ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-11-134580823558 %42 %
2019-11-141757522045 %55 %
2019-11-151729576164 %36 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

::::الاش كوسەمسوزي. 7 توم ::الاش كوسەمسوزى. ءVىى توم

كىتاپحاناعا قايتۋ

الاش كوسەمسوزى. ءVىى توم -> سەرىكتىك قۇرلىسى مەن نەسيە ساياساتى
اپتورى:
الاش كوسەمسوزى. ءVىى توم - كورىلىم: (1095)


: PDF Download - Жұктеұ - Скачать - ءتۇسىرۋ

سەرىكتىك قۇرلىسى مەن نەسيە ساياساتى

I

قازىرگى ۋاقىتتاعى شارۋا ساياساتىنىڭ جان تامىرى سياقتانىپ تۇرعان نەگىزگى ماسەلە ءبىرىنشى - ساۋدا سوماسىنىڭ سانىن مولايتۋ، ەكىنشى - اۋىل شارۋاسىنا نەسيە كومەكتى كوبەيتۋ.

سوڭعى اڭگىمەدەن تۋاتىن ىستەر: اۋىل شارۋاسىنا كومەك بەرۋدىڭ جولىن دۇرىستاۋ، ودان سوڭ اۋىلشارۋاشىلىق سەرىكتىگىنە قارىز كومەكتى كۇشەيتۋ.

ساۋدا سوماسىن كوبەيتۋدىڭ قاجەت ەكەنىن وسى كۇندە جۇرتتىڭ ءبارى دە ۇعىنعان. ەندى ودان شىعاتىن داۋ جوق. ويتكەنى قازىرگى زاماندا قولدا وتىرعان ساۋدا سوماسى (مەملەكەت سوماسى، سەرىكتىك سوماسى، جاي كىسى قولىنداعى سوما) بۇگىنگى ساۋدانىڭ اينالاسىنا جەتپەي ازدىق قىلىپ وتىر. سوندىقتان بازاردا ءبىرتالاي كەمشىلىك شىققانى بايقالدى. كەي جەردە كەيبىر تاراۋداعى ساۋدا ءوتىمدى، كوڭىلدى سياقتانىپ وتىرسا دا، تاعى ءبىر تاراۋداعى ساۋدا ءونىمسىز بولىپ، قولداعى ساتىپ وتكىزبەك بولعان نارسەلەردىڭ وتپەي وتىراتىنى دا كوپ. نەسيەنىڭ مەزگىلىن ۇزىنىراق ەتىپ قولعا تۇسكەن نارسەنى تىلەپ وتىرعان كرەستيان ورتاسى سياقتى الىس شەتكە اپارىپ وتكىزۋگە بولار ەدى. وعان ءبىراق نەسيەنى ۇزاق ۋاقىتقا بەرەرلىك شاما جوق.

سونىمەن ساۋدا سوماسىنىڭ ازدىعى وسى بيىلعى جىلدىڭ سوڭعى كەزىندە قاتتى ءبىلىنىپ وتىر. شىنىنا كەلگەندە نەسيە كومەك كوپ زامانعا شەيىن ءوز ءپىشىنىن ءوزى جاسىرىپ كەلگەندەي بولدى. وكىمەت كومەگى اۋەلى نەسيەدەن پابىرىك، زاۋىتتارعا بەرىلىپ، سول پابىرىك ۇيىمدارى ءبۇل جۇرگىزەتىن مەكەمەلەرگە كومەك ەتۋدىڭ كەڭ جولىمەن پايدالانىپ، بۇلدارىن نەسيەگە بەرەتىن. ءبىراق سول كەڭدىكپەن بەرىلگەن بۇل ساۋدا مەكەمەلەرىنەن ۇزاي الماي قولدارىندا كوپ بولىپ ىركىلىپ قالىپ وتىر. باسىندا پابىرىك، زاۋىت ءبۇل كەمشىلىكتى بايقاماپ ەدى. ءبىراق ارتىنان شارۋا ءونىمىن ارتتىرامىن دەگەن تالاپقا كەلگەن جەردە الدىڭعى ىستەردىڭ قاتەسى ەرىكسىز كورىندى. ەگەر شارۋا ءونىمىن ارتتىرۋ كەرەك بولسا، سونىمەن بىرگە الدىمەن سوما كوبەيتۋ كەرەك ەدى. بۇل تۋراداعى سوما ءونىم قورىن ارتتىرۋ ءۇشىن كەرەك، ونان سوڭ پابىرىك، زاۋىتتىڭ وڭدالىپ، تۇزەلىپ جابدىقتانۋى ءۇشىن كەرەك.

بۇل بەتپەن ءىس ىستەپ كەتۋگە پابىرىك، زاۋىتتىڭ وزىندە قولدا تۇرعان دايىن سوما از بولدى. سەبەبى، بارلىق سوما باسىندا نەسيەمەن جەڭىل شارت بويىنشا العان ساۋدا مەكەمەلەرىنىڭ قولىنان قايتىپ كەلمەي قويدى.

وسىنداي حالدىڭ ىشىندە قالعان سوڭ پابىرىك، زاۋىت سومانى قولىنا جيىپ الۋ ءۇشىن ەرىكسىز ساۋدا مەكەمەلەرىن قىسىپ، بۇرىنعىدان قيىن شارتتارمەن ەسەپ جاسادى. جالپى ساۋدا سوماسىنىڭ وسۋىنە بۇ دا ەم بولمادى، قايتا ساۋدا سوماسىن جاسىتىپ، تومەندەتىپ جىبەردى.

ساۋدا ءىسىنىڭ السىرەۋىنە ەكىنشى جاعىنان زور سەبەپ بولعان - سەرىكتەر. جالپى ساۋدا ءىسىنىڭ السىرەگەندىگى وسى سوڭعى كەزدە عانا از وڭالايىن دەگەندەي. ءبىراق السىزدىك كۇيىنەن شىعىپ كەتۋ ءۇشىن مىنا وڭالۋ تىم جاي وڭالۋ سياقتى.

مەملەكەت بانكەسىنىڭ باسقارما مۇشەسى شەر جولداستىڭ ايتۋىنا قاراعاندا، 1924 جىلدىڭ ءبىرىنشى وكتيابرىنە شەيىن سەرىكتىكتەردىڭ العان نەسيەسى 400 ميلليونعا جەتىپتى. سەرىكتىككە نەسيە بەرگەندە بەلگىلى ساۋدا ەسەبىندەي ورىندى ەسەپ-قيساپ بولماعان. سوندىقتان اينالىپ كەلگەندە سەرىكتىكتەن العاشقى كۇتكەن ءۇمىت ورىندالماي وتىر. سونىمەن بىرگە بانكە مەن مەملەكەتكە ءتيىستى پابىرىك، زاۋىتتىڭ الگى سەرىكتىك سياقتى مەكەمەلەردە قالعان سوماسىن الۋ ءتىپتى قيىن بولىپ وتىر. كەيبىرىنەن الىنباي دا قالىپ وتىر.

وسى سياقتى بولىپ جاسالعان حال مەملەكەتتىڭ ساۋداعا سالماق بولعان سوماسىن كەمىتىپ بەرەتىن نەسيەسىن ازايتىپ وتىر. ءبىراق قالايدا بولسا مەملەكەت نەسيەسىن دۇرىستاپ كوبەيتپەي، ءبىزدىڭ ساۋدا اياققا باسىپ كەتە المايدى. بۇل بارلىق شارۋا ساياساتىنىڭ ءبىر ۇلكەن دىڭگەگى.

بۇدان سوڭ ەكىنشى جاقتان شىعاتىن ءبىر كۇشتى اڭگىمە اۋىل شارۋاسىنىڭ وزىنە نەسيە كومەك بەرۋ. ءبۇل كۇندە پابىرىك، زاۋىت شىعاراتىن ءونىمنىڭ ءوسۋى قاجەت دەيمىز. ول انىق ءتۇزۋ بەتتەپ وسۋ ءۇشىن سونىمەن قاتار قالىسپاي ءوسىپ كەلە جاتاتىن اۋىل شارۋاسى كەرەك. اۋىل شارۋاسى پابىرىك، زاۋىتقا شيكىزاتتى بەرىپ، باسقا تولىپ جاتقان سۇمەسىن دە بەرىپ، ونىڭ ونىمىنە سەبەپشى بولۋدان باسقا ەڭ اۋەلى سول پابىرىكتەر جاساپ شىعارعان زاتتىڭ الۋشىسى دا ول اۋىل شارۋاسى بولۋ كەرەك. كرەستيان بازارى پابىرىك، زاۋىتتىڭ ەڭ زور الۋشىسى. سوندىقتان ول ءالسىز بولسا پابىرىكتەن شىققان نارسەنىڭ ءوسۋى دە ازايماق. كرەستيان بازارىنىڭ ۇلعايۋى العاشقى اۋىلشارۋاسىنىڭ سانى، ساپاسى، سوماسىنىڭ مولدىعىنا بايلانادى.

سونىمەن پابىرىك، زاۋىت ءىسىنىڭ مولايىپ، ساۋدا سوماسىنىڭ ارتۋى ءۇشىن بۇل ەكەۋىن سۇيەۋمەن بىرگە اۋىل شارۋاسىنا سۇيەنىش بولاتىن سومانىڭ دا جۇمسالۋى قاجەت بولادى.

ىى

اۋىل سەرىكتىگىنە بەرىلەتىن نەسيە ساياساتى

سوڭعى كەزدە اۋىل شارۋاسىنا نەسيەنى قاي تۇردە بەرۋ كەرەك دەگەن اڭگىمەنى بارلىق پارتيا ۇيىمى مەن كەڭەس شارۋا ۇيىمدارى تۇگەل ويلاپ وتىر. بۇل ماسەلە وكىمەت قولىندا بوس وتىرعان باسى ارتىق سوما بولسا، كوپ ويلانىپ تولعاناتىن اڭگىمە بولماس ەدى. ءبىرىنشى، سول اقشانىڭ جوقتىعى، ەكىنشى، اۋىلداعى سەرىكتىك ءىسىنىڭ ناشارلىعى بارلىق حالدى قيىنداتىپ وتىر.

قازىردە وسى ەكى شارتتىڭ ەكەۋى دە جايسىز كۇيدە تۇر. جاڭا كۇش قۇراپ كەلە جاتقان مەملەكەت بيۋدجەتى ءبۇل حالدى تۇزەۋگە ءوزى ءالسىز، ءبۇل ارادا سول ەلدىڭ ءوز ىشىندە از-ازداپ قۇرالىپ كەلە جاتقان سومانى دۇرىس جولمەن الدەندىرىپ، سونى مەملەكەت قورىنا قوسىمشا قىلىپ بارىپ ءتيىستى بولعان جەردىڭ بارىنە لايىقتى كومەك بەرىپ وتىرىپ، جالپى مەملەكەت شارۋاسىنا نەگىز بولىپ وتىرعان شارۋالاردىڭ بارلىعىندا ءبىر قالىپپەن تەڭ قىلىپ ءوسىرۋ كەرەك. بۇلار تەڭ وسپەسە، ءىستىڭ ءونۋى قيىن.

ەل قولىندا رەتسىزدىكپەن شاشىلىپ جۇرگەن سومانى رەتتى قىلىپ قۇراستىرۋ بارلىق سەرىكتىك قۇرلىسىن ءتۇزۋ جۇرگىزۋگە بايلانادى.

دۇرىس جولمەن وسەتىن سەرىكتىڭ ەڭ ۇلكەن بەلگىسى: اۋەلى سەرىكتىككە كىرگەن مۇشەلەردىڭ ارالىعى دا ءبىر جەرگە كۇش بىرىكتىرىپ جۇمىلعان، ونەرگە تالپىنعان ەل بولۋ كەرەك. بۇل جاعىنا كەلگەندە سول مۇشە بولعان ەلدىڭ بارلىق سوماسى سەرىكتىك ءىسىنىڭ شەڭبەرىنە كىرۋ كەرەك.

بۇل مەملەكەت سەرىكتىك ىسىنە سوما كومەگىن بەرمەسىن دەگەن ءسوزىمىز ەمەس. بۇندايدا مەملەكەت كومەك قىلاتىن ادەت بىزدەن باسقا بايلار مەملەكەتىندە دە بار. ولاي بولعاندا سەرىكتىككە كومەك ەتۋ ءبىزدىڭ مەملەكەتتىڭ ناعىز مىندەتى بولادى. ءبىراق مۇندا كومەك ەتۋ دەگەن ءسوز سەرىكتىك مەملەكەتتىڭ موينىنا ارام تاماق بولىپ ءمىنىپ السىن دەگەن ءسوز ەمەس. ەگەر سەرىكتىك ءوز جانىنان قوسارى بولماي بار كۇن كورەتىنى مەملەكەت بەرگەن كومەك بولسا، وندا ءىستىڭ ونبەگەنى. وندا سەرىكتىك مەملەكەتتىڭ ەكىنشى ءنومىرلى لاپكەسى بولىپ قانا قويعانى.

مەملەكەت كومەگى سەرىكتىك اياعىن باسىپ الدەنىپ، ەل قولىنداعى سومانى دۇرىستاپ باۋراپ العانشا عانا كەرەك.

بۇلاي بولعاندا سەرىكتىككە كىرىلگەن ەلدىڭ ءوز قولىنداعى تۋما قاراجاتتىڭ سول سەرىكتىكتىڭ شەڭبەرىنە كىرۋى بارلىق ءىستىڭ ەڭ ءبىر ۇلكەن شارتى بولادى. ونسىز ەشبىر سەرىكتىك دۇرىس جولمەن ءوسىپ ونە المايدى.

بىراق قازىردە وسى جايداعى حال وتە ناشار. راس، سوڭعى ۋاقىتتا جاريالانىپ جۇرگەن سيپىرلارعا قاراعاندا سەرىكتىكتەردىڭ بالانسى ءوسىپ، پاەۆوي كاپيتالدارى مولايىپ، سىرتتان كەلگەن سومامەن سالىستىرعاندا بۇرىنعىدان گورى ارتقان سياقتى. ءبىراق ءبۇل سيپىرلاردىڭ بارىنە تالعاۋسىز سەنە بەرۋگە بولمايدى. ويتكەنى اۋىل سەرىكتىگىن باسقارىپ جۇرگەن ادامداردىڭ ەسەپ-قيساپ جۇرگىزۋىندە دە ولاقتىق كوپ. سوندىقتان ولاردىڭ سيپىرلارىندا دا جاڭىلىسى، شاتاعى جوق دەپ ايتا المايمىز.

اسىرەسە، سەنىمسىزدەۋ كورىنەتىن سولاردىڭ وزدەرىنە ءتيىستى پاەۆوي كاپيتالدى ەسەپتەپ شىعارعان جەرىندە. سولاردى ۇزىن سانى بولماسا، بولشەككە كەلگەندە قالاتىن ءنارى تىم از عانا.

شىنىنا كەلگەندە قاعاز جۇزىندە وسكەنمەن ءىس ونبەيدى. ءىس جۇزىندە انىعىندا پاەۆوي كاپيتالمەن بارلىق سەرىكتىكتىڭ ءوز سوماسى مولايۋ كەرەك.

مەملەكەت كومەگى سەرىكتىككە كەلگەندە انىق تازا ساۋدا ەسەبىمەن كەلۋگە كەرەك. شىنىمەن سەرىكتىكتىڭ پايداسىن ويلاساق، ەڭ اۋەلى سولارعا ىستەيتىن بوستىق پەن كوڭىلشەكتىكتى تاستاۋ كەرەك.

اربىر جەكە سەرىكتىككە كومەك بەرمەك بولعان ۋاقىتتا الدىمەن سول سەرىكتىك ءوز مۇشەلەرىنىڭ مۇلىكتەرىن تۇگەل باۋراپ الىپ وتىر ما، الا الماي وتىر ما، سوعان قاراۋ كەرەك. كومەك تە سول مۇلىكتىڭ قاراسىنا قاراي بەرىلەتىن بولۋ كەرەك. سەرىكتىككە نەسيە بەرۋدىڭ جايىنا كەلگەندە بۇل ايتىلعان ءسوز ەستە بولاتىن ۇلكەن ءىستىڭ ءبىرى. ءبىراق نەسيە بەرۋ جالعىز ءبۇل ماسەلەگە قاراپ قانا قويۋ كەرەك ەمەس. سەرىكتىككە نەسيە بەرگەندە ءاربىر جەكە سەرىكتىك ماڭايىنداعى شارۋا جاعدايىن ەسكە الىپ، تالعاپ وتىرىپ، ۇلكەن ەپتىلىكپەن بەرۋ كەرەك. ماسەلەن، سەرىكتىككە نەسيەگە بەرىلەتىن نارسە بۇل بولسا وندا وتە ويلانىپ شەشەتىن ماسەلە سول نەسيەنىڭ سەرىكتىكتەن قايتاتىن مەزگىلى بولۋ كەرەك.

سوڭعى زامانداعى شارۋا جايىندا سويلەپ جاتقان باسپاسوزدەردى الساق، كوبىندە: ء«بىزدىڭ نەسيەگە بەرەتىن ۋاقىتىمىز تىعىز بولادى. سوعىستان بۇرىنعى ۋاقىتتا نەسيە بۇگىنگىدەن كەڭىرەك، ۇزاعىراق ۋاقىتقا بەرىلۋشى ەدى. قازىرگى ۋاقىتتاعى ءبىر زور كەمشىلىك وسىدان» دەيدى. بۇل ابدەن دۇرىس ءسوز. سەبەبى بۇگىنگى بۇلدى وتكىزىپ، قايتا اينالدىرىپ شىعارۋ بۇرىنعى كەزدەن الدەقايدا كوپ ۋاقىتتى كەرەك قىلادى.

نەسيەنىڭ مەزگىلىن مولشەرلەگەندە الدىمەن ەسكە الاتىن جۇمىس، ءبىرىنشى - باراتىن نارسەلەردىڭ زاتىنا قاراۋ كەرەك. ەكىنشى - جۇرەتىن جولىن ەسەپتەۋ كەرەك. سەرىكتىككە ءبۇل بەرەتىن مەكەمە مەن سول بۇلدى اپارىپ تاراتاتىن ەلدىڭ اراسى قاندايلىق جەر ەكەنىن ەسەپتەۋ كەرەك. تاعى وسىنداي ءار ءتۇرلى وزگەشە شارتتار بولۋعا مۇمكىن.

وسى سياقتى شارتتاردىڭ ءبارىن ەسكە الىپ، بۇرىنعى كەمشىلىكتەردى تەكسەرىپ وتىرىپ، جاڭا، تىڭ جول بەلگىلەۋ كەرەك. ول بولماسا سەرىكتىككە الدىن الا قولىنان كەلمەيتىن شارتتى قويىپ، سونىمەن سىناۋ قيسىنسىز بولادى. بۇل شارتتى جالعىز ءبۇل نەسيەسىن بەرۋشىلەر ەمەس، بانكەدەن نەسيە بەرەتىندەر دە ەسكە الۋعا كەرەك.

كوبىنەسە جەرى الىس بولعان سەرىكتىككە نەسيەنىڭ مەزگىلىن كەڭىرەك قىلىپ بەرۋ وتە قاجەت. ونان سوڭ دۇرىس ءىس مۇمكىن دە ەمەس.

سەرىكتىككە نەسيە بەرەردە وسىنداي جايلاردىڭ ءبارىن ەسەپتەپ، ىڭعايىنا جىبەرىپ وتىرىپ كومەك قىلعان سوڭ، سونىڭ ار جاعىندا ادەيى جالپى مەملەكەت ساۋداسىنىڭ قامى ءۇشىن، ەكىنشى - سەرىكتىكتەردىڭ وزدەرىنىڭ ەلدىگى ءۇشىن بويدى شيراق ۇستاۋ كەرەك. بۇگىنگى قالاي بولسا سولاي جۇرگەن ۆەكسەل جۇمىستارىن ول كۇندە اينىمايتىن مىقتى جول قىلىپ قولدانۋ كەرەك. ۆەكسەل تارتىبىنە جۇرت باياعىشا باعىناتىن بولۋ كەرەك.

بىراق ازىرشە بۇل جولدا تۇزەلگەن ءىس جوق. ۆەكسەل ءىسىنىڭ نىعايۋىنا سەمەي گۇبىرنەسىندە بوگەت بولىپ تۇرعان سەبەپتەردى ىرگەلەس بولىمدە ايتپاقپىز. ازىرشە قىسقاشا ايتاتىنىمىز -سەمەي گۇبىرنەسىندەگى كەمشىلىك ءوزىنىڭ شارۋا جولىنداعى ىرگەسى مىقتى ەمەستىك.

وزىنە مەنشىكتى بولعان مۇلىك جوققا ءتان بولعاندىقتان كىرىس-شىعىس ەسەبىنە ءونىمدى قۇرىلىپ كىرە الماي وتىرعاندىعى. سول سەبەپتى قازىردەگى سەرىكتىكتەر ۆەكسەل تارتىبىنە دۇرىستاپ بويۇسىنا الماي، قولىنان بەرگەن مىندەتتى قاعازىنا جەڭىل قاراپ ءجۇر.

بۇعان تاعى ءبىر قوسىمشا بولىپ جۇرگەن سەبەپ - اۋىل سەرىكتىگى مەن سوعان بىرەر ساتى جوعارى تۇرعان سەرىكتىكتەر باسقارماسىنىڭ تەز اۋىساتىندىعى. ەكىنشى - باسقارماداعى ادامداردىڭ كوپ مۇشەلەرمەن جالعاسى جوقتىعى.

تەگىندە ۆەكسەل ءىسى نىعايماي، سەرىكتىڭ ءجۇرىسى دە ونبەيدى، ءىس بولمايدى. جالپى سەرىكتىڭ تاراۋلارى الدەنىپ دۇرىس جولمەن ءجۇرىپ كەتسە ۆەكسەل ءىسى دە نىعايادى. بۇلار بىرىنە - ءبىرى بايلاۋلى. بۇ دا كەيىن سەرىكتىك ىستەرىنىڭ تازارىپ الدەنۋىنە كەمشىلىك كەلتىرەتىن ءىس ءبۇل كۇنگە شەيىن نەشە ءتۇرلى سەرىكتىكتىڭ بىرىنەن - ءبىرى ايىرماسىز ءىس ىستەپ جۇرگەندىگى. ماسەلەن، سەمەي گۇبىرنەسىن الساق، بىزدە اۋىلشارۋاشىلىق سەرىكتىگى مەن پوترەبيتەل سەرىكتىگى قاتار ىستەيدى. ءبىراق ەكەۋىنىڭ ىسىندە ەشبىر ايىرماسى جوق. ەكەۋى دە پابىرىك، زاۋىت سۇمەسىنەن اپارىپ، اۋىل شارۋاسىنىڭ سۇمەسىنە ايىرباستايدى دا قايتادى. بۇل سياقتى بولىپ ەكەۋلەپ ءجۇرىپ ءبىر-اق جۇمىستى ىستەيتىن بولعاندا ەكى ءتۇرلى سەرىكتىكتىڭ بىردەي بولاتىن ەشبىر قيسىنى جوق. ول كۇش پەن قاراجاتتى بوسقا شاشقانمەن ءبىر ەسەپ بولادى.

قازىرگى كۇندە ءبۇل ەكەۋىنىڭ جەكە-جەكە مىندەتىن ايىرىپ ءبولۋدى قويا تۇرىپ، ەندى جالعىز اۋىلشارۋاشىلىق سەرىكتىگىنە نەسيەنى قاي تۇردە بەرىپ كومەكتەسۋ كەرەك دەگەن اڭگىمەگە كەلەمىز.

(اياعى بار)

م. ل.



تالەيىڭىزگە كەز كەلگەن كىتاپتار لەگى

         
1 دۇكەنباي دوسجاناڭگىمە
2 ارميان جازۋشىلارىنىڭ اڭگىمەلەرى
3 ءابىش كەكىلباەۆپوۆەست
4 قاليجان بەكحوجينولەڭدەر
5 ىبىراي التىنساريناڭگىمەلەر
6 تورنتون ۋايلدەررومان
7 ءىلياس ەسەنبەرلينرومان
8 جۇسىپبەك ايماۋىتوۆاڭگىمە
9 مۇحتار اۋەزوۆستسەناري
10 ءماشھۇر ءجۇسىپ كوپەيۇلىجىرلار

پىكىرلەر:


قوناق: #61، ۋاقىتى: 01:58 - 2017/05/22

КРЕДИТНОЕ ПРЕДЛОЖЕНИЕ НА МЕНЬШУЮ ПРОЦЕНТ

Привет, ты в долгах? Вам отказали в займе в банке? Или вам нужен кредит для погашения счетов? Больше не беспокоиться, Ваша помощь приходит сейчас, Corp Loan - кредитная фирма, предлагающая все виды займов физическим лицам, компаниям, которые нуждаются в кредите с низкой процентной ставкой 3%, свяжитесь с нами сегодня для получения дополнительной информации! E-MAIL: corploanfirms@gmail.com


قوناق: #60، ۋاقىتى: 01:57 - 2017/05/22

КРЕДИТНОЕ ПРЕДЛОЖЕНИЕ НА МЕНЬШУЮ ПРОЦЕНТ

Привет, ты в долгах? Вам отказали в займе в банке? Или вам нужен кредит для погашения счетов? Больше не беспокоиться, Ваша помощь приходит сейчас, Corp Loan - кредитная фирма, предлагающая все виды займов физическим лицам, компаниям, которые нуждаются в кредите с низкой процентной ставкой 3%, свяжитесь с нами сегодня для получения дополнительной информации! E-MAIL: corploanfirms@gmail.com


قوناق: #59، ۋاقىتى: 13:59 - 2017/05/20

КРЕДИТНОЕ ПРЕДЛОЖЕНИЕ НА МЕНЬШУЮ ПРОЦЕНТ

Привет, ты в долгах? Вам отказали в займе в банке? Или вам нужен кредит для погашения счетов? Больше не беспокоиться, Ваша помощь приходит сейчас, Corp Loan - кредитная фирма, предлагающая все виды займов физическим лицам, компаниям, которые нуждаются в кредите с низкой процентной ставкой 3%, свяжитесь с нами сегодня для получения дополнительной информации! E-MAIL: corploanfirms@gmail.com


قوناق: #58، ۋاقىتى: 13:56 - 2017/05/20

КРЕДИТНОЕ ПРЕДЛОЖЕНИЕ НА МЕНЬШУЮ ПРОЦЕНТ

Привет, ты в долгах? Вам отказали в займе в банке? Или вам нужен кредит для погашения счетов? Больше не беспокоиться, Ваша помощь приходит сейчас, Corp Loan - кредитная фирма, предлагающая все виды займов физическим лицам, компаниям, которые нуждаются в кредите с низкой процентной ставкой 3%, свяжитесь с нами сегодня для получения дополнительной информации! E-MAIL: corploanfirms@gmail.com


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە 99 دەپ جازىڭىز، راحىمەت!
98 + 1 = ? sozsiz sifermen tolteringiz.

ەل-ارنا ءوز گازەتى