ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-11-134580823558 %42 %
2019-11-141757522045 %55 %
2019-11-151729576164 %36 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

::::مۋحتار شاحانوۆ. ماحابباتتى كورگاۋ ::ماحابباتتى قورعاۋ

كىتاپحاناعا قايتۋ

ماحابباتتى قورعاۋ -> 3. تۇركىستان اڭىزى
اپتورى: مۇحتار شاحانوۆپوەما
ماحابباتتى قورعاۋ - كورىلىم: (1150)


: PDF Download - Жұктеұ - Скачать - ءتۇسىرۋ

3. تۇركىستان اڭىزى

ون ءتورتىنشى عاسىر تۋدىرعان عالاماتتاردىڭ ءبىرى — تۇركىستانداعى قوجا احمەت ياسساۋي ەسكەرتكىشى. ءبىراق وكىنىشكە وراي، وسى الىپ عيماراتتىڭ باس قاناتىن ساۋلەتتەندىرۋ جۇمىسى اياقتالماي قالعان.

(گازەت ماقالاسىنان ءۇزىندى).

تالاي-تالاي بيىكپاز اسىلداردى

تەڭەسكەندە كەلتىرمەي يىعىنان،

ەسكەرتكىش تۇر

قانشاما عاسىرلاردى

ۇزاتىپ ساپ، كۇلىمدەپ ميىعىنان.

جالقاۋ، قيقار تۇيەدەي تارتىنشاقتاپ،

جىلجىدى ءومىر ۇستىمەن كەمەل جەردىڭ.

ەسكەرتكىش تۇر ۇلىلىق قالپىن ساقتاپ،

داڭقىن ساقتاپ دانىشپان شەبەرلەردىڭ.

***

ميزام ءتۇسىپ، — كۇز قىزىعى قالعان كەزدە ازايىپ،

تۇركىستاندا ءبىر ەسكەرتكىش بوي كوتەردى عاجايىپ.

كۇننەن-كۇنگە كەلبەتتەنىپ، كۇننەن-كۇنگە ءسان قۇرىپ،

نان ەسكەرتكىش بوي كوتەردى جۇرتتى وزىنە تاڭ قىلىپ.

سان مىڭداعان كۇل-قۇتاندار ەرتەلى-كەش تىنباستان،

سار دالانىڭ كەۋدەسىنە جازىپ جاتتى ءبىر داستان.

مەرەيى اسقان زارلى داستان سەكىلدى ەدى ول دەگەنمەن،

يران، ءۇندى ەلدەرىنەن جەتكىزىلدى شەبەرلەر.

جالىنىنا تەمىر بالقىپ، يلەۋىنە تاس كونەر،

حاس شەبەرلەر اراسىندا بولاتىن ءبىر جاس شەبەر.

ول تۋرالى جۇرت ايتاتىن:

"ونەرىنىڭ ءورتى بار،

تاڭىر قالاي جارىلقايىن دەسە، ارينە، ەركى بار.

ساۋساعىنىڭ سالىمى بار، سوسىن، اتتەڭ، بوركى بار...

ال ايتپەسە، قىزدا سيرەك كەزدەسەتىن كوركى بار".

قايران شەبەر قالباڭ قاعىپ، ەركىن الىپ تىنىسىن،

باسقارىپ ءجۇر ەسكەرتكىشتىڭ ويۋ-ورنەك جۇمىسىن.

قور بەينەتتەن جۇرت كەشكىلىك دەم العاندا بولدىرىپ،

تۇركىستاندى تۇرلەندىرىپ ءان باستايتىن سول جىگىت.

ول ءان سالسا، قاپاس، تۇيىق كەۋدەسىندە جەل تۇرىپ،

بىردە جارىن، بىردە اناسىن كوز الدىنا كەلتىرىپ،

باسىبايلى باتپان مۇڭى ءسال دە بولسا كەرتىلىپ،

كۇل-قۇتاندار جادىراسىپ، قالاتىن ءبىر سەرپىلىپ.

ول ءان سالسا، ۇزاق ءتۇندى كىرپىك ىلمەي اتىرعان،

ساۋكەلەلى قىز شىعاتىن شەتتەگى التىن شاتىردان.

تىلەك سايىن تىزگىندەسكەن نەتكەن ىڭكار ءومىر بۇل،

سول بويجەتكەن بالدىزى ەدى قاھارلى اقساق تەمىردىڭ.

مىندەت اۋىر. حان بۇيرىعى مامىلەگە قاراي ما؟

عيماراتتى ەندى از كۇندە بىتىرگەن ءجون قالاي دا.

شەبەرلەردى ىقىلاستاپ، ىنتالاماق نيەتپەن

حان ولارعا بالدىزىنىڭ قىزمەتىن سىي ەتكەن.

حان بالدىزى — ءمارزيا ارۋ ىشكە بۇگىپ مۇراتىن،

كۇندە تۇستە شەبەرلەرگە سۋسىن اكەپ تۇراتىن.

سىرت كوزدەردى قالدىرمايىن دەيدى مە ءورتتىڭ وتىنە،

پاڭ بويجەتكەن جۇقا عانا پەردە ۇستايتىن بەتىنە.

گۇجبان تاعدىر يىعىنا نەنى ارتسا دا كونەردەي

شەبەر جىگىت ءمارزياعا عاشىق ەدى ولەردەي.

عاشىعىنىڭ ايداي ءجۇزىن ءبىر كورۋگە تامساندى،

بىردە سۋسىن اكەلگەندە پەردەسىنە قول سالدى.

قىز قىمسىنىپ تۇرىپ قالدى،تۇرىپ قالدى كۇلىمدەپ،

الما بەتى گۇل-گۇل تولقىپ، ويماق ەرنى دىرىلدەپ.

سوسىن، ءلام دەپ ءتىل قاتپاستان، ەركىن باسىپ شەتكەرى،

وزىنە ارناپ ورناتىلعان اق شاتىرعا بەتتەدى.

موسقال شەبەر كۇيىپ-پىستى:

"قاراعىم-اۋ، مۇنىڭ نە،

كوپسىنگەنىڭ وسى نۇرسىز شاباتالى كۇنىڭ بە؟

سەزىمىڭنىڭ ءتوزىم ءجىبىن البىرتتىعىڭ قيدى ما،

ەندى ءقايتتىڭ،

الدە باسىڭ وكپەلى مە يىعىنا؟

پىتىنەلى بولماق ەندى ساعان مىنا اتار تاڭ،

ەرتەڭ ەرتە اقساق تەمىر ورالادى ساپاردان.

بولعان جايدى بالدىزى وعان ايتپاي، ءسىرا، تۇرمايدى،

ايتتى، ءبىتتى، جانىڭ وندا جاھاننامعا زىرلايدى.

سولاي، ۇلىم. امىرشىدەن ەندى راقىم ىزدەمە،

بىراق سەنىڭ كەسەپاتىڭ سوقپاي كەتپەس بىزگە دە".

جىگىت بوپ-بوز.

قانى قاشىپ ءسوزىن زورعا باستادى،

(بەدەرسىزىن بۇرىن قالاي سەزبەي كەلگەن دوستارى).

- تۋىسقاندار،

قامدانايىق، امال-ايلا جاسايىق...

بىرەۋ ايتتى:

- بۇگىن تۇندە ۇيىمداسىپ قاشايىق!

كەلىسىلدى. ءبىراق، ءبىراق... ءجون بولدى ما قاشقانى؟

حان اسكەرى قۋىپ ۇستاپ زىندانعا اكەپ تاستادى.

ەندى نەنىڭ ءمانى قالدى.

(مۇڭدان، مەيلى مۇڭدانبا؟!)

ەرتەڭگىلىك ءمارزيادان حات كەپ ءتۇستى زىندانعا.

جىگىت جىلدام وقىپ شىقتى ءدىر-دىر ەتىپ قولدارى،

قىزدىڭ حاتى مىناۋ ەدى سونداعى:

"بىر كۇندە اشىپ مىنەزىڭنىڭ بار قىرىن،

تەز ءسوندىردىڭ جىگەرىڭنىڭ جارقىلىن.

ۇناپ ەدى باتىلدىعىڭ العاشقى،

تىراعايلاپ قاشقانىڭ نە، جارقىنىم؟

جارىلارداي ساعان قۇشتار سەزىمنەن،

وزىمدى-وزىم تۇساۋلاۋشى ەم توزىممەن.

ولىمنەن دە قايمىقپاعان تىلەكتى

قالاي وقي الماعانسىڭ كوزىمنەن؟

ونەرىڭ بار قاراعان جۇرت قانباعان،

انىڭ اناۋ اسپانىمدا سامعاعان.

قۇداي ساعان ءبارىن بەرىپ،

تەك قانا

ەرلىك بەرمەي قويعانىنا تاڭ قالام.

ەندى ءبارى ءوشتى،

سەندى.

دالباسا.

امال قانشا ءاز سەنىمىم الداسا؟!

سەن ءالدى دەپ وكىنبەيمىن. اتتەڭ-اي،

بىتپەي قالعان مىنا ەسكەرتكىش بولماسا!

بۇلاق ءومىر سۇرگەنىمەن قۇراقسىز

سەزىم ءومىر سۇرە الا ما مۇراتسىز ؟

جۇرەگىندە ەرلىگى جوق ادامنىڭ

بارلىعى دا ماحابباتقا تۇراقسىز! "



تالەيىڭىزگە كەز كەلگەن كىتاپتار لەگى

         
1 ءسابيت مۇقانوۆپوەما
2 بەيىمبەت مايليناڭگىمە
3 ىبىراي التىنسارينعىلىمي ەڭبەك
4 قاليحان ىسقاقپوۆەست
5 ۆلاديمير نابوكوۆالەم ادەبيەتى
6 مۇقان يمانجانوۆاڭگىمە
7 ارميان جازۋشىلارىنىڭ اڭگىمەلەرى
8 جىر
9 ءسابيت مۇقانوۆادەبي پورترەتتەر
10 يون درۋتسەپوۆەست

پىكىرلەر:


قوناق: #113، ۋاقىتى: 04:51 - 2019/07/05

Керемет жазылған! Мұхаңның туындыларын жаттай оқудан жалықпаймын!


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە 99 دەپ جازىڭىز، راحىمەت!
98 + 1 = ? sozsiz sifermen tolteringiz.

ەل-ارنا ءوز گازەتى