ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-11-111849557649 %51 %
2019-11-121795452839 %61 %
2019-11-131150175564 %36 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

::::ماگجان جۋماباەۆ. شىگارمالارى ::شىعارمالارى

كىتاپحاناعا قايتۋ

شىعارمالارى -> مەنى دە، ءولىم، الديلە
اپتورى: ولەڭدەر
شىعارمالارى - كورىلىم: (2415)


: PDF Download - Жұктеұ - Скачать - ءتۇسىرۋ

مەنى دە، ءولىم، الديلە

قاجىدىم ەندى، كۇش ءبىتتى،

كوڭىلسىز، سالقىن، كۇن بۇلتتى،

جەل بۇيىعىپ تەربەلەد.

الدەكىمنىڭ ولگەنىن،

ونى قالاي كومگەنىن،

اڭگىمە عىپ كۇڭىرەنەد.

جەل، كۇڭىرەنبە، جاسىڭ تىي،

ولىم كۇيى — ءتاتتى كۇي.

بالقيدى جانىم بۇل كۇيگە.

مەنى دە، ءولىم، الديلە...

الديلە، ەلىم، الديلە!..

قارا ورماننىڭ شەتىندە،

ناعىز جەلدىڭ وتىندە

وسكەن جالعىز جاس قايىڭ

بىلق - سىلق ەتىپ بيلەگەن،

سىلدىر - سىلدىر كۇيلەگەن،

بولسىن وندا نە ۋايىم؟

سول جاس قايىڭ قۇلاپتى،

جانىندا جەل جىلاپتى.

بالقيدى جانىم بۇل كۇيگە.

مەنى دە، ءولىم، الديلە،

الديلە، ءولىم، الديلە!..

قولىنا الا تۋ الىپ،

قىلىشىن قانعا سۋارىپ،

تاۋ سۋىنداي تاسىعان.

قاراقات كوزىن قان جاۋىپ،

قاباعىنان قار جاۋىپ،

ويىن سالعان جاس ۇلان.

مايداندا ۇلان قايتىپتى،

جەل يمانىن ايتىپتى..

بالقيدى جانىم ءبۇل كۇيگە،

مەنى دە، ءولىم، الديلە!

الديلە، ەلىم، الديلە!

الدەقايدا بەتپاق ءشول،

بەتپاق شولدە جالعىز جول

سول جولمەنەن جالعىز جان

تۇن بويى تالماي ءجۇرىپتى،

تابانىن تاستار ءتىلىپتى،

كەلگەندە اتىپ التىن تاڭ

سورلى شولدە ءولىپتى،

جەل قۇممەنەن كومىپتى.

بالقيدى جانىم بۇل كۇيگە،

مەنى دە، ءولىم، الديلە!..

الديلە ءولىم، الديلە!..

بەتىنەن الما قان تامعان،

تىلىنەن ءتاتتى بال تامعان،

بۇيرا تولقىن شاشى بار

كۇلكىسى مەرۋەرت شاشىلعان،

وزى — گۇل جاڭا اشىلعان،

دال ون بەستە جاسى بار

سۇلۋ كوپ جاس توگىپتى،

تۇنشىعىپ جاسقا ءولىپتى.

بالقيدى جانىم ءبۇل كۇيگە

مەنى دە، ەلىم، الديلە...

الديلە، ءولىم، الديلە!..

تالپىنعان جاڭا نارەستە،

اق قاناتتى پەرىشتە،

بىلدىرلاعان بۇلاقتاي،

كورىنگەن جاندى كۇلدىرگەن،

جاڭا پىسكەن بۇلدىرگەن،

بالاۋسا نازىك قۇراقتاي،

قايتىپتى قوزى كوز ءتيىپ،

بەتىنەن كەپتى جەل ءسۇيىپ...

بالقيدى جانىم بۇل كۇيگە.

مەنى دە، ءولىم، الديلە...

الديلە، ەلىم، الديلە!..

الىستا ايدىن شالقىعان،

كوبىگى مەرۋەرت بالقىعان.

سول ايدىننىڭ استىندا

بار ەكەن الپىس اق وتاۋ،

التىن ۋىق، جىبەك باۋ.

بارى ون التى جاسىندا،

وتاۋ سايىن تولقىن شاش،

تولقىن شاشتار جالاڭاش...

بالقيدى جانىم بۇل كۇيگە.

مەنى دە، ءولىم، الديلە...

الديلە، ەلىم، الديلە!..

جاڭا پىسكەن بالدىرعان،

سۇيسە مەيىر قاندىرعان،

ايدىنعا بارىپ ءتۇسىپتى.

وتاۋلاردى ارالاپ،

جاس جۇرەگىن جارالاپ،

سۇلۋلاردى قۇشىپتى.

قۇشىپتى دا ءولىپتى،

جەل تولقىننان ءبىلىپتى...

بالقيدى جانىم ءبۇل كۇيگە.

مەنى دە، ءولىم، الديلە!..

الديلە، ەلىم، الديلە!..

بالدىرعانمەن باستاسىپ،

سۇلۋمەن قول ۇستاسىپ،

جاس ۇلانمەن جولداس بوپ،

جاس قايىندى كولعا الىپ،

بالانى ءسۇيىپ ءبىر قانىپ،

جولاۋشىمەن مۇڭداس بوپ،

مەن دە تەزىرەك ولەيىن،

الى جاسپىن دەمەيىن،

بالقيدى جانىم بۇل كۇيگە.

مەنى دە، ءولىم، الديلە...

الديلە، ءولىم، الديلە!..

بەتىمنەن ءتاتتى ءبىر ءسۇيىپ،

الدىڭا الشى الديلەپ،

كەلشى، ءولىم، تەزىرەك.

جان ۇشۋدان توقتادى،

جىندانىپ ەندى سوقپايدى

كەشەگى اساۋ جاس جۇرەك.

بەتىمنەن ءتاتتى ءبىر ءسۇيىپ،

الدىڭا الشى الديلەپ...

بالقيدى جانىم بۇل كۇيگە.

مەنى دە، ءولىم، الديلە...

الديلە، ءولىم، الديلە!..



تالەيىڭىزگە كەز كەلگەن كىتاپتار لەگى

         
1 زەرتتەۋلەر
2 جىر
3 شاكارىم قۇدايبەردىۇلى
4 ماقسات رامازانۇلىاڭگىمە
5 جۇمەكەن ناجىمەدەنوۆولەڭدەر
6 ساكەن سەيفۋلليناڭگىمە
7 تاحاۋي احتانوۆوچەركتەر
8 مۇحتار اۋەزوۆپەسا
9 ساكەن سەيفۋللينپوۆەست
10 ماڭعىستاۋەستەلىكتەر

پىكىرلەر:


قوناق: #111، ۋاقىتى: 19:52 - 2019/05/19

Керемет өлең!


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە 99 دەپ جازىڭىز، راحىمەت!
98 + 1 = ? sozsiz sifermen tolteringiz.

ەل-ارنا ءوز گازەتى