ءبىر جاقسى كىسىسى: «مىنا ءبىر جامان توبىقتى»، - دەگەندىكتەن، ءوزى دە، تۇقىمى دا: «جامان توبىقتى»، - اتاندى. سول تولەنقوجانىڭ ەكى بالاسى: باياناي، شەگىر. بايانايدىڭ ەكى بالاسى: ەسپەنتاي، ەلىباي. ەسپەنتايدىڭ بالاسى - تەكەباي، ەلىبايدىڭ بالاسى - مۇعال. مۇعالدىڭ بالاسى - جوكەڭ. مۇنىڭ ءتورت بالاسى بار: تاز، نۇركە، بىركە، وجار.

جوعارىدا ايتىلعان شەگىردىڭ بالاسى - بايبول، شەگىردىڭ قىپشاققا بەرگەن قىزىنان تۋعان جيەنى - جۇزبەنبەت. بايبولدىڭ بالاسى - بورانشى، ونىڭ ءتورت بالاسى: ەسبولات، المامبەت، ايعانا، ءابىل (ابىل) جانە اسىراندى بالاسى - ەسىم. ەسبولاتتىڭ اسىراپ العان بالاسى -قايىپبەردى، ونىڭ ءتورت بالاسى: قوشقار، سەڭگىر، بەكەي، تەكزان. المامبەتتىڭ ەكى بالاسى: كادىر ء(قادىر)، تۇبەك. ايعانانىڭ ەكى بالاسى: يگىلىك، وراز.

جوعارعى مۇساباي ءبيدىڭ ءبىر بالاسى - ءسۇيىرباستىڭ ءۇش بالاسى: ءالى، سارى، قوجابەرگەن. سارىنىڭ بايبىشەسىنەن ەكى بالاسى: مامبەتەي (مامبەتباي)، ۇمبەتەي. قاتاعان [80] قىزى قوڭىربيكەدەن تۋعان ەكى بالا: مامبەتسوپى، كىشىك. مۇنى جۇرتتىڭ كوبى: «كۇشىك» - دەيدى. قوجابەرگەننىڭ ەكى بالاسى: بەگىمبەت، جاپال. مامبەتەيدىڭ ءۇش بالاسى: تاڭىربەردى، تاسبولات، بايعازى. تاڭىربەردىنىڭ بايبىشەسىنەن: بازار، ساعىندىق، ءبىر قاتىنى[نان] -جاپار [81]، ەڭ كىشى قاتىننان: توسباي، تولەك.

جوعارعى مامبەت سوپىنىڭ ەكى بالاسى: بوراناي، قاباس. بورانايدىڭ ەكى بالاسى: جۇماعۇل، قوجان [82]. جۇماعۇلدان التاۋ: ماماي، مىرزا، بايان، بوكەن، ەرساباي، ماناي. توبىقتىنى ءوردىڭ (وردىڭ) قارا اعاشىنان وسى جەرگە شەيىن باستاپ [كەلگەن] ماماي باتىر ەدى.

قانجىعالى ابىز شۋماق بوقتىبايدىڭ جاساۋىن ۇرلاپ الاتۇعىن مىرزا مامايدىڭ ۇرلاعاندىعى ايقىندالعاننان كەيىن، ارعىن ورتاسىندا تۇرا الماي، وزىنە ەرگەن توبىقتىنى ەرتىپ الىپ، نايمانعا اۋىپ كەتكەن. بوقتىبايدىڭ جاساۋىن ۇرلاعاندىقتان، بۇل جاقتاعى قالىڭ ارعىنعا جەكسۇرىن بولعاندىقتان، ەڭلىك، كەبەك تە بۇل جاققا بەتتەي الماي جاتقاندىعى - سول [83].

جوعارعى كىشىكتىڭ بايبىشەسىنەن:ساڭمۇرىن، بايىمبەت، توقالىنان: انەت، ايتەك. «انەت باباڭ» - اتانىپ، «جەتى جارعى» - اتانعان ءبيدىڭ ءبىرى بولعان جانە سىردان اۋعاندا، «اقتابان شۇبىرىندىدا» توقسان جەتى جاسىندا جۇرە الماي، توبە باسىندا وتىرىپ قالعان -وسى انەت باباڭ. وتىرىپ قالعان جەرى - اۋليەلى قىزىلتاۋ [84]. ارتىنان ىزدەپ كەلىپ، ءتىرى كۇنىندە تاۋىپ الىپ كەتكەن. اۋليەلى قىزىلتاۋدا انەت اتى - جەر اتى بولىپ قالعان ەلدىڭ بارىپ توقتاعان جەرى - ۇلى ەرتىستىڭ بەلدەۋى.

مامىردىڭ اتىلعان جەرى - «مامىر كولى» - اتانىپ قالعان. قالقامان-مامىردىڭ مولاسىن كۇزەتىپ قالىپ، اقىرىندا سول ماڭايدا ولگەننەن، كومىلگەن جەرى «قالقامان» اتانىپ، «قالقامان تۇزى»، «قالقامان بەكەتى» - اتالعان.

بۇل ءسوزدىڭ تاريحى – باسەنتيىن - قويسارى دەگەن ەل بار. قويسارىنىڭ بالالارى: بايزاق، ءومىرزاق.ومىرزاق – بايزاقتان - بايقوجا جالقى. بايقوجا ەبدەيسىز باي بولعان. ءبىر كۇن ونىڭ ۇيىنە سالت اتتى، ساباۋ قامشىلى وندىردەي ءبىر جاس جىگىت كەلىپ قونعان. ءجون-جوباسىن سۇراسا:

− تۇبى-تەگىم جوق، ۇلسىزعا - ۇل بولايىن. جاقسى بولسام، «ۇلىم» دەر، جامان بولسام، «قۇلىم» - دەر، - دەپ، - اكە-شەشە ىزدەپ جۇرگەن جانمىن، - دەيدى.

− ولاي بولسا، سەن ماعان بالا بول، - دەپ، توبەل بيە سويىپ، تورتكىل وشاق قازدىرىپ، اسىقتى جىلىك ۇستاتىپ، بالا قىلدى، جىلقى باقتىردى. بايدىڭ اۋىلى مامىر كولىنىڭ باسىندا وتىر ەكەن.

− اتىڭ كىم؟ - دەيدى.

− اتىم - قالقامان، - دەيدى.

زامانىنداعى جىلقىشىنىڭ قاق ماڭدايى بولدى. ءتۇن بولسا، ۇيىقتامايدى. ولەڭ ايتىپ، زارلايدى دا، جۇرەدى. «مامىردان» باسقا ايتار ءسوزى جوق.

بۇل جانىبەك باتىر قىرعىزدان ءبىر بالانى قورجىنعا سالىپ اپ كەلىپ، اتىن بەرتىس قويىپ، ونان كۇرەڭشە تۋىپ، ونان - ولجاباي. ولجابايدان - ايتباي، ايتبايدان - سەيىتاحمەت، مۇنىڭ دا بالالارى بار، اعايىن - ايماعى[دا] بار.

سول زاماندا رىسبەكتەن شىققان جانىبەك باتىر قالماقتان ولجالاپ ەكى قىز الىپ كەلەدى. ءبىرىن توقالدىققا ءوزى الادى، ءبىرىن بايقوجاعا بايلايدى. بايقوجا ول قىزدى قالقامانعا قوسادى. ول قىزدان تۋعان بالانىڭ اتىن بايتىلەۋ قويادى. بايقوجا بايقارا شاڭىراعىنا يە بولاتۇعىن كەنجە بالاسى جۇماعۇلمەن ەنشىلەس قىلىپ، مالىن ەكەۋىنە قاق ءبولىپ بەرەدى.

قالقامان ءوزى ولگەندە، سول جەرگە قويىلىپ، «قالقامان» اتانادى، كوپ ۇلت بولادى. تۇبى-تەگىن جان بىلمەيدى. «مۇنان بۇل اتاقتى الامىز» - دەپ، باسەنتيىننىڭ نە شونجارى ءوزىن سول جەرگە قويدىرىپ، كورنەكتى تام سالدىرعان بولسا دا، اتالمايدى. قالقامان اتىن كوپتىك قىلىپ، ەشكىم تارتىپ الا المايدى. ات اتانىپ قالعان «قالقامان تۇزى»، «قالقامان بەكەتى» سول «مامىر كولى» قاسىندا بۇل كۇنگە شەيىن «مامىر كولى» اتانىپ قالعان.

قالقاماننان - بايتىلەۋ، ونان - ءاجىباي، ونان - سۇلەيمەن قاجى. ءوزى: «بۇقا - كۇبىر» ىشىندە كىمسىڭ؟»- دەگەنگە: «قويسارىمىن» - دەيدى. قالقامان ءوزى جۇماعۇلمەن زامانداس بولىپ، ەنشىگە بىردەي بولدى. جۇماعۇل بالاسى اعىجان مەن بايتىلەۋ باستاس، تۇستاس بولدى. اعىجان بالاسى ءجۇسىپ پەن ءاجىباي باستاس، تۇستاس بولدى. ءاجىباي بالاسى سۇلەيمەن - ءجۇسىپ بالالارىمەن باستاس، تۇستاس بولدى. سۇلەيمەن قاجى جالعىز ءۇي ەمەس، ون شاقتى ءۇي بار شىعار.

انەت باباڭنىڭ بايبىشەسىنىڭ بەس بالاسى«اقتابان شۇبىرىندىدا» قالماقتىڭ وعىنان ءولىپتى. بايبىشەسىنىڭ بايبولات دەگەن بالاسىنان: بالۋان، باقاي دەگەن ەكى بالا بەسىكتە ەكەن. بالۋاننان تۇقىم جوق. باقايدىڭ ءۇش بالاسى: قۇرمانباي، جارىلعاپ، توققوجا. بۇلاردان تۇقىم-جۇراعات بار. بۇل - انەت ۇرپاعى ءوسىمى كەم بولعان... ايتىكتىڭ بايبىشەسىنەن - ولجاي، توقالدان - ءبايبورى، قالقامان. ءبايبورى «باكەڭ» اتانىپ، ونىڭ ءناسىلى مۇندا ءجۇز ۇيدەي بار.

ولجايدىڭ ءۇش بالاسى: ايدوس، قايدوس، جىگىتەك. جىگىتەكتىڭ بايبىشەدەن: كەڭگىرباي بي، سەڭكىباي; توقالدارىنان: تۇلكىباي، قارساقباي، كۇزەنباي، جولىمبەت. ايدوستىڭ ءتورت بالاسى: ىرعىزباي، تورعاي، توپاي، كوتىبوق، - ء«ۇش ولجايمىز» - دەسىپ كەلەدى [85].

[ماشھۇر ءجۇسىپ ەسكەرتپەسى]: شاكارىم شەجىرە جازعاندا، توبىقتىنى دۇرىستاپ جازا الماپتى: «جىگىتەكتىڭ بايبىشەدەن: كەڭگىرباي بي، سەڭكىباي» - دەپتى. جانە جازادى: «جوعارعى ىرعىزباي - ءبىزدىڭ ءتورتىنشى اتامىز»، - دەيدى. «ابىلاي حان مەن جولداس بولعان كىسى، ونىڭ ءتورت بالاسى: وسكەنباي، ءۇسىر، مىرزاتاي، جورتار»، - دەيدى.

بۇل ءوزى شاتاسقان دا، قاعاز بەتىن ورىن الدىرىپ تولتىرىپ، جان بىلمەيتىن جاماندارىن جازادى. دادان – توبىقتى - قارامەندە ءبيدى جازبايدى. ءوز زامانىمىزدا ايداي الەم اتىن بىلگەن نارمامبەتتى جازبايدى. قۇنانباي - بوجەي - ون ءبىر جىل قۇنانبايمەن داۋلاسۋعا جاراعان بوجەيدى جازبايدى. ايداي الەمگە بايلىقپەن اتاعى شىققان سوقىر ور[از]با[يدى] جازبايدى.

قۇنانبايدىڭ ىبىرايى [ابايى] جولبارىس بولىپ شىققاندا، قاسقىر بولىپ شىققان: بازارالى، باعانالى، قارىمساق، شوپان، - بۇل تورتەۋى قايدان شىققانىن جازبايدى.

«ەستىگەن قۇلاقتىڭ جازىعى جوق»: ءبىز ەستىپ ەدىك: ء«بىرى قالسا، مەنى ولتىرمەي تىنبايدى!» -دەپ، ىبىراي وسى تورتەۋىن تۇگەل ايداتتى. سونداي بولعانى ءۇشىن:

اپىرم-اۋ، اتى قۇرسىن اباي دەگەن،

جىلاتتى مۇسىلماندى تالاي نەگەن.

ابايىڭ جاقسى كىسى بولعان بولسا،

قاسقىرداي ءوز كۇشىگىن قالاي جەگەن؟! –

دەپ، «وسىلاردى ايداتقانىنا ايتىلعان ءسوز» - دەپ، - «ەكى كاپىرىنىڭ ءبىرى - ءوزىنىڭ ء«ۇش ولجايى ەكەن» - دەپ [86].

بىز ەستىپ ەدىك: «ىرعىزبايدىڭ قاتىنى «ەلتي قاتىن» اتانعان. ول قاتىن - وسكەنبايدىڭ شەشەسى ەكەن»، - دەپ. بۇل ءسوزدىڭ قايدان شىققاندىعى قاراكەسەك - بالتا اقىن قۇنانبايمەن قۇرداس ەكەن. ءوز اعايىنىنىڭ ءبىر قىزىن الىپ قاشىپ، قاتىن قىلىپ، قۇنانباي ەلىندە كوپ ءجۇرىپتى. ءبىر كۇن[ى] بالتا اقىن قۇنانبايدىڭ ۇيىنە كىرىپ كەلسە، قۇنانباي ولەڭدى قويا بەرىپتى:

اق قۇرلار، قارا قۇرلار، قۇرلار، قۇرلار،

بۇرىنعى حاقيقاتتان ءسوزىن جىرلار.

قارىنداسىن قاتىن قىپ الىپ قاشىپ،

ەل ارالاپ جۇرەدى-اۋ ارسىز مۇردار.

سوندا بالتا اقىن ايتىپتى:

اۋەدە ۇشىپ جۇرگەن قارا قۇرلار،

بۇرىنعى حاقيقاتتان ءسوزىن جىرلار.

بالاسى اكەسىنە بالتا جۇمساپ،

جىندى قاتىن تۇقىمى بادىك مۇندار! - دەپتى.

قۇنانبايدىڭ ءۇيىنىڭ سىرتىندا توعاي بار ەكەن. قۇنانباي ونان ءبىر شىبىق كەستىرمەي قوريدى ەكەن. ءبىر كۇن[ى] اعاش كەسىپ جاتقان ءبىر بالتانىڭ تاق-تاق داۋىسى ەستىلىپتى. قۇنانباي قولىنا بالتا الا جۇگىرىپتى:

− اعاش كەسكەن اكەم وسكەنباي بولسا دا، باسىن شابايىن! - دەپ.

بارسا، اكەسى وسكەنباي ەكەن، اكەسىن شابا الا ما بالاسى؟! «اكەسىنە بالتا جۇمساپ» - دەگەنى سول ەكەن. جانە بىرەۋدىڭ كەيبىر مىنەزىن جاقتىرماي، سويلەگەندەرگە: «نارمامبەت قانشا ايتقانمەن، ەلتي قاتىننىڭ ۇرپاعى عوي» - دەيدى ەكەن.

وسىنى جازىپ وتىرعان ءماشھۇر دە - «ەلتي قاتىننىڭ» ۇرپاعى. بەسىمنىڭ بايبىشەسى - بەكتىك بايبىشە قىپشاق: قاتىقۇلاق مەرگەننىڭ قىزى. «قاقىرعانى - قايما التىن، تۇكىرگەنى -تۇيمە التىن» بولعان، مولاسى قىزىلتاۋدا، قاتىقۇلاق مەرگەن مولاسى تەرىساققان بويىندا [87].

بالا كۇنىمىزدە ەستىگەن ءسوز ەدى: «توبىقتى ۇرانى - مايابوز» - دەپ. «ول قالايشا ۇران بولعان؟» - دەۋشىگە بىلاي دەۋشى ەدى:

− بۇرىنعى زاماندا قازاق-قالماق جاۋلاسقان كۇندە قالماق جەڭىپ، قازاق قاشىپ، اجالسىزى باسىن قۇرتتاپ قۇتىلعان...قويانداي بوز اتقا مىنگەن ءبىر قاتىن قالماقتان قاشىپ قۇتىلىپ، قازاققا كەلىپتى. بايى قالماقتا ءولىپ قالعان، مۇنداعى قاتىنعا باي بولارلىق ازامات از، تانىمال-تانىسى جوق وسى قاتىن اياقسىز قاڭعىپ، قازاق ورتاسىندا ءجۇرىپ، ءوزى بۋاز، [ە]كىقابات ەكەن. بالگەرلىك، باقسىلىق قىلىپ، دەرت قاراپ: «قاقىرعانى - قايما التىن، تۇكىرگەنى - تۇيمە التىن»، - بولىپ اۋرۋ-سىرقاۋ جەرگە ايتپاي ءبىلىپ، سۇراماي تانىپ، ءوز اياعىمەن ءجۇرىپ قارايتۇعىن بولىپتى. مىنگەنى قويانداي بوز ات، ءوزى كۇي[لى]، جۋان، سەمىز، ونىڭ ۇستىنە ەكىقابات، بۋاز بولعان سوڭ، قاي اۋىلعا بارسا، «مايابوز كەلەدى»، - دەي بەرگەننەن، «مايابوز» - اتانىپتى. ءوزى بوسانىپ، ەر ۇل تاۋىپ، بالاسىنىڭ اتىن: «ەلەتان»، - قويىپتى. ەندى ءبىر سونداي تۇپسىز-تەكسىز بالا پايدا بولىپ، ونىڭ اتى «ەلەحان» - بولىپتى.

ەلەتان، ەلەحان ەگىز قوزىداي بولىپ ءوسىپتى. ەر جەتە باستاعان سوڭ، قىزىقتى، سۇيكىمدى، ونەرلى بولىپ، اركىم قىزىعا باستاپتى. «بالا قىلىپ الامىز!»- دەپ، بىرەۋگە-بىرەۋ قي[ماي]، ارعىن، نايمان، قوڭىرات، قىپشاق، - ءتورت ارىس - ورتا ءجۇز تالاسىپتى. سوندا بۇلار كوپ ورتاسىندا سوزگە بايلاۋ، ماتاۋ قىلىپ: «بايگەگە ات قوسايىق، قاي اتىمىز وزعانىمىز الايىق!» - دەسىپ، بايگەگە ات قوسىپتى. ارعىننىڭ اقتوبىق اتى الدىن[دا] كەلىپ، ارعىن الىپ: «مۇنىڭ تۇڭعىش[ى]...[ا]قتوبىق اتتىڭ بايگەسىنە كەلدى، [كەلىپ ەدى]» - دەپ، بالانىڭ اتىن «توبىقتى» قويىپتى.

بۇرىنعىلار ايتۋشى ەدى: «اقسوپىنىڭ بالالارى: تولىباي ۇراندى قانجىعالى مەن مايابوز ۇراندى توبىقتى»، - دەپ. جانە قازاقتا ءبىر ءسوز بار ەدى: «ەلەتان ەلگە تەڭ كەلدى، // ەشكى قويعا تەڭەلدى». «بۇل ەلەتان دەگەنى كىم؟» - دەگەندە: «توبىقتىنى ايتادى»، - دەۋشى ەدى.

«كىشى ءجۇز ورىسقا قاراپ قالىپتى، ورتا ءجۇز دە قارايتۇعىن سىقىلدى»، - دەپ ەستىگەندە، دادان - توبىقتىدان شىققان قارامەندە ءبيدىڭ كەڭگىربايعا ايتقان سالەمى:

باسىندا سىردان كوشىپ ورعا كەلدىك،

تابان تەسىپ، قالجىراپ زورعا كەلدىك.

«قۇل (قول) الدىنان قۇرۋلى تالقى»، - دەگەن،

بۇل جاققا باكقا كەلمەي، copعa كەلدىك!

«سالەم، - دە كەڭگىربايعا ، - كەل، كەتەلىك،

مىقتى ساباز اتاندى تەرلەتەلىك.

دىن - مۇسىلمان جۇرتىنا بەتتى تۇزەپ،

اتى جاقسى داريادان ءارى وتەلىك!-

ماقالدار

1. ءوزى تويماعاننىڭ سارقىتىن ىشپە!

2. بوق جيساڭ، پالاۋ جەگەننىڭ بوعىن جي!

3. ءوزى بوق جەگەننىڭ بوعىن جەمە!

4. اقىماقتىڭ تىزگىنى قۇلاعىندا بولادى،

اقىلدىنىڭ تىزگىنى كەۋدەسىندە بولادى.

5.اقىماق نە ىستەسە، سونى مالدانىپ جۇرە بەرەدى،

اقىلدى ويلانادى، اقىلىنا سىيسا، ۇستايدى، سىيماسا، تاستايدى.



تالەيىڭىزگە كەز كەلگەن كىتاپتار لەگى

         
1 مۇحتار اۋەزوۆاڭگىمە
2 بەيىمبەت مايليناڭگىمە
3 مۇحتار اۋەزوۆستسەناري
4 ولەڭدەر جيناعى
5 مۇقان يمانجانوۆاڭگىمە
6 ماقسات رامازانۇلىاڭگىمە
7 ولەڭدەر جيناعى
8 نۇرداۋلەت اقىشاڭگىمە
9 مارحابات بايعۇتاڭگىمە
10 ءسابيت مۇقانوۆادەبي پورترەتتەر

پىكىرلەر:


قوناق: #92، ۋاقىتى: 16:30 - 2017/10/16

Мен өзімнің жеті атамды қалай білсем болад? Орта жүз арғын тобықты екенін білем болды. Көмектессіңіздер. Рахмет!


قوناق: #91، ۋاقىتى: 16:30 - 2017/10/16

Мен өзімнің жеті атамды қалай білсем болад? Орта жүз арғын тобықты екенін білем болды. Көмектессіңіздер. Рахмет!


قوناق: #81، ۋاقىتى: 17:30 - 2017/08/28

Тобықты неше руға бөлінеді, ол бөлінген рулар тағы неше руға бөлінеді, соны жіктеп кетсеңіздер жақсы болар еді, біліп жүрейік!


قوناق: #80، ۋاقىتى: 17:27 - 2017/08/28

Бұның қайсысы енді ру аталары, қайсысы жəй адамдар?


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە 99 دەپ جازىڭىز، راحىمەت!
98 + 1 = ? sozsiz sifermen tolteringiz.